ఛీ ఛీ..మళ్లీ విమానంలో వికృత చేష్టలు.. తాగిన మత్తులో వాంతులు,మలమూత్రవిసర్జన చేసుకున్న ప్రయాణికుడు
ఇటీవల న్యూయార్క్ నుంచి ఢిల్లీకి వస్తున్న విమానంలో ఒక వృద్ధురాలిపై ఓ ప్రయాణికుడు మూత్రవిసర్జన చేయడం దేశవ్యాప్తంగా దుమారం రేపింది. ఆ తర్వాత కూడా మరికొన్ని వికృత చేష్టలు విమానంలో చోటుచేసుకున్నాయి.
Updated on: Mar 30, 2023 | 2:28 PM
ఇటీవల న్యూయార్క్ నుంచి ఢిల్లీకి వస్తున్న విమానంలో ఒక వృద్ధురాలిపై ఓ ప్రయాణికుడు మూత్రవిసర్జన చేయడం దేశవ్యాప్తంగా దుమారం రేపింది. ఆ తర్వాత కూడా మరికొన్ని వికృత చేష్టలు విమానంలో చోటుచేసుకున్నాయి. ఇప్పుడు తాజాగా అలాంటి ఘటనే మరొకటి వెలుగులోకి వచ్చింది. మార్చి 26న గువహాటి నుంచి ఢిల్లీకి వెళ్తున్న విమానంలో జరిగింది.ఓ ప్రయాణికుడు తాగిన మత్తులో ప్రయాణికులు కూర్చున్న ఫ్లోర్ లోనే మూత్రవిసర్జన, వాంతి చేసుకున్నాడు. అలాగే టాయిలెట్ చుట్టు మలవిసర్జన కూడా చేశాడు. ఆ ప్రయాణికుడు తాగిన మత్తులో టాయిలెట్ నుంచి తనకు తానే బయటికి వచ్చి.. ఈ తతంగం అంతా చేసినట్లు అందులో ఉన్న ప్రయాణికులు తెలిపారు.
ఆ తర్వాత విమానంలోని ఉన్న మహిళా సిబ్బంది వాటన్నింటినీ శుభ్రం చేశారు. అయితే ఈ సంఘటనను ఆ విమానంలో ప్రయాణించిన భాస్కర్ దేవ్ కొన్వర్ అనే ప్రయాణికుడు ట్విట్టర్ లో పోస్టు చేయగా అది వైరల్ అయ్యింది. నెటిజన్లు రకరకాలుగా తమ అభిప్రాయాలు వ్యక్తం చేస్తున్నారు. కొంతమంది విమానంలో లిక్కర్ ను బ్యాన్ చేయాలని… ప్రయాణికులకు బ్రీత్ అనలైసర్ టెస్టు చేయాలని కోరుతున్నారు. మరికొందరు ఆ విమానంలో వాటిన్నంటిని శుభ్రం చేసిన మహిళా సిబ్బందిపై ప్రశంసలు కురిపిస్తున్నారు.
Indigo 6E 762 : Guwahati to Delhi.Intoxicated passenger vomited on the aisle and defecated all around the toilet.Leading lady Shewta cleaned up all the mess and all the girls managed the situation exceptionally well.Salute girl power?#Indigo #girlpower #DGCA pic.twitter.com/iNelQs48Tc
— Bhaskar Dev Konwar @BD (@bdkonwar) March 26, 2023
మరిన్ని ట్రెండింగ్ వార్తల కోసం ఇక్కడ క్లిక్ చేయండి..
