Viral Video: బాప్ రే.. నిద్రలో ఉన్న వ్యక్తిపై పాకుతున్న నాగుపాము.. ఓళ్లు గగుర్పొడిచే వీడియో
సోషల్ మీడియాలో ఒళ్లు గగుర్పొడిచే దృశ్యాలతో కూడిన ఒక వీడియో వైరల్ అవుతోంది. గదిలో మంచంపై ఓ వ్యక్తి ప్రశాంతంగా నిద్రిస్తుండగా, ఊహించని విధంగా ఒక పెద్ద నాగుపాము అతని మంచంపైకి పాకుతూ వచ్చింది. పాము నేరుగా అతని శరీరంపైకి చేరుకున్న క్షణంలో ఆ వ్యక్తికి మెలకువ వచ్చింది. తనపై పాము ఉందని గ్రహించిన అతను ఏం చేశాడు..? ఆ తరువాత ఏం జరిగిందో తెలియాలంటే పూర్తి స్టోరీలోకి వెళ్లాల్సిందే...
Updated on: Aug 16, 2026 | 6:52 PM
మనం ప్రశాంతంగా నిద్రపోతున్న సమయంలో మనకు తెలియకుండానే చుట్టూ ఏదైనా ప్రమాదం పొంచి ఉంటే ఎంత భయానకంగా ఉంటుందో ఊహించుకోవడానికే కష్టంగా ఉంటుంది. తాజాగా, అలాంటి ఒక ఒళ్లు గగుర్పొడే ఘటనా దృశ్యం సోషల్ మీడియాలో వైరల్గా మారింది. రాత్రి వేళ తన గదిలోని మంచంపై హాయిగా నిద్రిస్తున్న ఒక వ్యక్తిపైకి ఏకంగా భారీ నాగుపాము ఎక్కిన భయంకరమైన వీడియో ప్రస్తుతం నెటిజన్లను షాక్కు గురిచేస్తోంది.
వైరల్ అవుతున్న ఈ వీడియో దృశ్యాల ప్రకారం.. ఒక వ్యక్తి తన గదిలో మంచం పై ప్రశాంతంగా పడుకుని ఉన్నాడు. అతడు గాఢ నిద్రలో ఉన్నాడని తెలుస్తోంది.. అంతా సాధారణంగానే ఉందనుకుంటున్న సమయంలో, ఎక్కడి నుంచి వచ్చిందో తెలియదు గానీ, అత్యంత ప్రమాదకరమైన నాగుపాము నెమ్మదిగా అతని మంచం పైకి ఎక్కడం ప్రారంభించింది. ఎటువంటి శబ్దం కాకుండా పాకుతూ వచ్చిన ఆ కోబ్రా నేరుగా ఆ వ్యక్తి శరీరం వరకు చేరుకుంది. కొద్దిసేపటి వరకు ఆ పాము అతనికి అత్యంత సమీపంలోనే ఉండిపోయింది.
అయితే, తన శరీరంపై ఏదో కదులుతున్నట్టుగా అనిపించడంతో ఆ వ్యక్తికి ఒక్కసారిగా నిద్రమత్తు వదిలి మెలకువ వచ్చింది. కళ్లు తెరిచి చూడగానే తనపై అత్యంత విషపూరితమైన నాగుపాము కనిపించడంతో ఆ వ్యక్తి ఒక్కసారిగా షాక్కు గురయ్యాడు. భయంతో బిగ్గరగా అరుస్తూ, తనను తాను కాపాడుకోవడానికి ఒక్కసారిగా కాళ్లు, చేతులు విసిరాడు. ఆ హఠాత్ పరిణామంతో ఆ కోబ్రా కూడా తీవ్రంగా భయపడిపోయింది. వెంటనే మంచం పైనుంచి కిందకు దూకి గది మూలన ఉన్న ఒక చీకటి ప్రదేశంలోకి వేగంగా పారిపోయి దాక్కుంది.
గదిలోని కెమెరాలో రికార్డైన ఈ దృశ్యాలు చూసిన వారెవరైనా ఊపిరి బిగబట్టాల్సిందే. ఈ వీడియో ప్రస్తుతం సోషల్ మీడియా ప్లాట్ఫామ్లలో విపరీతంగా షేర్ అవుతోంది. ఈ వీడియోను చూసిన నెటిజన్లు ఇది హారర్ సినిమా సీన్ కంటే భయంకరంగా ఉంది, ఆ వ్యక్తి నిద్రలేవడం ఒక్క క్షణం ఆలస్యమైనా ప్రాణాలకే ముప్పు వాటిల్లేది అంటూ కామెంట్లు పెడుతున్నారు. జీవితానికి, మరణానికి మధ్య కేవలం కొన్ని సెకన్ల వ్యవధి మాత్రమే ఉంది అని పలువురు వ్యాఖ్యానిస్తున్నారు.
View this post on Instagram
వర్షాకాలం, వేసవి కాలంలో పాములు తరచూ ఇళ్లలోకి, గదుల్లోకి వచ్చే అవకాశం ఉన్నందున, నిద్రించే ముందు, చుట్టుపక్కల వాతావరణం పట్ల ప్రజలు ఎంతో అప్రమత్తంగా ఉండాలని ఈ ఘటన హెచ్చరిస్తోంది.
మరిన్ని ట్రెండింగ్ న్యూస్ కోసం క్లిక్ చేయండి..
