Viral Video: వరదలో కొట్టుకొచ్చిన మద్యం బాటిల్స్.. ఇది కదా అసలైన రిలీఫ్ ప్యాకేజీ అంటున్న నెటిజన్స్
ప్రకృతి విపత్తులు సంభవించినప్పుడు వరద నీటిలో ఇళ్ళు, వాహనాలు, గృహోపకరణాలు కొట్టుకుపోవడం మనం తరచూ చూస్తుంటాం. వరద ముంపునకు గురైన బాధితులకు ప్రభుత్వం లేదా స్వచ్ఛంద సంస్థలు ఆహారం, మంచినీరు, నిత్యావసర సరుకులతో కూడిన రిలీఫ్ ప్యాకేజీలు అందజేస్తుంటాయి. కానీ, ఒడిశాలోని బాలాసోర్లో వరద నీటి ప్రవాహంలో అత్యంత అనూహ్యమైన వస్తువులు కొట్టుకురావడం అందరినీ ఆశ్చర్యానికి గురిచేసింది. ఇంతకీ వైరల్ వీడియోలో ఏముంది?
Updated on: Sep 28, 2026 | 11:26 AM
సోషల్ మీడియాలో వైరల్ అవుతున్న ఒక వీడియోలో, రోడ్లపై ఉధృతంగా పారుతున్న వరద నీటిలో పెద్ద సంఖ్యలో మద్యం సీసాలు తేలియాడుతూ కొట్టుకురావడం కనిపిస్తుంది. నీటిపై తేలుతున్న బాటిళ్లను చూసిన కొందరు స్థానికులు, తమ ప్రాణాలను సైతం లెక్కచేయకుండా నీటిలోకి దిగారు. వరద నీటి నుంచి ఆ మద్యం సీసాలను సేకరించడానికి ఒకరినొకరు నెట్టుకుంటూ పట్టుకునేందుకు ఆరాటపడ్డారు. అత్యంత విలువైన నిధి దొరికినట్లుగా వారు ఆ బాటిళ్లను భద్రంగా పట్టుకుని వెళ్లడం ఆ వీడియోలో స్పష్టంగా కనిపిస్తుంది.
ఈ వీడియో సోషల్ మీడియాలోకి రాగానే విపరీతంగా వైరల్ అయింది. నెటిజన్లు దీనిపై తమదైన శైలిలో హాస్యభరిత కామెంట్లు చేస్తున్నారు. ఒక నెటిజన్ స్పందిస్తూ, వరదల్లో చిక్కుకున్న వారికి ఇది ప్రకృతి అందించిన అసలైన రిలీఫ్ ప్యాకేజీ! అని కామెంట్ చేశారు.
Floodwaters in Balasore brought an unexpected “relief package” 🍾😅
A viral video shows liquor bottles floating through the floodwaters while locals rush in to collect them from the water.
Nature: “Stay safe.”
People: “Not before we check what’s floating by!” 😂
Only in India can a flood turn into an accidental treasure hunt. What’s the first thing you’d grab? 👇
— Kaptan Hindustan™ (@KaptanHindustan) September 26, 2026
సాధారణ రోజుల్లో ఏదైనా సహాయక సామాగ్రి ఇస్తే వెళ్ళని వారు కూడా, మద్యం సీసాల కోసం అంత సాహసం చేస్తున్నారు అని మరొకరు ఎద్దేవా చేశారు. ఇలాంటి వింతలు కేవలం మన దేశంలోనే సాధ్యం! అంటూ రకరకాల మీమ్స్తో ఈ వీడియోను రీపోస్ట్ చేస్తున్నారు. వరదలు తెచ్చే తీవ్రమైన భయాందోళనలు, నష్టాల మధ్య ఈ విచిత్ర సంఘటన నెటిజన్లకు కాసేపు నవ్వులను పంచింది. వరద నీటి ప్రమాదాన్ని పక్కనబెట్టి, మద్యం సీసాల కోసం నీటిలోకి దిగడం ఒకవైపు నవ్వు తెప్పిస్తున్నా, మరోవైపు ఇది ఎంతటి ప్రమాదకరమైన చర్య అని కూడా కొందరు ఆందోళన వ్యక్తం చేస్తున్నారు.
