Viral Video: పెద్ద విష‌పు పామును ముప్పుతిప్ప‌లు పెట్టిన చిన్న గండు చీమ‌.. మెడ‌పై గ‌ట్టిగా కొరికి.. కొరికి

జంతువులకు సంబంధించిన వీడియోలు సోషల్ మీడియాలో వైరల్ అవుతుంటాయి. చాలా సార్లు ఈ వీడియోలు సరదాగా ఉంటాయి. కొన్ని మాత్రం భ‌యాన‌కంగా ఉంటాయి. అదే సమయంలో కొన్ని వీడియోలు జీవిత పాఠాల‌ను కూడా నేర్పిస్తాయి. అలాంటి ఒక వీడియో ఇటీవల వైరల్ అవుతోంది. ఇది చూసిన తరువాత, ‘ఎవ‌ర్నీ బలహీనంగా పరిగణించరాదు’ అని మీరు బాల్యంలో చదవవలసిన పాఠాన్ని మ‌ళ్లీ గుర్తుచేసుకుంటారు.

పాము, చీమలలో ఎవరు ఎక్కువ శక్తివంతులు అని అడిగితే,.. మీరు అదేం పిచ్చి ప్ర‌శ్న‌, క‌చ్చితంగా పామే అని బ‌ల్ల‌గుద్ది మ‌రీ చెబుతారు. కానీ మేము చూపించబోయే వీడియో చూస్తే.. మీరు మీ అభిప్రాయాన్ని మార్చుకుంటారు. ఇది చూసిన తర్వాత మీరు ఆశ్చర్యపోవ‌డం ఖాయం. ఎందుకంటే స‌ద‌రు క్లిప్‌లో ఒకే ఒక్క‌ చీమ పాముపై దండెత్తి దాడి చేసింది.

काली चींटी ने जब जहरीले सांप को जिंदा ‘चबाया’ pic.twitter.com/ykmTIjtJ5j

— @tweetbyjounralist (@kumarayush084) April 22, 2021

ఒక పాము మెడ‌పై చీమ కుట్ట‌డాన్ని మీరు వీడియోలో చూడవచ్చు. ఈ దాడితో పాము కంగారుగా అక్క‌డ్నుంచి పారిపాయే ప్ర‌య‌త్నం చేయ‌డాన్ని కూడా గుర్తించ‌వ‌చ్చు. ఈ వీడియో చూసిన తర్వాత చాలా మంది షాక్ కు గుర‌వుతున్నారు. చిన్నవారిని, తమకన్నా బలహీనంగా ఎప్పుడూ పరిగణించరాదని, ఈ వీడియోతో నిరూపిత‌మైంద‌ని చాలా మంది వీడియో గురించి వ్యాఖ్యానించారు. సోషల్ మీడియాలో ఈ వీడియోను ప్రజలు ఎక్కువగా ఇష్టపడుతున్నారు. చాలామంది యూజ‌ర్లు వారి అభిప్రాయాన్ని కామెంట్ల రూపంలో పెడుతున్నారు.

Also Read: ఏప్రిల్ 27వ తేదీ నుంచి వేసవి సెలవులు… ఎప్పటి వరకో ప్రకటించిన విద్యాశాఖ మంత్రి సబితా ఇంద్రారెడ్డి

యూపీఐ అంటే ఏమిటి..? దీని ద్వారా లావాదేవీలు జరుపుతున్నారా..? ఈ విషయాలు తప్పకుండా తెలుసుకోండి