Covid-19: పది రోజుల్లో పెళ్లి.. అంతలోనే విషాదం.. యువతిని పొట్టనబెట్టుకున్న కరోనా..

Coronavirus: దేశంలో కరోనా మహమ్మారి కోరలుచాస్తోంది. దేశవ్యాప్తంగా ఈ మహమ్మారి నిత్యం వేలాది మందిని పొట్టనబెట్టుకుంటోంది. లాక్షలాది మంది

Young Woman Die With Covid 19

Updated on: May 03, 2021 | 8:15 PM

Coronavirus: దేశంలో కరోనా మహమ్మారి కోరలుచాస్తోంది. దేశవ్యాప్తంగా ఈ మహమ్మారి నిత్యం వేలాది మందిని పొట్టనబెట్టుకుంటోంది. లాక్షలాది మంది బాధితులుగా మారుతున్నారు. సాధారణ ప్రజల నుంచి అందరూ కరోనా బారిన పడుతున్నారు. తాజాగా పదిరోజుల్లో పెళ్లి కావాల్సిన యువతిని కూడా కరోనా మహమ్మారి బలితీసుకుంది. కొద్దిరోజుల్లో పెళ్లి బాజాలు మోగాల్సిన ఆ ఇంట్లో కరోనా మహమ్మారి విషాదాన్ని నింపడంతో అందరూ కన్నీరుమున్నీరవుతున్నారు. 10 రోజుల్లో పెళ్లి పీటలెక్కాల్సిన ఆ యువతి ప్రాణాలు కోల్పోవడంతో ఆ కుటుంబం తల్లడిల్లుతోంది. ఈ ఘటన హైదరాబాద్‌లోని ఉప్పల్‌లో ఆలస్యంగా వెలుగులోకి వచ్చింది. నగరంలోని ఉప్పల్‌ భరత్‌ నగర్‌కి చెందిన కె.అనంతయ్య కూతురు.కె శ్రీవాణి (22)కి ఈ నెల 13 వివాహం జరగాల్సి ఉంది. దీంతో కుటుంబమంతా పెళ్లి పనుల్లో నిమగ్నమై హడావుడిలో ఉంది.

ఈ నేపథ్యంలోనే శ్రీవాణి అనారోగ్యానికి గురికావడంతో కరోనా పరీక్షలు చేయించగా.. కోవిడ్ పాజిటివ్‌గా నిర్ధారణ అయింది. ఆరోగ్య పరిస్థితి విషమించడంతో ఏప్రిల్ 21న ఆమెను ఎల్బీనగర్‌‌లోని ప్రైవేట్ ఆసుపత్రిలో జాయిన్ చేశారు. ఈ క్రమంలో పరిస్థితి విషమించడంతో శ్రీవాణి శుక్రవారం ఆసుపత్రిలో చికిత్స పొందుతూ.. ప్రాణాలు కోల్పోయింది. మరో పది రోజల్లో వివాహం చేసుకుని కొత్త జీవితంలోకి అడుగుపెట్టాల్సిన కూతురు విగతజీవిగా మారడంతో తల్లిదండ్రులు తల్లడిల్లుతున్నారు.