ఫైన్‌ను తప్పించుకునేందుకు.. ఈ యువతి ఏం చేసిందంటే..!

విమానంలో ప్రయాణించాలంటే కచ్చితంగా రూల్స్ ఉంటాయి. ముఖ్యంగా లగేజ్ విషయంలో కొన్ని నియమాలు ఉంటాయి. లగేజ్ ఎక్కువ ఉంటే విమాన సిబ్బంది వారు అస్సలు ఒప్పుకోరు. ఇక ఈ ఇబ్బందిని అధిగమించేందుకు కొంతమంది ప్రయాణికులు అప్పుడప్పుడు తమ బుర్రకు పనిపెడుతూ ఉంటారు. తాజాగా లగేజ్ విషయంలో ఫైన్ తప్పించుకోవడం కోసం ఈ యువతి చేసిన పని.. ఇప్పుడు నెట్టింట వైరల్‌గా మారింది.

https://www.facebook.com/photo.php?fbid=2430537840357366&set=a.428321277245709&type=3&theater

ఫిలిప్పెన్స్ నుంచి ఇటీవల రోద్రిగ్రెజ్ అనే యువతి వేరే ప్రదేశానికి వెళ్లేందుకు ఓ ఎయిర్‌పోర్టుకు వెళ్లింది. అక్కడ చెక్ కౌంటర్‌లో ఆమె బ్యాగ్‌ను పరిశీలించిన సిబ్బంది.. మోతాదుకు మించి లగేజ్ ఉందని.. ఫైన్ కట్టాలని అన్నారు. అయితే ఫైన్ కట్టేందుకు సరిపడ డబ్బులు ఆమె వద్ద లేవు. మరోవైపు ఆ బ్యాగ్‌లోని లగేజ్‌ను వదులుకునేందుకు రోద్రిగ్రెజ్ సిద్ధంగా లేదు. ఈ నేపథ్యంలో 2.5కేజీల బరువు గల దుస్తులను తన ఒంటిపై ధరించి.. బ్యాగ్ బరువును తగ్గించింది. దీనికి సంబంధించిన ఫొటోను రోద్రిగ్రెజ్‌నే తన సోషల్ మీడియాలో షేర్ చేసింది. ఎయిర్‌పోర్ట్ సిబ్బంది 7కేజీలకు మించి లగేజ్‌ను తీసుకెళ్లకూడదన్నారు. వెంటనే నా 9కేజీల బరువును 6.5కేజీలకు ఇలా తగ్గించేశాను అంటూ కామెంట్ పెట్టింది. ఇక ఈ పోస్ట్ కాస్త వైరల్‌గా మారగా.. నెటిజన్లు ఆమె తెలివికి మెచ్చుకుంటున్నారు. లగేజ్ బరువును తగ్గించావు.. నీ ఐడియా సూపర్.. నువ్వు సూపర్.. నేను కూడా ఇలానే చేశాను అంటూ కామెంట్లు పెట్టారు.