Viral Video: దాహం వేస్తే మృగరాజైనా అల్లాడాల్సిందే.. సింహం దాహాన్ని తీరుస్తున్న యువకుడు.. వీడియో వైరల్
ఈ వీడియోలో ఒక వ్యక్తి అడవికి రాజైన మృగరాజు బాటిల్ లోని నీటిని తాగిస్తున్నాడు. ఆ వ్యక్తి సింహానికి భయపడకుండా నిలబడడమే కాదు నీటిని పట్టించాడు. అతని ధైర్యాన్ని అభినందిస్తున్నారు. అయితే సర్వ సాధారణంగా ప్రజలు సింహాన్ని చూస్తే భయంతో పరుగు పెడతారు.
ఆకలి దప్పికలు ప్రతి జీవికి సహజం. ముఖ్యంగా వేసవి కాలంలో ఎండ వేడికి మరింత అధికంగా దాహం వేస్తుంది. ఆషాడ మాసం పూర్తి అయ్యే రోజులు వస్తున్నా ఇంకా వర్షాలు కురవడంలేదు.. ఎండలు మండిస్తూనే ఉన్నాయి. చాలామంది ఇప్పటికీ ఏసీలు, కూలర్ లు వినియోగిస్తూనే ఉన్నారు. ఇప్పటికే బయటకు ఏదైనా పనిమీద వెళ్లాలంటే నిప్పుల కొలిమిలో అడుగు పెడుతున్నట్లే ఫీల్ అవుతున్నారు. అంతేకాదు దాహం తీర్చుకోవడానికి బాటిల్ తో వాటర్ ను తీసుకుని వెళ్తారు. అయితే జంతువులు ఎండ వేడికి దాహం తీర్చుకోవడానికి తాముండే నివాస ప్రాంతాలను కూడా వదిలి జనావాసాల బాట పడుతున్నాయి. నీటి కోసం అక్కడక్కడ తిరుగుతాయి. ప్రస్తుతం దాహంతో తిరుగుతున్న సింహానికి చెందిన వీడియో కూడా సోషల్ మీడియాలో వైరల్ అవుతోంది. ఈ వీడియో చూసిన ప్రజలను ఆశ్చర్యపడుతున్నారు.
ఈ వీడియోలో ఒక వ్యక్తి అడవికి రాజైన మృగరాజుకి బాటిల్ లోని నీటిని తాగిస్తున్నాడు. ఆ వ్యక్తి సింహానికి భయపడకుండా నిలబడడమే కాదు నీటిని పట్టించాడు. అతని ధైర్యాన్ని అభినందిస్తున్నారు. అయితే సర్వ సాధారణంగా ప్రజలు సింహాన్ని చూస్తే భయంతో పరుగు పెడతారు. అయితే వైరల్ అవుతున్న వీడియోలో పొదల వెనుక నుండి ఒక సింహం పరుగెత్తుకుంటూ వచ్చి.. మనిషి దగ్గర ఉన్న వాటర్ బాటిల్‌ని చూసి పరుగు ఆపివేసింది. అప్పుడు ఆ వ్యక్తి స్వయంగా తన చేతులతో నీటిని తాగిస్తున్నాడు.
గూస్ బంప్స్ ను తెప్పిస్తున్న వీడియోను IFS అధికారి సుశాంత్ నందా సోషల్ మీడియా ప్లాట్‌ఫామ్ ట్విట్టర్‌లో షేర్ చేశారు. ‘ఈ గ్రహం మీద మ్యాజిక్ అంటూ ఉంటే, అది నీటిలో మాత్రమే ఉంది’ అని క్యాప్షన్‌లో రాశారు. కేవలం 8 సెకన్ల ఈ వీడియోను ఇప్పటివరకు 49 వేలకు పైగా వీక్షించగా, వందలాది మంది వీడియోను లైక్ చేశారు.
“If there is magic on this planet, it is contained in water.” pic.twitter.com/ORw4lZDr7L
— Susanta Nanda (@susantananda3) June 29, 2023
అదే సమయంలో, వీడియోను చూసిన తర్వాత నెటిజన్లు విభిన్నంగా కామెంట్ చేశారు. ‘ఇది అద్భుత దృశ్యం’ అని కొందరంటే, నీటిలో నిజంగానే మ్యాజిక్ ఉందని మరికొందరు అంటున్నారు. అదేవిధంగా ‘ప్రభుత్వం అడవిలో గొట్టపు బావి లేదా నీటి తొట్టిని తయారు ఏర్పాటు చేస్తే.. తద్వారా జంతువులకు నీటి కొరత ఉండదు’ అని ఒకరు కామెంట్ చేశారు.
మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..
