పోలీస్ స్టేషన్ లోపల ఇదేం పనిరా సామీ.. కట్ చేస్తే ట్విస్ట్ అదిరింది..!

ఆర్థిక రాజధాని ముంబై మీరా రోడ్‌కు చెందిన యువకుల వీడియో చూస్తే మీరు ఆశ్చర్యపోతారు. వారు సిగరెట్లు తాగుతూ, పొగ ఊదుతూ ఉన్న రీల్స్ మీరా రోడ్ పోలీస్ స్టేషన్ లోపల చిత్రీకరించారు. ఈ రీల్ వేగంగా సోషల్ మీడియాలో వైరల్ కావడంతో, పోలీసులు రంగంలోకి దిగారు. ముగ్గురు యువకులను అదుపులోకి తీసుకుని దర్యాప్తు చేపట్టారు.

ఈ సంఘటన శనివారం (నవంబర్ 8) రాత్రి, కొంతమంది యువకులను ఒక దాడి కేసుకు సంబంధించి విచారణ కోసం మీరా రోడ్ పోలీస్ స్టేషన్ కు తీసుకువచ్చారు. విచారణ ప్రారంభించే ముందు, ఈ యువకులను పోలీస్ స్టేషన్ స్టోర్ రూమ్ లో ఉంచారు. ఆ సమయంలో, ఈ యువకులు, మద్యం మత్తులో, పోలీస్ స్టేషన్ లోపల సిగరెట్లు తాగుతూ వీడియో తీసి సోషల్ మీడియాలో పోస్ట్ చేశారు.

వీడియో వైరల్ అయిన వెంటనే, తీవ్ర కలకలం సృష్టించింది. పోలీస్ స్టేషన్ వంటి సురక్షితమైన ప్రదేశంలో ఇలాంటిది ఎలా జరుగుతుందని నెటిజన్లు మండిపడ్డారు. పోలీసుల తీరుపై ప్రశ్నల వర్షం కురిపించారు. ఈ సంఘటనను శాంతిభద్రతల కోణంలో ఉన్నతాధికారులు సైతం సీరియస్ తీసుకున్నారు. ఈ సంఘటన తర్వాత, మీరా రోడ్ పోలీస్ స్టేషన్ అధికారులు వెంటనే చర్యలు చేపట్టారు. వీడియో చిత్రీకరించిన ముగ్గురు యువకులను అరెస్టు చేశారు. అదే సమయంలో, విధుల్లో ఉన్న పోలీసు సిబ్బందిపై కూడా శాఖాపరమైన చర్యలు తీసుకుంటామని పోలీసులు తెలిపారు.

వీడియో చూడండి.. 

మరిన్ని ట్రెండింగ్ వార్తల కోసం ఇక్కడ క్లిక్ చేయండి..