అమ్మ బాబోయ్..! కళ్ల ముందే కుప్పకూలిన వంతెన.. గాలిలో తేలియాడిన ట్రక్ డ్రైవర్

చైనాలోని గుయిజౌ ప్రావిన్స్‌లోని జియామెన్-చెంగ్డు ఎక్స్‌ప్రెస్‌వేపై ఘోర ప్రమాదం జరిగింది. ఇందుకు సంబంధించిన వీడియో సోషల్ మీడియాలో వైరల్ అవుతోంది. వాస్తవానికి, ఒక ట్రక్కు వంతెనను దాటుతుండగా కొండచరియలు విరిగిపడ్డాయి. దీంతో వంతెనలోని ఒక భాగం కూలిపోయింది. వంతెన కూలిపోవడంతో, ట్రక్కు ముందు భాగం గాలిలో వేలాడుతోంది. అయితే ట్రక్ డ్రైవర్ కూడా అందులో చిక్కుకున్నాడు. ఈ హృదయ విదారక సంఘటన వీడియో చూసిన తర్వాత అందరూ షాక్ అయ్యారు.

జూన్ 24, మంగళవారం ఉదయం నైరుతి చైనాలోని గుయిజౌ ప్రావిన్స్‌లో కుప్పకూలిన హైవే వంతెన అంచు నుండి కార్గో ట్రక్కు వేలాడుతూ కనిపించిన భయానక దృశ్యం కెమెరాలో రికార్డైంది. ఈ సంఘటనకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది. వినియోగదారుల దీనిపై అనేక రకాలుగా స్పందనలు తెలియజేస్తున్నారు. జునీ నగరంలోని జియామెన్-చెంగ్డు ఎక్స్‌ప్రెస్‌వేలో భాగమైన ఈ వంతెన కొండచరియలు విరిగిపడటంతో ఒత్తిడికి గురై కూలిపోయింది. దీని వలన ట్రక్కు ముందు భాగం గాలిలో ప్రమాదకరంగా వేలాడుతోంది. ట్రక్కు డ్రైవర్ యు గువోచున్, షాంఘై ఐతో ఆ అవాస్తవికమైన, భయానకమైన క్షణాన్ని అనుభవించినట్లు చెప్పాడు.

స్థానికుల సమాచారం మేరకు అత్యవసర సిబ్బంది వెంటనే సంఘటనా స్థలానికి చేరుకున్నారు. అగ్నిమాపక సిబ్బంది ట్రక్కు పైకప్పుపైకి నిచ్చెన వేసి, డ్రైవర్‌ను సురక్షితంగా బయటకు తీసుకురావడానికి జాగ్రత్తగా సహాయం చేశారు. గమనించదగ్గ విషయం ఏమిటంటే, ఎవరికీ గాయాలు కాలేదని తెలుస్తోంది.

వీడియో చూడండి.. 

A truck, with the driver inside, was seen hanging over a collapsed bridge after a landslide in China https://t.co/kYD1nPieQg pic.twitter.com/wiscYl0NDi

— Reuters (@Reuters) June 24, 2025

ఇదిలావుంటే, నైరుతి చైనాలో కుండపోత వర్షాలు విధ్వంసం సృష్టిస్తున్నాయి. వరద ధాటికి ఆరుగురు ప్రాణాలు కోల్పోయారు. 80,000 మందికి పైగా తమ ఇళ్లను విడిచిపెట్టి నిరాశ్రయులయ్యారని అల్ జజీరా కథనంలో పేర్కొన్నారు. అనేక నదులు ఒడ్డుకు పొంగి ప్రవహిస్తుండటంతో, లోతట్టు ప్రాంతాలలో నివసించే ప్రజలు ఎత్తైన ప్రదేశాలకు ఆశ్రయం పొందుతున్నారు. పర్వత ప్రావిన్స్ అయిన గుయిజౌ, దక్షిణ చైనాలోని ఇతర ప్రాంతాలు గత వారం నుండి భారీ వర్షాలతో అతలాకుతలమయ్యాయి. రోంగ్జియాంగ్ వంటి నగరాల్లో, వరదల ధాటికి వీధులు స్థానిక ట్రాఫిక్‌ను స్తంభించింది. భూగర్భ గ్యారేజీలు, షాపింగ్ మాల్ బేస్‌మెంట్‌లతో సహా లోతట్టు ప్రాంతాలు నీటిలో మునిగిపోయాయి. రాబోయే కొద్ది రోజుల్లో మరిన్ని వర్షాలు కురిసే అవకాశం ఉందని వాతావరణ శాఖ అంచనా వేసింది.

మరిన్ని ట్రెండింగ్ వార్తల కోసం ఇక్కడ క్లిక్ చేయండి..