Watch: గూగుల్ మ్యాప్స్‌లో కొత్త రూట్ దొరికిందా..? స్కూటీతో ఫుట్‌బ్రిడ్జ్ ఎక్కేసిన యువతి!

Scooter Viral Video

సాధారణంగా ఫుట్ ఓవర్‌బ్రిడ్జ్ అంటే పాదచారులు రోడ్డు దాటేందుకు ఉపయోగించే మార్గం. మెట్లు లేదా ర్యాంప్ ద్వారా పైకి వెళ్లి.. అవతలి వైపునకు నడుచుకుంటూ చేరుతుంటారు. అయితే ఓ మహిళ మాత్రం ఫుట్ ఓవర్‌బ్రిడ్జ్‌ను ఏకంగా స్కూటర్‌తో దాటేందుకు ప్రయత్నించడం ఇప్పుడు సోషల్ మీడియాలో వైరల్‌గా మారింది. దీనికి సంబంధించిన వీడియో నెటిజన్లలో ఆసక్తికర చర్చకు దారితీస్తోంది.

వైరల్ అవుతున్న వీడియోలో ఓ మహిళ స్కూటర్‌పై ఫుట్ ఓవర్‌బ్రిడ్జ్‌ వద్దకు చేరుకోవడం కనిపించింది. అక్కడ సాధారణంగా పాదచారులు మాత్రమే ఉపయోగించే మార్గంలోకి ఆమె స్కూటర్‌ను తీసుకెళ్లింది. స్కూటర్‌తో ఫుట్ ఓవర్‌బ్రిడ్జ్‌పైకి ఎక్కి అవతలి వైపుకు వెళ్లేందుకు ప్రయత్నించిన దృశ్యాలు కెమెరాలో రికార్డయ్యాయి. దీంతో అక్కడ ఉన్నవారితో పాటు వీడియో చూసిన నెటిజన్లు కూడా ఆశ్చర్యానికి గురయ్యారు.

రోడ్డుపై ట్రాఫిక్ ఎక్కువగా ఉండటంతో సమయం ఆదా చేసుకోవాలనే ఉద్దేశంతో ఆమె ఇలా చేసి ఉండొచ్చని కొందరు కామెంట్లు చేస్తున్నారు. అయితే ఫుట్ ఓవర్‌బ్రిడ్జ్‌లు ప్రధానంగా పాదచారుల కోసం ఏర్పాటు చేసినవని, వాటిపై ద్విచక్ర వాహనాలను నడపడం ప్రమాదకరమని మరికొందరు అభిప్రాయపడ్డారు.

వీడియో సోషల్ మీడియాలో వైరల్ కావడంతో కామెంట్ల వర్షం కురుస్తోంది. “మేడమ్.. ప్రత్యేక లైసెన్స్ తీసుకున్నారా?” అని ఒకరు సరదాగా ప్రశ్నించగా.. “ఫుట్ ఓవర్‌బ్రిడ్జ్‌కు కొత్త ఉపయోగం చూపించారు” అంటూ మరొకరు కామెంట్ చేశారు. “దారి కనిపించిన చోటల్లా స్కూటర్ నడపొచ్చా?” అంటూ ఇంకొందరు వ్యంగ్యంగా స్పందించారు.

అయితే మరికొందరు మాత్రం ఇది సరదాగా తీసుకునే విషయం కాదని చెబుతున్నారు. ఫుట్ ఓవర్‌బ్రిడ్జ్‌పై స్కూటర్ నడపడం వల్ల పాదచారులకు ఇబ్బంది కలగడంతో పాటు ప్రమాదం జరిగే అవకాశం ఉందని పేర్కొన్నారు. మొత్తానికి ఈ వీడియో ప్రస్తుతం సోషల్ మీడియాలో చక్కర్లు కొడుతూ.. మహిళ చేసిన పని సరైనదేనా? అనే చర్చకు దారితీస్తోంది.

వైరల్ వీడియోను ఇక్కడ క్లిక్ చేయండి..

मैडम को RTO ने एक स्पेशल लाइसेंस दिया है😀 https://t.co/qhepG70O1E

— Manoj Agrawal 🇮🇳 (@Manoj_Indore) September 27, 2026

మరిన్ని ట్రెండింగ్ వార్తల కోసం ఇక్కడ క్లిక్ చేయండి..