Viral Video: వాట్‌ ఎన్‌ ఐడియా సర్‌ జీ.. బద్ధకాన్ని వదిలించే అలారం బెడ్.. మాక్కూడా కావాలంటోన్న నెటిజన్లు
Alarm Bed: మనకున్న బద్ధ శత్రువుల్లో బద్ధకం కూడా ఒకటి. పొద్దున్నే నిద్ర లేవడం దగ్గరి నుంచి రాత్రి పడుకునే దాకా ఏదో ఒకటి వాయిదా వేయడం, తీరా సమయం వచ్చాక హడావిడి పడిపోవడం మనలో చాలామందికి అలవాటు.
Alarm Bed: మనకున్న బద్ధ శత్రువుల్లో బద్ధకం కూడా ఒకటి. పొద్దున్నే నిద్ర లేవడం దగ్గరి నుంచి రాత్రి పడుకునే దాకా ఏదో ఒకటి వాయిదా వేయడం, తీరా సమయం వచ్చాక హడావిడి పడిపోవడం మనలో చాలామందికి అలవాటు. ఉద్యోగస్తులైతే ఉదయాన్నే లేచేందుకు బద్ధకిస్తారు. ఇది ఆరోజు పనులన్నింటిపై పరోక్ష ప్రభావం చూపుతంది. ఆఫీసుకు ఆలస్యంగా వెళ్లడం.. పని తీరు తగ్గిపోవడం.. ఇలా బద్ధకం మన జీవితంపై అన్ని రకాలుగా ప్రతికూల ప్రభావం చూపుతుంది. ఇక విద్యార్థులు, యువకులైతే ఉదయాన్నే లేవాలన్నా, చదవాలన్నా తెగ అలక్ష్యం వహిస్తుంటారు. అన్ని పనులు వాయిదా వేస్తూ తీరిగ్గా పరీక్షలు దగ్గర వచ్చేసరికి తెగ కంగారు పడిపోతుంటారు. అయితే బద్ధకాన్ని వదిలించుకోవడం పెద్ద కష్టమేమీ కాదు. కావాల్సిందల్లా పట్టుదలే. ఈనేపథ్యంలో సోషల్ మీడియాలో అలారం బెడ్ (Alarm bed) కు సంబంధించిన ఓ వీడియో తెగ వైరలవుతోంది. ఉదయాన్నే లేచేందుకు బద్ధకించే వారికి.. ఈ బెడ్ సరిగ్గా సరిపోతుంది. మనలోని నిద్రమత్తును వదిలించేవరకు మనల్ని కుదుపులకు గురిచేసే ఈ బెడ్‌పై నెటిజన్లు ఫన్నీ కామెంట్లు పెడుతున్నారు.
వైరల్ అవుతోన్న ఈ వీడియోలో ఉదయం అవుతున్నా ఒక బాలుడు బెడ్‌పై పడుకుని ఉంటాడు. అయితే అతడిని నిద్రలేపేందుకు తల్లిదండ్రులు ఒక చక్కని ఐడియా వేశారు. పిల్లాడికి ఎలాంటి ఇబ్బంది కలగకుండా ఏకంగా అలారం బెడ్‌ను ఏర్పాటు చేశారు. అందులో ఫిక్స్ చేసిన సమయం రాగానే ఒక్కసారిగా బెడ్ కుదుపులకు గురువుతంది. బాలుడిని పైకి కిందకు ఎత్తి పడేస్తుంది. దెబ్బకు ఆ బాలుడు ఉలిక్కిపడి లేస్తాడు. మళ్లీ పడుకోవాలని ట్రై చేసినా సాధ్యం కాదు. చివరకు చేసేదేమి లేక బెడ్ కిందకు దిగి అలారం ఆపేస్తాడు. దీనికి సంబంధించిన వీడియో నెటిజన్లను విపరీతంగా ఆకట్టుకుంటోంది. ‘ఇది బద్ధకస్తులకు బ్రహ్మాండమైన బెడ్, సూపర్ బెడ్’ అని కొందరు నెటిజన్లు కామెంట్ చేస్తుంటే.. ‘అర్జెంట్‌గా ఈ బెడ్ కావాలి. ఎక్కడ దొరుకుతుంది’ అని కామెంట్లు పెడుతున్నారు.
అలారం బెడ్ వైరల్ వీడియో :
Alarm bed?
— Tansu YEĞEN (@TansuYegen) September 8, 2022
మరిన్ని ట్రెండింగ్ వార్తల కోసం క్లిక్ చేయండి..
