Viral Video: సూట్ కేస్ లా మడత పెట్టే వ్రత పీఠం.. కార్పెంటర్ ప్రతిభకు మంత్రి కేటీఆర్ ఫిదా
వైరల్ అవుతున్న ఈ వీడియోలో ఓ వ్యక్తి ఓ చెక్క సూట్ కేసులాంటిది తీసుకొని వచ్చాడు. దానిని ఓపెన్‌ చేయగా అందులో ఒక పూజా పీఠానికి సంబంధించిన విడి భాగాలు ఉన్నాయి. వాటిని బయటకు తీసి ఒక్కొక్కటిగా వాటి స్థానాల్లో అమర్చాడు. చివరికి అది చక్కని పూజా పీఠంలా రూపుదిద్దుకుంది. ఈ వీడియోఓ నెటిజన్‌ ట్విట్టర్‌లో పోస్ట్‌ చేసి మంత్రి కేటీఆర్‌కు ట్యాగ్‌ చేశారు.
Updated on: Aug 17, 2023 | 2:46 PM
ప్రతిభ ఏ ఒక్కరి సొంతమూ కాదు. ఎలాంటి డిగ్రీలు, పట్టాలు లేకుండానే తమలోని క్రియేటివిటీతో అద్భుతాలు సృష్టిస్తున్నారు. ఇంజనీర్లను మించిన ఐడియాలతో నూతన ఆవిష్కరణలు చేస్తున్నారు. తాజాగా ఓ కార్పెంటర్ సూట్ కేసులా మడతపెట్టే సత్యనారాయణ స్వామి వ్రత పీఠం తయారు చేశాడు. ఇందుకు సంబంధించిన వీడియోను ఓ వ్యక్తి ట్విట్టర్ లో షేర్ చేశారు. ఈ వీడియో చూసిన తెలంగాణ మంత్రి కేటీఆర్ సైతం ఫిదా అయ్యారు.
వైరల్ అవుతున్న ఈ వీడియోలో ఓ వ్యక్తి ఓ చెక్క సూట్ కేసులాంటిది తీసుకొని వచ్చాడు. దానిని ఓపెన్‌ చేయగా అందులో ఒక పూజా పీఠానికి సంబంధించిన విడి భాగాలు ఉన్నాయి. వాటిని బయటకు తీసి ఒక్కొక్కటిగా వాటి స్థానాల్లో అమర్చాడు. చివరికి అది చక్కని పూజా పీఠంలా రూపుదిద్దుకుంది. ఈ వీడియోఓ నెటిజన్‌ ట్విట్టర్‌లో పోస్ట్‌ చేసి మంత్రి కేటీఆర్‌కు ట్యాగ్‌ చేశారు. కాగా ఈ వీడియో నెటిజన్లను ఎంతగానో ఆకట్టుకుంటోంది. ఇంత నైపుణ్యం ప్రదర్శించిన ఆ కార్పెంటర్ కు సాయం అందించాలని మంత్రి కేటీఆర్ ను కోరారు.
Absolutely great skill
Request @TWorksHyd to reach out to see how we could help https://t.co/KQe8zKOrCY
— KTR (@KTRBRS) August 16, 2023
దీనికి మంత్రి సానుకూలంగా స్పందించారు. సదరు కార్పెంటర్ నైపుణ్యం అద్భుతం అని కొనియాడారు. అతనికి సాయం చేసే విషయమై పరిశీలించాలని హైదరాబాద్‌ లోని టీ–వర్క్స్ అధికారులకు సూచించారు. ఈ వీడియో ప్రస్తుతం సోషల్ మీడియాలో వైరల్ గా మారింది.
మరిన్ని తెలంగాణ వార్తల కోసం ఇక్కడ క్లిక్ చేయండి..
