Telangana: వర్షంలో బంగారం వేట.. వరదలో కొట్టుకొచ్చే నాణేలు.. ఈ బంగారు బావి ఎక్కడుందో తెలుసా?

ఇది అత్యంత పురాతన బావి.. దక్షిణ భారత దేశంలో మొట్ట మొదటి బావిగా చరిత్రకారులు చెబుతున్నారు. ఇలాంటి బావులు చూడటం అరుదు..! పూర్వీకులు ఎంతో నైపుణ్యంతో చెక్కిన శిల్పకళా సంపద. చుట్టూ రాతి కట్టడంతో, ఇరు వైపుల గదులతో అందంగా కనిపిస్తుంది. అయితే, ఈ బావి లో భారీగా బంగారు సంపద ఉందని చరిత్ర ఆనవాళ్లు ద్వారా తెలుస్తోంది. ఈ నేపథ్యంలోనే ఆగంతకులు నిరంతరం తవ్వకాలు చేస్తున్నారు. ఈ బావి లో ఎటు చూసిన తవ్వకాలనే కనబడుతున్నాయి.

కరీంనగర్ సమీపంలో ఎలగందుల పురాతన గ్రామం ఉంది. ఈ ఖిల్లాకు ఎంతో ప్రాముఖ్యత ఉంది. ఈ ఖిల్లా నుంచీ.. 500 మీటర్ల దూరంలో నాగయ్య బావి ఉంది. ఈ బావికి సమీపంలో నాగదేవాలయం ఉంటుంది. అందుకే.. దీనికి నాగయ్య బావిగా పిలుస్తుంటారు స్థానికులు. ఈ బావి కాకతీయులు కాలంలో నిర్మాణం చేపట్టారు. పూర్తిగా రాయితో కట్టడాలు నిర్మించారు. ఇప్పటికీ.. ఈ కట్టడాలు చెక్కు చెదురులేదు. ఈ బావిలో రాజులు.. రాణులు స్నానం ఆచరించేవారని చరిత్ర చెబుతోంది.

ఈ బావి పక్కన రెండు పురాతన గదులను నిర్మించారు. కాకతీయులు వారి సంపదన ఈ బావి పక్కనే దాచి పెట్టారని చరిత్ర ఆనవాళ్ల ద్వారా తెలుస్తోంది. దీనిని బంగారు బావిగా కూడా పిలుస్తారు. పై నుంచి కింది వరకు రాళ్లతో నిర్మాణం చేపట్టారు. దేవాలయ నిర్మాణం లాగానే.. ఈ బావి ని నిర్మించారు. ఈ బావి లో ఎప్పటికీ నీరు ఉంటుంది. అయితే బంగారు బావిపై కన్నేసిన దుండగులు గుప్త నిధుల కోసం తవ్వకాలు జరుపుతున్నారు. దీంతో అందమైన బంగారు బావి కళావిహీనంగా మారిపోయింది.

ముఖ్యంగా వేసవి కాలంలో తక్కువ నీరు ఉన్న సమయంలో దుండగులు తవ్వకాలు చేస్తున్నారని స్థానికులు చెబుతున్నారు. బావి పక్కన ఉన్న గదుల్లో తవ్వకాలు చేపడుతున్నారు. బంగారం కూడా దొరికిందనే ప్రచారం సాగింది. అంతేకాదు. భారీ వర్షాలు కురిసినప్పుడు బావి నీరు బయటకు వస్తుంది. ఆ సమయంలో బంగారు నాణెలు కొట్టుకు వస్తాయంటున్నారు స్థానికులు. అందుకే ఈ ప్రాంతంలో గుప్త నిధుల ముఠా ఎప్పుడూ సంచరిస్తూ ఉంటుంది. గతంలో మేకతో పాటు, ఇతర జంతువులను ఈ బావి సమీపంలో బలి ఇచ్చి అనవాళ్లను స్థానికులు గుర్తించారు. పసుపు, కుంకుమతో పాటు పూజ సామాగ్రి పెట్టారు. ఇది చూసి స్థానికులు భయపడుతున్నారు. అమవాస్య, ఇతర రోజుల్లో.. ఈ బావి సమీపంలో తవ్వకాలు చేస్తున్నారు గుప్త నిధుల ముఠాలు.

అయితే సహజంగానే. కాకతీయులు ఎక్కడ పాలన చేసినా అక్కడ.. నిధులు ఉంటాయని చరిత్ర చెబుతోంది. భారీ సంపద దాచిపెడుతుంటారు. కట్టడాల సమీపంలో బంగారం దాచిపెట్టేవారు. ఈ బావి సమీపంలో కూడా బంగారం ఉందనే ప్రచారం జోరుగా ఉంది. అందుకోసం నిరంతరం తవ్వకాలు చేస్తున్నారు. అయితే, ఈ బావిలోని నీరు పూర్తిగా స్వచ్చంగా ఉంటుంది. పురాతన బావి ఇప్పటికీ చెక్కుచెదరకుండా ఉన్నప్పటికీ.. ఇలాంటి బావులు కనబడటం అరుదు. పూర్తిగా రాతి కట్టడాలతో నిర్మించిన ఈ బావి.. దాదాపు 60 ఫీట్ల వరకు లోతు ఉంటుంది. బావి పక్కన బట్టలు మార్చుకునే గదులు.. విశ్రాంతి తీసుకునే గదులు ఉన్నాయి. ఈ బంగారు బావిపై అందరి దృష్టి ఉంది. ఈ బావిని చూడడానికి పర్యాటకులు వస్తున్నారు. చరిత్రలో భాగమైన బంగారు బావి నిరాదరణకు గురై రూపు రేఖలు కోల్పోతుంది. సరైన రక్షణ చర్యలు లేవు. ఈ బావి ని పర్యాటక ప్రాంతంగా మార్చాలని స్థానికులు కోరుతున్నారు. శిల్ప సంపదతో పాటు.. చరిత్రకారులు చెక్కిన నాటి శిలాక్షరాలను నేటి తరానికి అందించాల్సిన అవసరం ఉంది.

మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి..