Love story: ఇదో విచిత్ర వివాహం.. ఒకే వేదికపై ఇద్దరికి మూడుముళ్లు వేసిన వరుడు..! పైగా..
ఇదో విచిత్ర వివాహం..ఒకే వ్యక్తి ఇద్దరు యువతులను ఒకే వేదికపై పెళ్లి చేసుకున్నాడు. అంతేకాదు, పెళ్లికి ముందే ఇద్దరు పిల్లలకు తండ్రి కూడా అయ్యాడు.. అదేం పెళ్లి అని ఆశ్చర్యపోవద్దు. ఎందుకంటే, ఛత్తీస్‌గఢ్‌లోని కొండగావ్ జిల్లాలో జరిగింది ఈ అపూర్వ వివాహం.
Updated on: Jun 09, 2022 | 7:57 PM
నేటి కాలంలో ప్రేమ వ్యవహారాల కారణంగా చాలా వివాహాలు విచ్ఛిన్నమయ్యాయనే చాలా వార్తలు వస్తున్నాయి. అయితే ఛత్తీస్‌గఢ్‌లోని కొండగావ్ జిల్లాలో మాత్రం ఒక ప్రత్యేకమైన వివాహం జరిగింది. ఎందుకంటే ఇక్కడ ఓ వ్యక్తి ఇద్దరు పెళ్లికూతుళ్ల డిమాండ్‌ను ఒకేసారి నెరవేర్చాడు. విశేషమేమిటంటే ముగ్గురూ అందరి అంగీకారంతోనే ఈ పెళ్లి చేసుకున్నారు. ఎందుకంటే వీరి పెళ్లికి కుటుంబసభ్యులు కానీ, సమాజం కానీ, ఎలాంటి అభ్యంతరం చెప్పలేదు. పెళ్లయిన వెంటనే ఆ వ్యక్తి కూతుళ్లకు తండ్రి కూడా అయ్యాడు. ఇది ఎలా జరుగుతుందనే కదా సందేహం..అందుకే పూర్తి డిటేల్స్‌ మీ కోసమే…
వివరాల్లోకి వెళితే… కొండగావ్‌లోని ఉమ్లా గ్రామానికి చెందినది. ఇక్కడ నివసించే రాజన్ సింగ్‌కు అడెంగా గ్రామానికి చెందిన దుర్గేశ్వరి మార్కంతో సంబంధం ఏర్పడింది. వారిద్దరూ నిశ్చితార్థం చేసుకున్నారు. నిశ్చితార్థం తర్వాత, అమ్మాయి అబ్బాయి ఇంట్లో నివసించడం ప్రారంభించింది. కొంతకాలం తర్వాత దుర్గేశ్వరి ఒక బిడ్డకు జన్మనిచ్చింది. అయితే ఇంతలో రాజన్ సింగ్ కూడా అయోన్వారీ గ్రామానికి చెందిన సన్నో బాయితో ప్రేమలో పడ్డాడు. సన్నో, రాజన్ సింగ్ ల ప్రేమ ఎంత దూరం వెళ్లిందంటే సన్నో కూడా ఓ బిడ్డకు జన్మనిచ్చింది.
రాజన్ సింగ్ దుర్గేశ్వరి, సన్నోలను ప్రేమిస్తున్నాడని, అందుకే అతను ఈ విషయాన్ని కుటుంబ సభ్యులకు, బంధువులకు చెప్పాడు. రాజన్ సింగ్ ఇద్దరూ పెళ్లి చేసుకోవడం గురించి మాట్లాడారు, దానిపై దుర్గేశ్వరి, సన్నో కూడా అంగీకరించారు. ఆ తరువాత, కుటుంబాలు, బంధువులు, గ్రామస్తుల అంగీకారంతో, రాజన్ సింగ్ వారిద్దరినీ ఒకే మంటపంలో వివాహం చేసుకున్నాడు. ఈ వివాహ వేడుకకు ప్రజలందరూ హాజరై ముగ్గురినీ ఆశీర్వదించారు.
అయితే, ఇక్కడ మరో విశేషమేమింటంటే…దుర్గేశ్వరి, సన్నోలు తమ కూతుళ్లను ఒడిలో పెట్టుకుని పెళ్లి మండపంలో కూర్చొని కళ్యాణం జరిపించుకున్నారు. ఈ విధంగా రాజన్ సింగ్ పెళ్లయిన వెంటనే ఇద్దరు పిల్లలకు తండ్రి అయ్యాడు. పెళ్లయిన తర్వాత ఇద్దరితో ప్రేమలో పడ్డానని, అందుకే ఇప్పుడు జీవితాంతం ఇద్దరికీ సపోర్ట్ చేస్తానని రాజన్ సింగ్ చెప్పాడు. ఈ అపూర్వ వివాహంపై జిల్లా వ్యాప్తంగా చర్చ జరుగుతోంది.
నిజానికి, నేటికీ, గిరిజన సమాజంలో పాతు వ్యవస్థ ఆచారం ఉంది. దాని కింద అమ్మాయి ప్రేమించిన అబ్బాయి వివాహం చేసుకోకుండా అతని ఇంట్లో నివసిస్తారు. ఇందుకు అబ్బాయి తరపువారుకానీ, అమ్మాయి కుటుంబ సభ్యులు గానీ, దీనికి అభ్యంతరం చెప్పరు. అయితే సరైన సమయం చూసి కుటుంబ సభ్యులు ఇద్దరికీ పెళ్లి కూడా చేశారు.
మరిన్ని జాతీయ వార్తల కోసం..
