Pink Sky: బాబోయ్..గులాబీ రంగులోకి మారిపోయిన ఆకాశం..! అసలు ఏంటో తెలిస్తే..
బర్మింగ్హామ్లో ఇటీవల ఆకాశం గులాబీ రంగులోకి మారడం అందరినీ ఆశ్చర్యపరిచింది. సెయింట్ ఆండ్రూస్ స్టేడియం వద్ద గులాబీ రంగు LED లైట్లు, దట్టమైన పొగమంచు కలవడమే దీనికి కారణం. వాతావరణ శాస్త్రవేత్తల ప్రకారం, మంచు మరియు మేఘాలు అద్దాల మాదిరిగా కాంతిని ప్రతిబింబిస్తాయి, అందుకే ఆకాశం గులాబీ రంగులో కనిపించింది. ఇది కేవలం కాంతి ప్రభావం, ఆకాశం రంగు మారలేదు.
Updated on: Jan 13, 2026 | 8:15 PM
మనమందరం ఆకాశాన్ని నీలం రంగులో చూశాము. సాయంత్రం సూర్యుడు అస్తమించే సమయంలో కొన్ని చోట్ల ఎరుపు రంగు కనిపిస్తుంది. లేకపోతే, ఆకాశం ఎప్పుడూ నీలంగానే ఉంటుంది. దీనికి కారణం అందరికీ తెలుసు. కానీ, ఇటీవల ఆకాశం మరో రంగులోకి మారుతుందా అనే సందేహం కలుగుతోంది. ఎందుకంటే.. బర్మింగ్హామ్లో ఆకాశం గులాబీ రంగులోకి మారింది. ఇది వెనుక కారణం ఏం చెబుతున్నారంటే..
ఇంగ్లాండ్లోని బర్మింగ్హామ్ సిటీ ఫుట్బాల్ క్లబ్కు నిలయమైన సెయింట్ ఆండ్రూస్ స్టేడియంలో ఒక మ్యాచ్ జరుగుతోంది. ఈ సమయంలో స్టేడియం చుట్టూ ఉన్న ఆకాశం రాత్రిపూట గులాబీ రంగులో కనిపించింది. ప్రజలు దీనిని చూసి ఆశ్చర్యపోయారు. ఆ దృశ్యాలను తమ మొబైల్ కెమెరాలలో బంధించి వైరల్ చేశారు. దీన్ని చూసిన చాలా మంది ఇది నిజమేనా అని అడుగుతున్నారు.
ఆకాశం నీలం నుండి వివిధ రంగులకు మారుతుందా? లేదు, ఆకాశం ఎల్లప్పుడూ నీలం రంగులోనే ఉంటుంది. కానీ, ఎందుకు సెయింట్ ఆండ్రూస్ స్టేడియం చుట్టూ ఉన్న ఆకాశం గులాబీ రంగులో కనిపిస్తుంది. బర్మింగ్హామ్ సిటీ ఫుట్బాల్ క్లబ్లోని సెయింట్ ఆండ్రూస్ స్టేడియంలో గులాబీ రంగు LED లైట్లు వెలిగించబడ్డాయి. అదే సమయంలో దట్టమైన పొగమంచు కురుస్తోంది.
This is only the beginning 😭😭 https://t.co/RVFv2QcSrO pic.twitter.com/EUy4ZoA6tL
— ٓ (@_mohamed247) January 8, 2026
మేఘాల నుండి పడే మంచు గులాబీ రంగు కాంతిలో కప్పబడి ఉంది. ఈ గులాబీ రంగు మొత్తం ఆకాశం అంతటా వ్యాపించినట్లు అనిపిస్తుంది. దీని కారణంగా మొత్తం ఆకాశం గులాబీ రంగులోకి మారింది.. వాతావరణ శాస్త్రవేత్తల ప్రకారం.. మంచు, మేఘాలు ఎల్లప్పుడూ అద్దాల లాంటివి. కాబట్టి ఈ అద్దాలపై పడిన ఎలాంటి కాంతి అయినా ప్రతిబింబిస్తుంది. అందుకే అక్కడి మేఘాలు గులాబీ రంగులో కనిపించాయని చెబుతున్నారు.
మరిన్ని ట్రెండింగ్ న్యూస్ కోసం క్లిక్ చేయండి…
