Viral Video: నేను సైతం అంటూ మారథాన్‌లో పాల్గొన్న బాతు.. నెట్టింట్లో వైరలవుతోన్న వీడియో..

ఇటీవల కాలంలో మనుషుల మాదిరిగా జంతువులు, పక్షులు కూడా స్వేచ్ఛగా రోడ్లమీద సంచరిస్తున్నాయి..

Basha Shek |
Updated on: Nov 10, 2021 | 10:16 PM

ఇటీవల కాలంలో మనుషుల మాదిరిగా జంతువులు, పక్షులు కూడా స్వేచ్ఛగా రోడ్లమీద సంచరిస్తున్నాయి. అన్ని పనులు చేస్తున్నాయి. కొన్ని రోజుల క్రితం పాకిస్తాన్‌లోని లాహోర్‌ రోడ్ల మీద ఆస్ట్ర్రిచ్‌(నిప్పుకోడి) సందడి చేసిన సంగతి తెలిసిందే. తాజాగా బాతు కూడా రోడ్లపైకి వచ్చింది. బుడిబుడి అడుగులు వేస్తూ మారథాన్‌ను పూర్తి చేసింది. న్యూయార్క్‌లో జరిగిన ఈ ఘటన చోటుచేసుకుంది. ప్రస్తుతం దీనికి సంబంధించిన వీడియో సోషల్‌ మీడియాలో వైరల్‌గా మారింది.

అమెరికాలోని న్యూయార్క్‌లో ఏటా మారథాన్‌ పోటీలు నిర్వహిస్తారు. అయితే గతేడాది కరోనా కారణంగా ఈ పోటీలు జరగలేదు. దీంతో ఈసారి పోటీల్లో పాల్గొనేందుకు చాలామంది ఆసక్తి చూపారు. వీరితో పాటు ఓ రింకిల్‌ బాతు కూడా ఈ పోటీల్లో పాల్గొంది. కాళ్లకు చిన్న ఎర్రటి షూస్‌ ధరించి తోటి పోటీదారులతో ఉత్సాహంగా పరిగెత్తింది. బాతు పరుగును చూసి రోడ్డు పక్కన నిల్చోన్న వారు కూడా ‘కమాన్‌..కమాన్‌’ అంటూ ప్రోత్సహించారు. దీనికి సంబంధించిన వీడియోను ఇన్‌స్టాలో పంచుకున్న యూజర్‌.. ‘ నేను మారథాన్‌లో పరిగెత్తాను. వచ్చే ఏడాది మరింత మెరుగ్గా పరిగెత్తుతాను’ అంటూ రాసుకొచ్చాడు. దీంతో బాతు వీడియో సోషల్‌ మీడియాలో వైరల్‌గా మారింది. ‘26.2 మైళ్ల మారథాన్‌లో బాతు పాల్గొనడం నిజంగా అద్భుతమే’, ‘సో క్యూట్‌’ అంటూ నెటిజన్లు ప్రశంసల వర్షం కురిపిస్తున్నారు.

View this post on Instagram

A post shared by Wrinkle ? 宙紋✨ (@seducktive)