ఓ మై గాడ్.. 4 సింహాలతో కలిసి నిద్రపోతున్న మహిళ.. వీడియో చూస్తే షాక్‌ అవ్వాల్సిందే..
ఇక వీడియో షేర్‌ చేస్తూ ఆస్పినాల్ ఈ నాలుగు సింహం పిల్లల కథనాన్ని వెల్లడించారు. ఈ సింహం కూనలను రక్షించినట్లు తెలిపారు. ఇక ఈ పిల్లలను పెంచడం కోసం తను వాటికి తల్లిలా మారానని చెప్పింది. అందుకే వాటితోనే నిద్రపోతున్నట్టుగా చెప్పింది.
Updated on: Nov 11, 2024 | 9:28 AM
ఇన్‌స్టాగ్రామ్‌లో ఒక వీడియో వైరల్ అవుతోంది. అందులో ఒక మహిళ మంచం మీద పడుకుని నిద్రపోతోంది. అందులో వింత, షాకింగ్ విషయం ఏముందిలే అనుకుంటున్నారా..? కానీ, అక్కడ కనిపించింది మాత్రం నిజంగానే షాకింగ్‌గా ఉంది. ఆమె చుట్టూ 4 సింహం పిల్లలు కూడా ఉన్నాయి. ఈ వీడియో చూసిన జనాలు రకరకాలుగా స్పందించారు. సింహాం పిల్లలను ఆడిస్తున్న ఆ మహిళపై ప్రశంసలు కురిపిస్తుండగా, మరికొందరు మాత్రం ఆమెపై ఆగ్రహం వ్యక్తం చేస్తున్నారు. ఇంతకీ అసలు విషయం ఏంటంటే..
ఈ వీడియో కొంతకాలం క్రితం ఈ సింహం పిల్లల ప్రాణాలను కాపాడిన జంతు రక్షకురాలు ఫ్రెయా ఆస్పినాల్‌కు సంబంధించినది. ఆస్పినాల్ షేర్‌ చేసిన ఈ వీడియో వేగంగా వైరల్ అవుతోంది. దీనిలో ఆమె తన ముఖం చుట్టూ కూడా సింహం పిల్లలు పడుకుని ఉన్నాయి. ఇక వీడియో షేర్‌ చేస్తూ ఆస్పినాల్ ఈ నాలుగు సింహం పిల్లల కథనాన్ని వెల్లడించారు. ఈ సింహం కూనలను రక్షించినట్లు తెలిపారు. ఇక ఈ పిల్లలను పెంచడం కోసం తను వాటికి తల్లిలా మారానని చెప్పింది. అందుకే వాటితోనే నిద్రపోతున్నట్టుగా చెప్పింది. ఆస్పినాల్ పిల్లలను ఆఫ్రికాకు పంపాలని యోచిస్తోంది. గతంలో తను రక్షించి జంతువులను అక్కడే ఉంచినట్టుగా స్పష్టం చేశారు. కాగా, ఈ వీడియోకి నెట్టింట పెద్ద సంఖ్యలో వ్యూస్‌తో పాటు, లైకులు కూడా వచ్చాయి.
ఇక్కడ క్లిక్ చేయండి..
View this post on Instagram
ఈ వీడియోకు 30 లక్షలకు పైగా వ్యూస్‌ వచ్చాయి. ఈ వీడియోపై జనాలు భిన్నమైన స్పందనను వ్యక్తం చేస్తున్నారు. కొంత మంది మహిళను పొగుడుతుండగా, మరికొంత మంది వన్యప్రాణులకు దగ్గరవడంపై ఆందోళన వ్యక్తం చేశారు. సింహం పిల్లలను చాలా జాగ్రత్తగా చూసుకోవడం చాలా బాగుంది, కానీ, ఆమెకు మాత్రం జంతువులతో ప్రమాదం తప్పదంటున్నారు.
మరిన్ని ట్రెండింగ్ న్యూస్ కోసం క్లిక్ చేయండి..
