Watch Video: థ్రిల్ కోసం వెళ్తే పులుసు కారిపోయింది.. 120 అడుగుల ఎత్తులో ఇరుక్కుపోయి తంటాలు! వీడియో
రళలోని ఇడుక్కిలోని అనాచల్లో షాకింగ్ ఘటన చోటు చేసుకుంది. ఓ ప్రైవేట్ స్కై-డైనింగ్ వద్ద ఓ క్రేన్లో సాంకేతిక వైఫల్యం తలెత్తింది. దీంతో అనేక మంది పర్యాటకులు భూమికి దాదాపు 120 అడుగుల ఎత్తులో ఆకాశంలో ఇరుక్కుపోయారు. గంటన్నరకు పైగా ప్రాణభయంతో బిక్కుబిక్కుమంటూ అక్కడే గడిపారు.
Updated on: Nov 28, 2025 | 9:11 PM
కేరళ, నవంబర్ 28: కేరళలోని ఇడుక్కిలోని అనాచల్లో షాకింగ్ ఘటన చోటు చేసుకుంది. ఓ ప్రైవేట్ స్కై-డైనింగ్ వద్ద ఓ క్రేన్లో సాంకేతిక వైఫల్యం తలెత్తింది. దీంతో అనేక మంది పర్యాటకులు భూమికి దాదాపు 120 అడుగుల ఎత్తులో ఆకాశంలో ఇరుక్కుపోయారు. గంటన్నరకు పైగా ప్రాణభయంతో బిక్కుబిక్కుమంటూ అక్కడే గడిపారు. మున్నార్ సమీపంలో శుక్రవారం సాయంత్రం ఈ సంఘటన చోటు చేసుకుంది. ఇందుకు సంబంధించిన వీడియో దృశ్యాలు ప్రస్తుతం నెట్టింట వైరల్గా మారాయి. సమాచారం అందుకున్న రెస్క్యూ బృందాలు సంఘటనా స్థలానికి చేరుకుని గాల్లో వేలాడుతున్న పర్యాటకులను సురక్షితంగా కిందకు దించే ప్రయత్నం చేస్తున్నారు.
చాలా మందికి అడ్వెంచర్ టూరిజం అంటే మహా ఇష్టం. వీరంతా ప్రపంచంలోని ఎత్తైన ప్రదేశాలకు వెదికి మరీ వెళ్తుంటారు. ఇలాంటి ప్రదేశమే కేరళలోని ఇడుక్కిలోని అనాచల్లో మున్నార్ సమీపంలో ఒకటి ఉంది. ఇక్కడి క్రేన్-ఆపరేటెడ్ డైనింగ్ ప్లాట్ఫామ్ పర్యాటకులకు ఎంతో ఇష్టం. ఆకాశంలో తెలియాడుతున్న అనుభూతి వారికి కలిగించే భారీ క్రేన్ లిఫ్ట్లు ఇక్కడ ఉన్నాయి మరీ. కొన్ని నెలల క్రితమే ఇక్కడ స్కై-డైనింగ్ ప్రారంభమైంది. ఇందులో ఒకేసారి 16 మంది వరకు కూర్చోవడానికి వీలుంటుంది. వారిని లోయపైకి అరగంట పాటు పైకి తీసుకెళ్లి ప్రకృతి దృశ్యాలు ఆస్వాదించడానికి అనువుగా ఉంటుంది.
#WATCH | Munnar, Kerala | Tourists were stranded at a private sky dining setup in Anachal, Idukki, after a technical failure in the crane, today; Rescue operation underway
The incident occurred near Munnar, leaving tourists and staff stranded for over 1.5 hours. Rescue efforts… pic.twitter.com/Pciz0CoLxB
— ANI (@ANI) November 28, 2025
స్థానిక నివేదికల ప్రకారం.. శుక్రవారం క్రేన్ ఫ్యూజ్కు సంబంధించిన యాంత్రిక లోపం కారణంగా సందర్శకులతో పైకి వెళ్లిన ప్లాట్ఫారమ్ను నిర్వాహకులు కిందకు దించలేకపోయారు. దాదాపు గంటన్నరపాటు పర్యాటకులు గాల్లో ఉండిపోయారు. దీంతో మున్నార్ నుంచి అగ్నిమాపక, భద్రతా సిబ్బందికి సమాచారం అందించడంతో వారు తాళ్లను ఉపయోగించి పైన స్కై-డైనింగ్పై ఇరుక్కుపోయిన పర్యాటకులను కిందకు దించే ప్రయత్నాలు చేస్తున్నారు. మరోవైపు స్కై-డైనింగ్ ఇంజనీర్లు వ్యవస్థను పునరుద్ధరించడానికి, చిక్కుకున్న పర్యాటకులను సిబ్బందిని తిరిగి నేల స్థాయికి తీసుకురావడానికి ప్రయత్నిస్తున్నారు. ప్రస్తుతం అక్కడ సహాయక చర్యలు కొనసాగుతున్నాయి.
మరిన్ని జాతీయ వార్తల కోసం క్లిక్ చేయండి.
