Viral Video: బిల్డింగ్‌ నుంచి కిందపడుతున్న చిన్నారిని ప్రాణాలకు తెగించి కాపాడుకున్న తల్లి..

Viral Video: తల్లి, బిడ్డల మధ్య సంబంధం ప్రపంచంలోనే వెలకట్టలేనిది. అందుకే ప్రపంచంలో తల్లికి మించిన దైవం లేదంటారు. ఎప్పుడైనా సరే బిడ్డ కష్టాల్లో

Viral Video

uppula Raju |

Updated on: Jan 03, 2022 | 5:22 PM

Viral Video: తల్లి, బిడ్డల మధ్య సంబంధం ప్రపంచంలోనే వెలకట్టలేనిది. అందుకే ప్రపంచంలో తల్లికి మించిన దైవం లేదంటారు. ఎప్పుడైనా సరే బిడ్డ కష్టాల్లో ఉంటే ఏ తల్లి అయినా ఎలాంటి కష్టమైనా ఎదుర్కోవడానికి సిద్ధంగా ఉంటుంది. ప్రస్తుతం సోషల్ మీడియాలో ఒక వీడియో వైరల్ అవుతోంది. ఈ వీడియోని చూస్తే అమ్మ పిల్లల కోసం ఎంత తపన పడుతుందో తెలుస్తుంది. ప్రస్తుతం ఈ ఈ ఘటనకు సంబంధించిన వీడియో సోషల్ మీడియాలో చర్చనీయాంశంగా మారింది. అదేంటో తెలుసుకుందాం.

వీడియోలో ఒక మహిళ తన బిడ్డతో కలిసి లిఫ్ట్ నుంచి దిగడం మనం చూడవచ్చు. ఇంతలో ఆమెకి ఫోన్ వస్తుంది. పిల్లవాడి చేయిని వదిలేసి ఫోన్‌ మాట్లాడుతూ ఉంటుంది. ఇంతలో ఆ చిన్నారి బాల్కనీలో ఉన్న రెయిలింగ్‌ వైపు వెళ్తాడు. దానిని పట్టుకోవడానికి ప్రయత్నించి అదుపు తప్పి అందులోని గ్యాప్‌లో నుంచి కిందపడిపోతుంటాడు. ఫోన్‌ మాట్టాడుతున్న తల్లి ఒక్కసారిగా ఈ సంఘటనను చూస్తుంది. ఫోన్ వదిలేసి కిందపడిపోతున్న చిన్నారి కాలుని అందుకుంటుంది. ఈ విధంగా ఆమె బిడ్డను పడిపోకుండా కాపాడుతుంది.

ఇది క్షణంలో జరిగిపోతుంది. ఈ వీడియోని చూసిన నెటిజన్లు సాహసవంతమైన ఆ తల్లిని ప్రశంసలతో ముంచెత్తుతున్నారు. బిడ్డను కాపాడుకోవడానికి తల్లి చూపిన చురుకుదనం ఖచ్చితంగా అద్భుతమని పొగడుతున్నారు. వీడియోను విపరీతంగా షేర్ చేస్తున్నారు. కామెంట్స్‌, లైక్‌ చేస్తున్నారు. memewalanews అనే ఇన్‌స్టాగ్రామ్ పేజీ నుంచి ఈ వీడియో సోషల్ మీడియాలో షేర్ చేశారు. ఇప్పటివరకు ఈ వీడియోకి 1300 కంటే ఎక్కువ లైక్‌లు వచ్చాయి. వీడియోను షేర్ చేస్తున్నప్పుడు దాని క్యాప్షన్ సూపర్‌మామ్ అని రాయడం విశేషం.