Viral Video: కృత్రిమ చేతిని పొందిన చిన్నారి.. మనసును కదిలిస్తున్న స్వచ్ఛమైన చిరునవ్వు.. అందమైన వీడియో మీకోసం..

Viral Video: సోషల్ మీడియాలో వైరల్ అవుతున్న ఓ వీడియో ప్రజలను తీవ్ర భావోద్వేగానికి గురిచేస్తోంది. ఒక చిన్న పిల్లాడు తొలిసారి కృత్రిమ చేతిని పొందుతున్నట్లు ఆ వీడియోలో చూడొచ్చు.

Boy

Shiva Prajapati |
Updated on: Dec 03, 2021 | 5:50 AM

Viral Video: సోషల్ మీడియాలో వైరల్ అవుతున్న ఓ వీడియో ప్రజలను తీవ్ర భావోద్వేగానికి గురిచేస్తోంది. ఒక చిన్న పిల్లాడు తొలిసారి కృత్రిమ చేతిని పొందుతున్నట్లు ఆ వీడియోలో చూడొచ్చు. అయితే, కృత్రిమ చేతిని తొడుగుతున్న సందర్భంగా ఆ చిన్నారి స్పందన చూస్తే ఎంతటి కఠిన హృదయులైనా కరిగిపోవాల్సిందే. అతని స్వచ్ఛమైన చిరునవ్వుకు నెటిజన్లు సదా ఫిదా అయిపోతారు. ‘Nuristani365’ అనే పేరు గల వినియోగదారు ట్విట్టర్‌లో ఈ వీడియోను షేర్ చేశారు. ఈ వీడియోలో ఒక బాబు వీల్‌ఛైర్‌లో కూర్చొని.. తన విరిగిన చేయిని ముందుకు పెట్టాడు. డాక్టర్.. ఆ చిన్నారి విరిగిన చేయి కోసం ప్రొస్తెటిక్ చేయిని తీసుకొచ్చి అతికించడం ప్రారంభిస్తాడు. ఆ పిల్లవాడు డాక్టర్ చేస్తున్న పనిని నిశితంగా గమనిస్తున్నాడు. ప్రొస్తెటిక్ చేయిని సెట్ చేసిన తరువాత బాలుడు తన మరో చేత్తో ప్రొస్తెటిక్ చేయిని నిమురుతూ అనుభూతి చెందుతాడు. ఆ సందర్భంగా అతను చిరునవ్వులు చిందిస్తాడు. మొదట డాక్టర్ వైపు చూసి నవ్వి, ఆ తర్వాత తన పేరెంట్స్ వైపు చూసి మురిసిసోతాడు. ప్రొస్తెటిక్ చేయిని సెట్ చేసిన తరువాత దానిని మరో చేతితో టచ్ చేస్తూ ఆనందపడిపోతాడు. చాలా సంతోషంగా.. చిరునవ్వులు చిందిస్తాడు. ఆ నవ్వు చూస్తే ఎవరైనా ఎమోషనల్ అవ్వాల్సిందే. అంతటి స్వచ్ఛమైన నవ్వు ఆ సమయంలో ఆ చిన్నారి మొహంలో కనిపిస్తుంది. కాగా, ట్విట్టర్ యూజర్ ఈ వీడియోను షేర్ చేస్తూ.. ఇలా క్యాప్షన్ పెట్టాడు. “చాన్నారి తన మొదటి కృత్రిమ చేతిని పొందుతాడు. మాష్ అల్లాహ్.. అతను ఎంత సంతోషిస్తున్నాడో చూడండి. ఇలాంటి విషయాలను మనం సర్వసాధారణంగా తీసుకుంటాం.’’ అని పేర్కొన్నారు.

కాగా, ఈ వీడియో ప్రస్తుతం నెట్టింట్లో తెగ వైరల్ అవుతోంది. ఈ వైరల్ వీడియోను 1.5 లక్షల మందికి పైగా వీక్షించగా.. 20వేలకు పైగా లైక్స్ వచ్చాయి. ట్విట్టర్ యూజర్స్ ఈ వీడియోలో రకరకాలుగా స్పందిస్తున్నారు. చాన్నారిపై అమితమైన ప్రేమను కురిపిస్తున్నారు. అతని స్వచ్ఛమైన చిరునవ్వులకు నెటిజన్లంతా ఫిదా అయిపోతున్నారు.

Viral Video:

Kid gets his first prosthetic arm, look how happy he is Mash’Allah, while we take these things for granted… pic.twitter.com/ChQrHrHlaw

— نورستاني (@Nuristani365) November 30, 2021