Viral: ‘ఛీ.. యాక్‌..! ఎవడ్రా.. జిలేబీతో మసాలా కూర వండింది..’ నెట్టింట వైరల్‌ అవుతోన్న కొత్త వంటకం

జిలేబీ అంటే మీకు ఇష్టమా? ఏం మాట్లాడుతున్నారండీ.. జిలేబీ అంటే ఇష్టపడని వారెవరైనా ఉంటారా? అని అనుకుంటున్నారా.. ఐతే మీకు ఈ జిలేబీ గురించి తప్పక చెప్పాల్సిందే. ఆ తర్వాత కూడా జిలేబీ ఇష్టమేనని అన్నారంటే మీరు గ్రేటే! ఎందుకంటే..

Masala Jalebi

Srilakshmi C |
Updated on: Dec 27, 2022 | 7:23 PM

జిలేబీ అంటే మీకు ఇష్టమా? ఏం మాట్లాడుతున్నారండీ.. జిలేబీ అంటే ఇష్టపడని వారెవరైనా ఉంటారా? అని అనుకుంటున్నారా.. ఐతే మీకు ఈ జిలేబీ గురించి తప్పక చెప్పాల్సిందే. ఆ తర్వాత కూడా జిలేబీ ఇష్టమేనని అన్నారంటే మీరు గ్రేటే! ఎందుకంటే.. ఈ జిలేజీ రుచి చూస్తే ఫ్యూజులు ఎగిరిపోతాయంతే.. ప్రస్తుతం నెట్టింట వణుకు పుట్టిస్తున్న వంటకం కూడా ఇదే. ఇంకెందుకు ఆలస్యం విషయంలోకి వెళ్దాం పదండి..

సాధారణంగా జిలేబీ నోట్లో వేసుకుంటే తీయ్యగా.. కమ్మగా.. ఎంతో మధురంగా ఉంటుంది. అలా ఒక్కోట్టి తింటూ ఉంటే ఎన్ని తింటున్నామో లెక్కే ఉండదు. జిలేబీ తియ్యగా కాకుండా కాస్త కారంగా.. ఉప్పగా.. ఘటాగా ఉంటే..ఎలా ఉంటుంది? వెరైటీగా ఉంటుందని ఓ నలభీముడు మసాలా జిలేబీ వండేశాడు. అంతటితో ఊరుకోకుండా దాన్ని ఫొటో తీసి సోషల్‌ మీడియాలో పోస్ట్‌ చేశాడు. అంతే.. జిలేబీ ప్రియులంతా ఒక్కసారిగా మండిపడుతున్నారు. బాబోయ్‌..ఇదేం వంటకం! అని అంటున్నారు. మయూర్ సెజ్‌పాల్ అనే యూజర్‌ పేరుతో ట్విట్టర్‌లో షేర్ చేసిన ఈ ఫోటో ప్రస్తుతం నెట్టింట హాట్‌ టాపిక్‌ అయ్యింది. ఈ ఫొటో చూస్తుంటే ఆకలి చచ్చిపోతుంది? అని ఒకరు, ఛీ.. యాక్‌ అని కోపంతో ఉన్న ఎమోజీలు మరికొందరు కామెంట్ సెక్షన్‌ పెడుతున్నారు. జిలేబీ అనేది స్నాక్స్‌. వాటితో ప్రయోగాలు చేయడం మానేసి, బుద్ధిగా ఎలా తినాలో అలాగే తినమని హితబోధ చేశారు మరికొందరు. మరి మీరే మంటారు..

ఇవి కూడా చదవండి