Viral Video: అమ్మ బాబోయ్.. పెళ్లి వేదికపైనే వరుడిని పొట్టు పొట్టు కొట్టిన వధువు.. వీడియో చూస్తే షాక్..

‘వద్దురా సోదరా అరె పెళ్ళంటె నూరేళ్ళ మంటరా.. ఆదరా బాదరా నువ్వెళ్ళెళ్ళి గోతిలో పడొద్దురా’ అంటూ మన్మధుడు సినిమాలో హీరో నాగార్జున పాడిన పాట పెళ్లైన మగాళ్లు ఎప్పటికీ పాడుకుంటూనే ఉంటారు. కారణం వారు పడే అవస్థలు. పెళ్లి తరువాత ఇబ్బందులు తప్పవని పెళ్లైన మగవాళ్ల బాధకు నిదర్శనం..

Copule Fighting

Shiva Prajapati |
Updated on: Apr 21, 2023 | 6:32 AM

‘వద్దురా సోదరా అరె పెళ్ళంటె నూరేళ్ళ మంటరా.. ఆదరా బాదరా నువ్వెళ్ళెళ్ళి గోతిలో పడొద్దురా’ అంటూ మన్మధుడు సినిమాలో హీరో నాగార్జున పాడిన పాట పెళ్లైన మగాళ్లు ఎప్పటికీ పాడుకుంటూనే ఉంటారు. కారణం వారు పడే అవస్థలు. పెళ్లి తరువాత ఇబ్బందులు తప్పవని పెళ్లైన మగవాళ్ల బాధకు నిదర్శనం ఆ పాట. పెళ్లి తరువాత బాధ్యతలు, బాధలు, కష్టాలు, సుఖాలు అన్నీ ఉంటాయి. వాటిని తట్టుకుని నిలబడేవారు హ్యాపీగా ఉంటారు. లేదంటే పైన పాట పాడుకుంటారు.

అది అటుంచితే.. తాజాగా పెళ్లికి సంబంధించిన ఓ వీడియో సోషల్ మీడియాను షేక్ చేస్తోంది. పెళ్లికి ముందే ఇలా ఉంటే.. కాపురం మొదలుపెట్టాక ఏంటి వారి పరిస్థితి అని ఆశ్చర్యపోతున్నారు నెటిజనులు. అవును, మరి.. పెళ్లి వేదికపైనే వధువరులు ఇద్దరూ పొట్టు పొట్టుగా కొట్టుకున్నారు. స్టేజీపై వరుడు వధువుకి స్వీట్ తినిపస్తున్నాడు. అయితే, బలవంతంగా తినిపించడం ఆ వధువుకి నచ్చలేదు. వదులురా బాబూ అంటూ పెల్లుమంటూ చెంప మీద ఒక్కటిచ్చింది. ఇక వరుడు ఊరుకుంటాడు. ఆయన గారూ ఓ రెండు ఎక్కువే ఇచ్చాడు. ఆ ఫైటింగ్ కాస్తా.. ముష్టి యుద్ధంగా మారింది. జుట్లు జుట్లు పట్టుకుని ఇద్దరూ పొట్టు పొట్టుగా కొట్టుకున్నారు. మిగతా వారు వారిని విడిపించే ప్రయత్నం చేసినప్పటికీ ఇద్దరిలో ఎవరూ తగ్గలేదు. ఆఖరికి వధువు అయితే.. ఆ వరుడిని కింద పడేసి మరీ తన్నింది. ఈ సీన్‌ను పెళ్లికి వచ్చిన బంధువులు తమ కెమెరాలో రికార్డ్ చేశారు. ఆ వీడియోను సోషల్ మీడియాలో పోస్ట్ చేయగా.. అదికాస్తా వైరల్‌గా మారింది.

ఇవి కూడా చదవండి

వధువు, వరుడు కొట్టుకున్న వైనం చూసి నెటిజన్లు బిత్తరపోతున్నారు. ఇలాంటి పరిస్థితి ఉంటుందనే.. వద్దు రా సోదరా అనే పాట రాసి ఉంటారని నెటిజన్లు కామెంట్స్ పెడుతున్నారు. మరెందుకు ఆలస్యం.. ఈ వీడియోను మీరూ చూసేయండి.