Video Viral: కింగ్ కోబ్రాతో ఆటలు.. రెండేళ్లు కూడా నిండని చిన్నారి ధైర్యానికి విస్తు పోవాల్సిందే
కింగ్ కోబ్రా (King Cobra).. ప్రపంచంలోనే అత్యంత విషపూరితమైన పాము మాత్రమే కాదు, పొడవుపరంగానూ ఇతర పాముల కంటే చాలా పెద్దగా ఉంటుంది. ప్రస్తుతం కింగ్ కోబ్రా, ఓ చిన్నారి వీడియో సోషల్ మీడియాలో వైరల్ అవుతోంది. ఈ వీడియోను...
కింగ్ కోబ్రా (King Cobra).. ప్రపంచంలోనే అత్యంత విషపూరితమైన పాము మాత్రమే కాదు, పొడవుపరంగానూ ఇతర పాముల కంటే చాలా పెద్దగా ఉంటుంది. ప్రస్తుతం కింగ్ కోబ్రా, ఓ చిన్నారి వీడియో సోషల్ మీడియాలో వైరల్ అవుతోంది. ఈ వీడియోను (Video) చూసిన నెటిజన్లు భయంతో వణికిపోతున్నారు. ఈ వీడియోలో ఓ చిన్నారి కింగ్ కోబ్రాతో సరదాగా ఆడుకుంటున్నాడు. వైరల్ అవుతున్న ఈ వీడియో కేవలం 30 సెకన్లు మాత్రమే ఉంది. కానీ ఇది చూస్తే ఎవరికైనా వెన్నులో వణుకుపుట్టాల్సిందే. ఈ వైరల్ (Viral) క్లిప్‌లో.. ఇంటి ముందు ఓ చిన్న పిల్లవాడు ఆడుకుంటున్నాడు. అదే సమయంలో నాగుపాము పడగ విప్పి బాలుడి ముందు కూర్చుంది. ఆ చిన్నారి మాత్రం ఎలాంటి భయం లేకుండా పాముతో ఆడుకుంటున్నాడు. అయితే ఆశ్చర్యకరమైన విషయం ఏంటంటే.. కోబ్రా వల్ల చిన్నారికి ఎలాంటి హానీ జరగలేదు. ఈ వీడియోను చూసిన వారందరూ రకరకాలుగా కామెంట్లు చేస్తున్నారు. సోషల్ మీడియాలో వైరల్ అవుతున్న ఈ షాకింగ్ వీడియోను మనమూ చూసేద్దాం…
ఈ షాకింగ్ వీడియో ట్విట్టర్‌లో పోస్ట్ అయింది. ఈ వీడియో కొంత సమయంలోనే వైరల్ గా మారింది. వేల సంఖ్యలో వీడియోకు వ్యూస్, లైక్స్ వస్తున్నాయి. పాము ఏమీ చేయలేకపోయినప్పటికీ, ఈ చిన్న వయస్సులో అలాంటి జీవులతో పిల్లలను వదిలివేయడం కచ్చితంగా తప్పు అని కొందరు, ఆ చిన్నారికి చాలా ధైర్యం ఉందని మరికొందరు కామెంట్లు చేస్తున్నారు.
