Viral Video: బాబోయ్‌ ఇవి కూడా బహుమతులేనా.. షాకైన వధూవరులు..!

Viral Video: ప్రతి ఒక్కరి జీవితంలో పెళ్లికి చాలా ప్రాధాన్యత ఉంటుంది. ఈ వేడుకలో డ్యాన్స్, ఆటలు, పాటలు, విందు, వినోదాలు అన్నీ ఉంటాయి. బంధువులు, స్నేహితులు,

Funny Gifts

uppula Raju |

Updated on: May 02, 2022 | 12:39 PM

Viral Video: ప్రతి ఒక్కరి జీవితంలో పెళ్లికి చాలా ప్రాధాన్యత ఉంటుంది. ఈ వేడుకలో డ్యాన్స్, ఆటలు, పాటలు, విందు, వినోదాలు అన్నీ ఉంటాయి. బంధువులు, స్నేహితులు, అతిథులు అందరు ఉంటారు. నూతన వధూవరులని ఆశీర్వదించి కానుకలని అందిస్తారు. కొందరు డబ్బులు చదివిస్తే మరికొందరు పుష్పగుచ్ఛాలు ఇస్తారు. కానీ పెళ్లికొడుకు స్నేహితులు చేసే రచ్చ మాత్రం మామూలుగా ఉండదు. దంపతులని ఆశ్చర్యపరిచే బహుమతులు ఇస్తారు. పెళ్లి వేడకలో ఇలాంటి ఫన్నీ సంఘటనలు చాలా జరుగుతాయి. అలాంటి ఒక వీడియో ప్రస్తుతం సోషల్ మీడియాలో వైరల్ అవుతుంది. ఈ వీడియోలో వరుడి స్నేహితులు ఇచ్చే బహుమతులని చూస్తే నవ్వు ఆపుకోవడం కొంచెం కష్టమే.

వైరల్‌ అవుతున్న ఈ వీడియోలో వధూవరులు వేదికపై నిలబడి ఉండటం మనం వీడియోలో చూడవచ్చు. తర్వాత ఒక స్నేహితుడు వచ్చి ఒక పెద్ద కవర్‌ దంపతుల చేతిలో పెడుతాడు. తరువాత స్నేహితులందరు వరుసగా వచ్చి ఇంట్లో ఉపయోగపడే చిన్న చిన్న ప్లాస్టిక్ వస్తువులని అందులో వేసుకుంటూ వెళుతారు. వాటిలో క్లీనింగ్ బ్రష్, టీ స్టయినర్, చిన్న బకెట్, జల్లెడ, జగ్గు మొదలైనవి ఉంటాయి. ఇలాంటి ఫన్నీ గిఫ్ట్‌లు చూసి వధూవరులు నవ్వుతూ ఉంటారు. ఇంకొందరు పెళ్లికొడుకు కాళ్లు మొక్కుతూ ఆటపట్టిస్తారు. ప్రస్తుతం ఈ వీడియో సోషల్‌మీడియాలో తెగ వైరల్‌ అవుతోంది. ఈ ఫన్నీ వీడియోని ఒక నెటిజన్ ఇన్‌స్టాగ్రామ్‌లో షేర్ చేశాడు. ఈ వీడియో ఇప్పటివరకు 1.27 కోట్ల వ్యూస్‌ని పొందింది. 8 లక్షల 99 వేల మందికి పైగా వీడియోను లైక్ చేశారు. అంతేకాదు నెటిజన్లు రకరకాలుగా స్పందిస్తున్నారు. మీరు కూడా ఈ వీడియోని చూసినట్లయితే మీ కామెంట్‌ తెలియజేయండి.