Viral: ఎయిర్‌పోర్ట్‌లో పోగొట్టుకున్న సూట్‌కేస్ 4 ఏళ్ల తర్వాత దొరికింది.. తీరా దాన్ని తెరిచి చూడగా..
ఓ మహిళ తన సూట్‌కేస్‌ను విమానాశ్రయంలో పోగొట్టుకుంది. సాధారణంగా పోయిన వస్తువులు ఏవైనా కూడా మళ్లీ దొరకడం కష్టం. అయితే.. ఈమెకు లక్..
ఓ మహిళ తన సూట్‌కేస్‌ను విమానాశ్రయంలో పోగొట్టుకుంది. సాధారణంగా పోయిన వస్తువులు ఏవైనా కూడా మళ్లీ దొరకడం కష్టం. అయితే.. ఈమెకు లక్ మరీ వైఫైలా ఉంది. ఆ సూట్‌కేస్ 4 ఏళ్ల తర్వాత దొరికింది. తీరా దాన్ని తెరిచి చూడగా.. ఆమె ఒక్కసారిగా అవాక్కయింది. ఈ ఘటన అమెరికాలో చోటు చేసుకోగా.. అసలు ఆ స్టోరీ ఏంటో ఇప్పుడు చూద్దాం..
స్థానిక ఓరేగాన్ రాష్ట్రానికి చెందిన ఏప్రిల్ గెవిన్ 2018లో ఓ బిజినెస్ ట్రిప్ నిమిత్తం చికాగోకు వెళ్లి యునైటెడ్ ఎయిర్ లైన్స్ విమానంలో తిరిగి వస్తుండగా తన సూట్‌కేస్‌ను పోగొట్టుకుంది. దానికోసం విమానాశ్రయం మొత్తం వెతకగా.. ఆమెకు అది దొరకలేదు. దీంతో సదరు ఎయిర్ లైన్స్ సంస్థ గెవిన్‌కు నష్ట పరిహారం చెల్లించింది. ఇంతవరకు బాగానే ఉంది గానీ.. కథలో అసలు ట్విస్ట్ ఇప్పుడే వచ్చింది.
సరిగ్గా నాలుగేళ్ల తర్వాత.. ఆ ఎయిర్ లైన్స్ సంస్థ ఆమెకు ఫోన్ చేసి సూట్‌కేస్ దొరికిందని కబురు పెట్టింది. దాన్ని టెక్సాస్‌లోని హ్యుస్టన్ ఎయిర్‌పోర్ట్‌లో గుర్తించినట్లు చెప్పింది. హాండూరస్‌‌లో మాయమైన సూట్‌కేస్ ఎలా టెక్సాస్‌లోని హ్యుస్టన్ ఎయిర్‌పోర్ట్ చేరుకుందో తెలియక ఆమె ఒకింత అయోమయానికి గురైంది. సమాచారం అందుకున్న వెంటనే సదరు విమానాశ్రయానికి వెళ్ళింది గెవిన్. ఆమె సూట్‌కేస్ తెరిచి చూడగా.. వస్తువులన్నీ కూడా అలాగే ఉన్నాయి. ఇది ఆ యువతికి మరింత ఆశ్చర్యాన్ని కలిగించింది. కాగా, ఈ విషయాలన్నీంటిని ఆమె ఓ టిక్ టాక్ వీడియో ద్వారా నెటిజన్లతో పంచుకుంది.
