వరదలో కూలిన హెలికాఫ్టర్‌.. స్థానికులు ఏం చేశారో తెలుసా..? వీడియో వైరల్‌

Air Force Helicopter Crash

నేపాల్‌లో భారీ వర్షాల కారణంగా బీహార్‌లో వరదలు ముంచెత్తాయి. రెస్క్యూ సిబ్బంది ప్రజలకు అన్ని విధాలా సాయం అందిస్తున్నారు. వరదల్లో చిక్కుకున్న వారిని కాపాడుతున్నారు. అయితే ప్రతికూల వాతావరణం కారణంగా రెస్క్యూ టీమ్ అనేక ఇబ్బందులు ఎదుర్కొంటోంది. ఈ నేపథ్యంలో ఒక గ్రామం చుట్టూ నీటితో నిండిన వీడియో సోషల్ మీడియాలో వైరల్ అవుతోంది. వీడియోలో ఓ హెలికాప్టర్ నీళ్లలో కుప్పకూలింది. వీడియో ఎక్కడిది..? ఎప్పుడు జరిగింది అనేది తెలియదు గానీ, ఇంటర్‌నెట్‌లో మాత్రం వేగంగా వైరల్ అవుతోంది. ఈ వీడియోలో సహాయక బృందం ఎన్ని ప్రతికూల పరిస్థితులను ఎదుర్కోవాల్సి వస్తుందో చూపుతోంది. తమ ప్రాణాలను పణంగా పెట్టి ప్రజలకు సహాయం చేస్తున్న దృశ్యాలు ప్రతి ఒక్కరినీ కదిలించేవిగా ఉన్నాయి.

ఈ వీడియో చూడండి..

@gharkekalesh X ఖాతాలో షేర్ చేసిన వీడియోలో, ఎయిర్ ఫోర్స్ హెలికాప్టర్ కూలిపోయి నీటిలో మునిగిపోయింది. దానిపై ముగ్గురు పోలీసులు నిలబడి ఉన్నారు. కూలిపోయిన హెలికాప్టర్‌లో ఎవరైనా చిక్కుకున్నారా అని రెస్క్యూ టీం పరిశీలిస్తున్నారు. ఇదిలా ఉండగా.. మెడ వరకు నీళ్లలో మునిగిపోయిన ఓ రిపోర్టర్.. కూలిపోయిన ఎయిర్ ఫోర్స్ హెలికాప్టర్ అని చెబుతున్నాడు. అందులో ఎయిర్ ఫోర్స్ సిబ్బంది ఉన్నారు. అదే సమయంలో, వైమానిక దళ సైనికులను సురక్షితంగా తరలించిన స్థానిక ప్రజలకు ఆయన కృతజ్ఞతలు తెలిపారు. సైనికుల ప్రాణాలను కాపాడినందుకు చాలా సంతోషంగా ఉందని, గ్రామస్తులందరూ దీనికి సహకరించారని ఈ గ్రామస్థుడు చెబుతున్నాడు.

ఈ వీడియో చూడండి..

ఇటీవల, బీహార్‌లోని ముజఫర్‌పూర్ జిల్లాలోని ఘనశ్యాంపూర్ పంచాయతీకి చెందిన బెస్సీ బజార్ సమీపంలో అత్యవసర ల్యాండింగ్ సమయంలో భారత వైమానిక దళం హెలికాప్టర్ కూలిపోయింది. ఈ చౌపర్ వరద ప్రభావిత ప్రాంతాలకు సహాయక సామాగ్రిని తీసుకెళ్లారు. సాంకేతిక లోపంతో హెలికాప్టర్ కుప్పకూలింది. అనంతరం స్థానికులు సైనికులను సురక్షితంగా తరలించారు. ఈ ఘటనలో పైలట్‌తో సహా నలుగురు జవాన్లు సురక్షితంగా బయటపడ్డారు. ఈ ఘటనకు సంబంధించిన వీడియోలు సోషల్ మీడియాలో వైరల్ అవుతున్నాయి.