Viral News: ఇదెక్కడి ఆసుపత్రిరా మామా.. ఆక్సిజన్‌ మాస్క్‌కు బదులు టీ కప్‌ వినియోగం.. ఫైర్ అవుతున్న నెటిజన్లు..

Tamil Nadu Medical Negligence: అదోక జిల్లా ప్రభుత్వ ఆసుపత్రి.. పెద్దాసుపత్రే కదా.. అన్ని సౌకర్యాలు ఉంటాయనుకుంటాం.. కానీ.. అక్కడ షాకింగ్ సీన్ కనిపించింది. సిబ్బంది ఆక్సిజన్‌ మాస్క్‌కు బదులు టీ కప్‌ వినియోగించారు. ఇంకేముంది దీనికి సంబంధించిన ఫొటోలు, వీడియోలు నెట్టింట వైరల్ అయ్యాయి.. చివరకు ఈ ఘటనపై దుమ్ముదుమారం మొదలైంది. ఈ షాకింగ్ ఘటన తమిళనాడులోని ఉత్తరమేరూర్‌ ఆస్పత్రిలో చోటుచేసుకుంది. ఆక్సిజన్‌ మాస్క్‌కు బదులు టీ కప్‌ వినియోగంపై ఆసుపత్రి సిబ్బంది, అధికారులపై నెటిజన్లు ఫైర్ అవుతున్నారు. వివరాల ప్రకారం.. తమిళనాడులోని కాంచీపురం జిల్లా ఉత్తరమేరూరులో ఓ విద్యార్థికి కాస్లులో ఉండగా శ్వాస తీసుకోవడంలో ఇబ్బంది పడ్డాడు. వెంటనే ఆ స్కూల్‌ సిబ్బంది అతడి పేరెంట్స్‌కి సమాచారం అందించారు..హుటాహుటిన ప్రభుత్వాస్పత్రికి తీసుకెళ్లగా..అక్కడ వైద్యులు పిల్లాడిని పరీక్షించి ఊపిరి పీల్చుకోవడానికి ఆక్సిజన్‌ మాస్క్‌ పెట్టాలని సూచించారు.

అయితే, వార్డులో మాస్క్‌ లేకపోవడంతో టీ కప్పుకు రంధ్రం చేసి ఆక్సిజన్‌ సిలిండర్‌ నుంచి ట్యూబ్‌కు కనెక్ట్‌ చేసి విద్యార్థి చేతికి ఇచ్చి ముక్కుపై పెట్టారు. ఇది చూసిన ఓ రోగి సెల్‌ఫోన్‌లో వీడియో తీసి సోషల్‌ మీడియాలో పెట్టాడు..ఈ వీడియో వైరల్‌గా మారింది. అది కాస్త ఆరోగ్యశాఖ మంత్రి సుబ్రహ్మణ్యన్ దృష్టికి వెళ్లడంతో డైరెక్టర్‌ ఆఫ్‌ మెడికల్‌ సర్వీసెస్‌ను విచారణకు ఆదేశించారు.

ఈ వీడియోపై నెటిజన్లతోపాటు.. ప్రతిపక్ష పార్టీల నాయకులు ప్రభుత్వంపై ఆగ్రహం వ్యక్తంచేస్తున్నారు. సిబ్బందిపై చర్యలు తీసుకోవాలని డిమాండ్ చేస్తున్నారు. కాగా.. ఈ ఘటనై వెంటనే ఉన్నతస్థాయి విచారణకు ఆదేశించినట్లు ఆరోగ్యశాఖ మంత్రి సుబ్రహ్మణ్యన్ వివరణ ఇచ్చారు. కాగా.. దీనికి సంబంధించిన వీడియో నెట్టింట వైరల్ అవుతోంది.

మరిన్ని ట్రెండింగ్ వార్తల కోసం..