Viral Video: కుక్కని గాలిలో తిప్పుతూ వికృతానందం.. వీరు మనుషులా.. మృగాలా మీరే చెప్పండి..!
ఈ వీడియోలో ఓ యువతి, యువకుడు ఒక కుక్కపిల్లను తీసుకొని వెళ్తున్నారు ఈ క్రమంలో వారు కుక్క పిల్ల కాళ్లను ఇద్దరూ చెరోవైపు పట్టుకుని దానిని గాల్లో బొమ్మలా గిరిగిరా తిప్పుతూ నవ్వుతూ కేరింతలు కొట్టారు.
Updated on: Feb 05, 2023 | 10:54 AM
కొందరు తమ ఆనందం కోసం పైశాచికంగా ప్రవర్తిస్తుంటారు. మానవత్వం మరిచి అవతలి జీవి ఏమైపోతుందో కూడా ఆలోచించరు. తాజాగా అలాంటి వీడియో ఒకటి నెట్టింట వైరల్గా మారింది. ఈ వీడియోను పోస్ట్ చేసిన ఐఏఎస్ అధికారి అవనీశ్ శరణ్ ట్విట్టర్ వేదికగా తీవ్ర ఆవేదన వ్యక్తం చేశారు. వీళ్లలో మనుషులెవరో జంతువు ఎవరో మీరే చెప్పండి అంటూ తను పోస్ట్ చేసిన వీడియోకి క్యాప్షన్ జోడించారు. ఈ వీడియో నెటిజన్లను ఆలోచింపచేస్తోంది.
వైరల్ అవుతున్న ఈ వీడియోలో ఓ యువతి, యువకుడు ఒక కుక్కపిల్లను తీసుకొని వెళ్తున్నారు ఈ క్రమంలో వారు కుక్క పిల్ల కాళ్లను ఇద్దరూ చెరోవైపు పట్టుకుని దానిని గాల్లో బొమ్మలా గిరిగిరా తిప్పుతూ నవ్వుతూ కేరింతలు కొట్టారు. కుక్కపిల్లను యువకుడు రెండు కాళ్లతో వేలాడదీస్తూ, గాలిలో తిప్పుతూ వికృతానందం పొందాడు. అంతేకాదు వారు వెళ్లే మార్గంలో ఓ పెద్ద గోడ వెనుక కోతులు ఉన్నాయి. వాటికి ఈ కుక్కపిల్లను చూపించి వాటిని భయపెట్టారు. ఈ వీడియో చూసిన ఐఏఎస్ ఆఫీసర్ తీవ్ర ఆవేదన చెందారు. ఈ వీడియో చూశాక వీరిలో మనిషి ఎవరు? జంతువు ఎవరో? మీరే చెప్పాలని శరణ్ ఆవేదనగా ప్రశ్నించారు.
जानवर कौन ??? pic.twitter.com/KYBCrF48jN
— Awanish Sharan (@AwanishSharan) February 4, 2023
ఈ వీడియో నెట్టింట వైరల్గా మారడంతో అది చూసిన నెటిజన్లు ఓ రేంజ్లో విరుచుకుపడుతున్నారు. కుక్కపిల్లను హింసించినవారితోపాటు, ఈ వీడియో తీసిన వ్యక్తిని కూడా అరెస్ట్ చేసి కఠినంగా శిక్షించాలంటూ డిమాండ్ చేస్తున్నారు. అనుమానమే లేదు.. ఈ ముగ్గురూ జంతువులే నంటూ మరో యూజర్ కామెంట్ చేశారు.
మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..
