Viral: కంటిలో ఏదో గుచ్చుతున్నట్టు అనిపించింది.. నొప్పితో పరుగున ఆస్పత్రికి వెళ్లగా

ముంబైలో ఓ విచిత్ర సంఘటన చోటు చేసుకుంది. 60 ఏళ్ల శివకుమార్ అనే వ్యక్తి కంటిలో నుంచి 10 సెంటీమీటర్ల పొడవున్న పురుగును శస్త్రచికిత్స ద్వారా బయటకు తొలగించారు వైద్యులు. స్థానిక వైద్యుల సమాచారం ప్రకారం.. సదరు రోగి కంటిలో నుంచి ఆ పురుగును అతి కష్టం మీద బయటకు తీశామని.. ఒకవేళ దాన్ని తొలగించకపోయి ఉంటే.. అది అతడి ప్రాణాలకే ప్రమాదంగా మారేదాని పేర్కొన్నారు. మొదటిగా ఆ పురుగు అతడి శరీరంలోకి ప్రవేశించి.. ఆపై కంటి దగ్గరకు చేరి ఉండొచ్చునని డాక్టర్లు తెలిపారు.

సదరు బాధితుడికి తొలుత కళ్లల్లో ఏదో గుచ్చుతున్నట్టుగా అనిపించింది. ఆ తర్వాత నొప్పి అకస్మాత్తుగా పెరగడంతో.. అతడు తన కళ్లల్లో కంటి చుక్కలు వేసుకుని పడుకున్నాడు. అయినా సరే అది తగ్గకపోగా.. ఆపై కంటి నుంచి రక్తస్రావం రావడం మొదలైంది. వెంటనే స్థానిక డాక్టర్‌ను సంప్రదించగా.. అతడి కంటిలో 10 సెం.మీ. పొడవున్న పురుగును చూసి దెబ్బకు నిర్ఘాంతపోయారు.

ఇవి కూడా చదవండి

ఆన్‌లైన్ ఆర్డర్ పెట్టకుండానే ఇంటికొచ్చిన పార్శిళ్లు..

ఫస్ట్‌నైట్‌ రోజున ఆశగా ఎదురుచూసిన భర్తకు మస్కా కొట్టిన భార్య..

కూల్‌గా వచ్చి.. పని కానిచ్చింది.! కట్ చేస్తే..

సరదాగా చేపలు పట్టేందుకు వచ్చాడు.. తీరా నీటిలో కనిపించింది చూడగా

ఆ పురుగు అతని గుండెకు చేరి ఉంటే.. గుండె సంబంధిత సమస్యలు వచ్చేవని.. మెదడుకు చేరి ఉంటే.. ప్రాణాంతకం అయ్యేదని డాక్టర్లు చెప్పారు. ఇక ఇది అరుదైన కేసు కావడంతో స్థానిక వైద్యుడు సవాల్‌గా తీసుకుని శస్త్రచికిత్స నిర్వహించాడు. సుమారు రెండు గంటల పాటు శస్త్రచికిత్స నిర్వహించి.. అతి కష్టం మీద ఆ పురుగును తొలగించారు.