మహీంద్రా XUV కారును బెడ్రూమ్గా మార్చేసిన బీహార్ అమ్మాయి.. తేడా కొట్టిందా.. కథ గోవిందా!
SUV లను మోడిఫై చేయడం ద్వారా క్యాంపింగ్ వ్యాన్లుగా మార్చే ట్రెండ్ భారతదేశంలో వేగంగా పెరుగుతోంది. ఈ ట్రెండ్ను స్వీకరించి, బీహార్కు చెందిన ఒక మహిళా గాయని తన మహీంద్రా XUV700 ను చాలా ప్రత్యేకంగా మార్చుకుంది. ఇందుకు సంబంధించిన వీడియో సోషల్ మీడియా షేర్ చేయడంతో, ఆమె ఇంటర్నెట్లో చర్చనీయాంశంగా మారింది.
Updated on: Jun 18, 2025 | 4:17 PM
SUV లను మోడిఫై చేయడం ద్వారా క్యాంపింగ్ వ్యాన్లుగా మార్చే ట్రెండ్ భారతదేశంలో వేగంగా పెరుగుతోంది. ఈ ట్రెండ్ను స్వీకరించి, బీహార్కు చెందిన ఒక మహిళా గాయని తన మహీంద్రా XUV700 ను చాలా ప్రత్యేకంగా మార్చుకుంది. ఇందుకు సంబంధించిన వీడియో సోషల్ మీడియా షేర్ చేయడంతో, ఆమె ఇంటర్నెట్లో చర్చనీయాంశంగా మారింది.
ఆమె SUV లోపల ఒక తాడుకు వేలాడుతున్న మెటల్ ఫ్రేమ్డ్ బెడ్ను అమర్చింది.కారు కదులుతూనే ఉంది. ఆమె పడుకుని ఒక పాట పాడింది. ఈ వీడియో ఇంటర్నెట్లో వైరల్ అవుతోంది. కానీ ఇప్పుడు పెద్ద ప్రశ్న ఏమిటంటే అలాంటి మార్పులు ప్రయాణీకులకు ఎంతవరకు సౌలభ్యం. ప్రమాదకరం కాదా అన్న ప్రశ్నలు తలెత్తుతున్నాయి.
ఈ వీడియోను ‘శివ్ చౌదరి అఫీషియల్’ అనే ఇన్స్టాగ్రామ్ పేజీలో షేర్ చేశారు. అందులో, మహిళా గాయని కదులుతున్న XUV700 కారులో మంచం మీద కూర్చుని హర్యాన్వి పాట పాడుతూ కనిపిస్తుంది. SUVలోని రెండు సీట్లను మడతపెట్టి, వాటి పైన మెటల్ ఫ్రేమ్తో ఒక తాడు మంచం తయారు చేశారు. ఈ రకమైన బెడ్ను ఎటువంటి భద్రతా బెల్టులు లేకుండా అమర్చారు. కదులుతున్న వాహనంలో పడుకోవడం లేదా కూర్చోవడం చాలా ప్రమాదకరం. XUV700 5-స్టార్ భద్రతా రేటింగ్ పొందిన కారు అయినప్పటికీ, ఇటువంటి బాధ్యతారహిత మార్పులు ప్రయాణీకుల జీవితాలను ప్రమాదంలో పడేస్తాయి.
వీడియో చూడండి..
View this post on Instagram
మహీంద్రా XUV700 లో బాధ్యతారహితమైన ప్రవర్తన గతంలో కనిపించింది. కొంతమంది ADAS (లెవల్ 2 ఆటోమేటిక్ డ్రైవ్ సిస్టమ్) ను దుర్వినియోగం చేసి డ్రైవర్ సీటు నుండి దిగి వెనుక సీట్లో కూర్చోవడం, కార్డులు ఆడటం లేదా కదులుతున్న కారులో నిద్రపోవడం వంటి ప్రమాదకరమైన విన్యాసాలు చేశారు. ఇప్పుడు అలాంటి బెడ్ సెటప్లు చట్టబద్ధమైనవేనా అనే ప్రశ్న తలెత్తుతుంది. క్యాంపింగ్ వ్యాన్లలో కూడా బెడ్లు ఉంటాయని చాలా మంది అనుకుంటారు. మరి ఇది ఎందుకు తప్పు అని ఎదురు ప్రశ్నిస్తున్నారు. వాస్తవానికి తేడా ఏమిటంటే క్యాంపింగ్ వాహనాలకు ఫిక్స్డ్ బెడ్లు ఉంటాయి. వాహనం కదులుతున్నప్పుడు వాటిని ఉపయోగించరు. కానీ ఈ సందర్భంలో, వాహనం కదులుతున్నప్పుడు ఆ వ్యక్తి బెడ్ను ఉపయోగిస్తున్నారు. ఇది పూర్తిగా చట్టవిరుద్ధం, ప్రాణాంతకమని నిపుణులు హెచ్చరిస్తున్నారు.
మహీంద్రా XUV700 దుర్వినియోగం కేసులు గతంలో కూడా వెలుగులోకి వచ్చాయి. చాలా మంది దాని లెవల్ 2 ADAS ఫీచర్ను దుర్వినియోగం చేశారు. కానీ ADAS టెక్నాలజీ డ్రైవర్కు సహాయం చేయడానికి మాత్రమే ఉద్దేశించినది. డ్రైవర్ను భర్తీ చేయడానికి కాదు. ఇటువంటి బాధ్యతారహిత ప్రవర్తన చట్టాన్ని ఉల్లంఘించడమే కాకుండా, రోడ్డుపై ఉన్న ఇతర వ్యక్తుల భద్రతకు కూడా పెద్ద ముప్పు.
మరిన్ని ట్రెండింగ్ వార్తల కోసం ఇక్కడ క్లిక్ చేయండి..
