Viral News: 16 మంది భార్యలు, 151 మంది పిల్లలు.. ప్ర‌జెంట్ మరో పెళ్లికి వ‌ధువు కోసం సెర్చింగ్

ఎవరన్నా ఒకటో, రెండు లేదా మూడు పెళ్లిళ్లు చేసుకున్న దాఖ‌లాలు మ‌నం చూసి ఉంటాం. మహా అయితే ఐదు పెళ్లిళ్లు చేసుకున్న వ్యక్తి గురించి కూడా వార్తలు చదివే ఉంటాం.

Man With 16 Wives

Ram Naramaneni |

Updated on: May 13, 2021 | 10:03 PM

ఎవరన్నా ఒకటో, రెండు లేదా మూడు పెళ్లిళ్లు చేసుకున్న దాఖ‌లాలు మ‌నం చూసి ఉంటాం. మహా అయితే ఐదు పెళ్లిళ్లు చేసుకున్న వ్యక్తి గురించి కూడా వార్తలు చదివే ఉంటాం. కానీ ఏకంగా ఒక వ్యక్తికి 16మంది భార్యలు ఉన్న వ్యక్తి గురించి మీకు తెలుసా?….ఇది నిజమేనా అని ఆశ్చర్యపోతాం. మనం ఇప్పుడు చెప్పుకోబోయే వ్యక్తి ఇందుకు విరుద్ధం. ఇతగాడు ఏకంగా ఒకటి కాదు రెండు కాదు 16 పెళ్లిల్లు చేసుకుని.. 151 మంది బిడ్డలను కన్నాడు. అంతటితో ఆగాడా అంటే లేదు.. తాజాగా 17వ సారి పెళ్లి చేసుకోవడానికి సిద్ధమయ్యాడు. ఈ ఏడాదిలో ఎట్టిపరిస్థితుల్లో తన 17వ పెళ్లి జరగాలంటున్నాడు. ఇంతకు ఎవరా మహానుభావుడు.. అతని గురించి ఒకసారి తెలుసుకుందా…. జింబాబ్వేకు చెందిన 66 ఏళ్ల రిటైర్డ్ యుద్ధ అనుభవజ్ఞుడైన మిషెక్ బహుభార్యత్వ విధానంతో హెడ్‌లైన్స్‌లో నిలిచాడు.

“32 ఏళ్ల క్రితం 1983లో నేను ఈ బహుభార్యత్వ ప్రాజెక్ట్‌ ప్రారంభించాను. నా లక్ష్యం చనిపోయే లోపు 100 పెళ్లిల్లు చేసుకుని.. 1000 మంది సంతానాన్ని కనాలి. నేను చనిపోయాకే ఈ ప్రాజెక్ట్‌ ఆగిపోతుంది” అని మిషెక్ వెల్లడించాడు.

వివాహానికి ముందే దీని గురించి పెళ్లి చేసుకోబోయే వారికి చెప్తాను. వారి అంగీకారంతోనే ఇంతమందిని వివాహం చేసుకున్నాను. 16 మందిని వివాహం చేసుకోవడం వల్ల ఆర్థికపరమైన సమస్యలు తలెత్తలేదా అని ప్రశ్నిస్తే.. లేదు…. దీని వల్ల నాకు ఎంతో మేలు జరిగిందని చెప్పుకొచ్చారు. ఇన్ని పెళ్లిల్లు చేసుకోవండ వల్ల నాకు 151 మంది సంతానం కలిగారు. వీరిలో చాలా మంది పెద్దవారయ్యారు. తమ కాళ్ల మీద తాము నిలబడ్డారు. వారే నా కోసం బహుమతులు తీసుకొస్తారు. నా అవసరాలన్ని వారే తీరుస్తారు. నాకు డబ్బులు కూడా ఇస్తారు. ఇక ప్రతి భార్య నా కోసం వంట చేస్తుంది. ఎవరూ రుచిగా వండితే వారి వంటే తింటున్నట్లు మిషెక్ తెలిపారు.

Also Read: సోనూ ఫౌండేషన్ కి నెల్లూరు అంధయువతి విరాళం.. ఎమోషనల్ అయిన రియల్ హీరో