YS Sharmila: జగనన్నకు పోటీగా ట్రాక్టర్ నడిపిన షర్మిలక్క.. ప్రజా ప్రస్థానం పాదయాత్ర సాగిందిలా..

ప్రజాప్రస్థానం పాదయాత్రలో భాగంగా 87వ రోజు ఆమె ఖమ్మం జిల్లా వైరా మండలంలో పర్యటించారు.ఈ సందర్భంగా వైఎస్‌ షర్మిల అన్నలా ట్రాక్టర్‌ నడిపించి అందరూ ఆశ్చర్యపోయేలా చేశారు. ప్రస్తుతం ఈ వీడియో వైరల్‌ అవుతోంది.

Sharmila Driving Tractor 1

Jyothi Gadda |
Updated on: Jun 08, 2022 | 3:43 PM

YS Sharmila Padayatra: వైఎస్సార్ తెలంగాణ పార్టీ అధ్యక్షురాలు వైయ‌స్ ష‌ర్మిల ప్రజాప్రస్థానం పేరిట తలపెట్టిన పాదయాత్ర 87రోజులు పూర్తి చేసుకుంది. తెలంగాణ రాష్ట్రంలో వైయస్సార్ తెలంగాణ పార్టీతో రాజకీయ ఆరంగేట్రం చేసిన వైయస్ షర్మిల.. తెలంగాణ రాష్ట్ర ప్రజల సమస్యలపై నిత్యం పోరాడుతున్న విషయం తెలిసిందే. ప్రజల సమస్యలను ప్రజల ఇంటి ముంగిట నేరుగా తెలుసుకోవడం కోసం ప్రజాప్రస్థాన పాదయాత్ర కొనసాగిస్తున్నారు. ప్రజాప్రస్థానం పాదయాత్రలో భాగంగా 87వ రోజు ఆమె ఖమ్మం జిల్లా వైరా మండలంలో పర్యటించారు.ఈ సందర్భంగా వైఎస్‌ షర్మిల అన్నలా ట్రాక్టర్‌ నడిపించి అందరూ ఆశ్చర్యపోయేలా చేశారు. ప్రస్తుతం ఈ వీడియో వైరల్‌ అవుతోంది.

Sharmila

ఖమ్మం జిల్లాలోని వైరా మండలంలో వైఎస్‌ షర్మిల పాదయాత్ర జోరుగా సాగింది. అభిమానులు, కార్యకర్తలు పెద్ద సంఖ్యలో పాల్గొన్నారు. షర్మిలక్క వెంటే తామంతా అంటూ పాదయాత్రలో నడిచారు. ఈ క్రమంలోనే ఉప్పల మడక గ్రామానికి చేరుకున్న షర్మిల అక్కడి రైతులతో మాట్లాడారు. ఈ సందర్భంగా రైతులు షర్మిలను ట్రాక్టర్‌ నడపాలంటూ కోరారు. రైతుల కోరిక మేరకు వైఎస్‌ షర్మిల ట్రాక్టర్ నడిపించారు. ఒక్కరోజు ముందుగా ఏపీ సీఎం వైఎస్‌ జగన్‌ మోహన్‌ రెడ్డి కూడా ట్రాక్టర్‌ నడిపించారు. గుంటూరు, పల్నాడు జిల్లాల్లో పర్యటించిన సీఎం జగన్‌ మోహన్‌ రెడ్డి. డాక్టర్‌ వైఎస్‌ఆర్‌ యంత్ర సేవా పథకం ద్వారా రైతులకు అందజేసిన ట్రాక్టర్‌లు, హర్వెస్టర్‌లను జెండా ఊపి ప్రారంభించారు. ఈ నేపథ్యంలోనే రైతులకు‌ పంపిణీ చేసే ట్రాక్టర్ ను స్వయంగా నడిపారు ఏపీ సీఎం జగన్. దీనికి సంభందించిన వీడియో కూడా వైరల్ గా మారింది.