Viral Video: ‘ప్రాణభయం అంటే ఇదే’.. ఎలుగుబంటి చేసిన పనికి సోషల్ మీడియా షేక్.. !
సోషల్ మీడియా అందుబాటులోకి వచ్చిన తర్వాత వైరల్ వీడియోలకు కొదవే లేదు. నిత్యం వేల సంఖ్యలో వైరల్ వీడియోలు ట్రెండ్ అవుతూ ఉంటాయి. ఇక జంతువులకు సంబంధించిన వీడియోల గురించి చెప్పాల్సిన అవసరం లేదు.
Updated on: Aug 08, 2022 | 5:37 PM
Viral Video: సోషల్ మీడియా అందుబాటులోకి వచ్చిన తర్వాత వైరల్ వీడియోలకు కొదవే లేదు. నిత్యం వేల సంఖ్యలో వైరల్ వీడియోలు ట్రెండ్ అవుతూ ఉంటాయి. ఇక జంతువులకు సంబంధించిన వీడియోల గురించి చెప్పాల్సిన అవసరం లేదు. నెటిజన్లు జంతువుల వీడియాలను ఎక్కువగా ఇష్టపడుతూ ఉంటారు. జంతువులు చేసే పని కొన్నిసార్లు నవ్వుతెప్పిస్తే మరికొన్ని సార్లు వణుకు పుట్టిస్తాయి. ఇటీవలకాలంలో కరోనా పుణ్యమా అని జనాలు రోడ్లపై తిరగకపోవడంతో చాలా జంతువులు జనావాసంలోకి వచ్చిన సంఘటనలు చూశాం.. ఈ మధ్య కాలంలో పులులు గ్రామంల్లోకి వస్తున్న వార్తలు కూడా వింటున్నాం. తాజాగా అలాంటి వీడియోనే ఇప్పుడు సోషల్ మీడియాలో వైరల్ అవుతుంది. అయితే ఇక్కడ జనావాసం లోకి వచ్చింది ఓ ఎలుగుబంటి.
జనావాసంలోకి వచ్చిన ఓ ఎలుగుబంటికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది. అయితే అడవి నుంచి బయటకు వచ్చిన ఎలుగుబంటి అటుగా వచ్చిన ఓ కారును చూసి భయంలో పరుగులు పెట్టింది. ఎలుగు బంటి భయంతో రోడ్డు పై చాలా వేగంగా పరిగెత్తింది. నిజానికి ఎలుగుబంట్లు భారీ ఖాయం కారణంగా ఎక్కువగా పరిగెత్తలేవు.. కానీ ఈ ఎలుగు బంటి మాత్రం ప్రాణభయంతో జెట్ స్పీడ్ తో పరుగులు పెట్టింది. ఇప్పుడు ఈ వీడియో సోషల్ మీడియాలో తెగ వైరల్ అవుతోంది. ముల్లి-ఊటీ రోడ్డులోని పన్నెండవ మలుపు వద్ద ఈ ఎలుగుబంటి కనిపించింది. వాహనం శబ్ధం విని ఎలుగుబంటి భయంతో పరుగందుకుంది. వేగంగా పరిగెత్తిన ఆ ఎలుగుబంటి చివరకు ఒక రాళ్ల గుట్టను ఎక్కి అక్కడి నుంచి జారుకుంది. ఇప్పుడు ఈ వీడియో సోషల్ మీడియాలో తెగ వైరల్ అవుతోంది. ఈ వీడియో పై నెటిజన్లు రకరకాల కామెంట్లు పెడుతున్నారు.
