Viral News: హనీమూన్‌‌లో ఊహించని ట్విస్ట్.. భర్త చేసిన పనికి భార్య ఫ్యూజులు ఔట్!

ఒకప్పుడు ఇండియాలో పెళ్లిళ్ల తర్వాత హనీమూన్ ట్రిప్స్ అనే పద్దతి లేదు. కానీ ఇప్పుడు గ్రామాల నుంచి నగరాల వరకు పెళ్ళైన జంటలు హనీమూన్ వెకేషన్ అంటూ ఫారిన్ కంట్రీలకు వెళ్లడం ఆనవాయితీగా మారింది. విదేశాల్లో అయితే ఇది సర్వసాధారణం. నిజానికి ఈ హనీమూన్‌లో కొత్త జంట ఏకాంతంగా ఉండటమే కాదు.. ఒకరినొకరు అర్ధం చేసుకోవడం కూడా జరుగుతుంది. అసలు ఎందుకు ఇదంతా చెబుతున్నానని అనుకుంటున్నారా.! ఇక్కడొక వ్యక్తి తన భార్యతో కలిసి హనీమూన్ ట్రిప్ ప్లాన్ చేశాడు. కానీ అందులోనూ ఓ చిన్న ట్విస్ట్ ఉండండి. అది విన్నాక ఆ భార్యకు ఫ్యూజులు ఔట్ అయ్యాయి. అసలు ఆ కథేంటో ఇప్పుడు తెలుసుకుందాం.

తన పెళ్లికి ఇంకా 7 నెలలు సమయం ఉండనగా.. ఓ వ్యక్తి తనకు కాబోయే భార్యతో హనీమూన్‌కు ఎక్కడికి వెళ్లాలో ఆలోచించడం మొదలుపెట్టాడు. వారిద్దరూ పలుసార్లు తర్జనభర్జనలు పడ్డ తర్వాత ఓ మంచి ప్రదేశాన్ని తమ హనీమూన్ స్పాట్‌గా ఎంచుకున్నారు. పెళ్లి కాగానే అక్కడికి వెళ్లాలని నిర్ణయించారు. ఇంతవరకు బాగానే ఉంది. ఇక ఆ తర్వాతే కథలో అసలు ట్విస్ట్ వచ్చింది. ఆ వ్యక్తి తమ హనీమూన్ ట్రిప్ గురించి తన స్నేహితులతో పంచుకున్నాడు.

ఇక వాళ్లు కూడా ఎప్పటినుంచో ఆ చోటుకు వెళ్లాలని ప్లాన్ చేస్తున్నట్లుగా చెప్పుకొచ్చారు. అయితే అక్కడికి వెళ్లేందుకు వారికి సరైన ఛాన్స్ దొరకలేదట. ‘ఇప్పుడు నీతో కలిసి వెళ్తే మనం బాగా ఎంజాయ్ చేయొచ్చు’ అంటూ ఆ స్నేహితులు అతడికి చెప్పగా.. స్నేహితుల కోరికను కాదనలేకపోయిన ఆ వ్యక్తి.. ఈ విషయాన్ని తనకు కాబోయే భార్యకు చెప్పాడు. అంతే ఇంకేముంది.. ఆమె ఆగ్రహించడమే కాకుండా.. అతన్ని ‘ఇడియట్’ అంటూ సంబోధించింది. ఆ ఐడియా వచ్చినందుకు అతడ్ని తిట్టిపోసింది. అయినా కూడా ఆ వ్యక్తి ఆమెను ఒప్పించడానికి ఎంతగానో ప్రయత్నించాడు. కానీ చివరికి కుదరలేదు. కాగా, ఈ సంఘటనను రెడ్డిట్ ద్వారా సదరు వ్యక్తి నెటిజన్లకు పంచుకోగా.. వారంతా అతడ్ని ట్రోల్ చేయడం మొదలుపెట్టారు. అతడి పోస్ట్‌పై ఫన్నీ, వ్యంగమైన కామెంట్స్‌తో హోరెత్తించారు.

Also Read: గుడ్డులోని పసుపు భాగాన్ని ఎంతమంది తినరు.? ఈ విషయాలు తెలిస్తే షాకవుతారు.!