Telangana PCB Recruitment: నిరుద్యోగులకు గుడ్న్యూస్: భారీ జీతంతో పీసీబీలో ఉద్యోగాలు, ఇలా అప్లై చేయండి
Telangana Pollution Control Board Jobs 2026: బీటెక్ పూర్తి చేసిన అభ్యర్థులకు తెలంగాణలో ప్రభుత్వ ఉద్యోగావకాశం. పొల్యూషన్ కంట్రోల్ బోర్డులో 19 అసిస్టెంట్ ఎన్విరాన్మెంటల్ ఇంజినీర్ పోస్టులకు TGPSC దరఖాస్తులు ఆహ్వానిస్తోంది. జీతం రూ.1.33 లక్షల వరకు ఉంటుంది. ఉద్యోగాలకు సంబంధించిన కీలక విషయాలను ఇప్పుడు తెలుసుకుందాం.
Updated on: Jun 05, 2026 | 1:02 PM
TGPSC Recruitment 2026: ప్రభుత్వ ఉద్యోగాల కోసం ఎదురుచూస్తున్న ఇంజినీరింగ్ అభ్యర్థులకు తెలంగాణ ప్రభుత్వం మరో ఉద్యోగావకాశాన్ని అందుబాటులోకి తీసుకొచ్చింది. తెలంగాణ కాలుష్య నియంత్రణ మండలి (Pollution Control Board)లో అసిస్టెంట్ ఎన్విరాన్మెంటల్ ఇంజినీర్ పోస్టుల భర్తీకి తెలంగాణ పబ్లిక్ సర్వీస్ కమిషన్ (TGPSC) నోటిఫికేషన్ విడుదల చేసింది. మొత్తం 19 ఖాళీలను భర్తీ చేయనున్నారు.
పోస్టు వివరాలు
- పోస్టు పేరు: అసిస్టెంట్ ఎన్విరాన్మెంటల్ ఇంజినీర్
- ఖాళీల సంఖ్య: 19
అర్హతలు
- దరఖాస్తు చేసుకునే అభ్యర్థులు గుర్తింపు పొందిన విశ్వవిద్యాలయం నుంచి కింది అర్హతల్లో ఏదో ఒకటి కలిగి ఉండాలి.
- సివిల్, మెకానికల్, కెమికల్, బయోటెక్నాలజీ, మైనింగ్ లేదా ఎన్విరాన్మెంటల్ ఇంజినీరింగ్లో బ్యాచిలర్ డిగ్రీ. AMIE (India) సివిల్ పరీక్షలో ఉత్తీర్ణత.
- ఏదైనా ఇంజినీరింగ్ శాఖలో బీఈ/బీటెక్ పూర్తి చేసి, ఎన్విరాన్మెంటల్ ఇంజినీరింగ్లో పీజీ డిగ్రీ.
వయోపరిమితి
2026 జులై 1 నాటికి అభ్యర్థుల వయసు 18 నుంచి 44 సంవత్సరాల మధ్య ఉండాలి.
వయోసడలింపులు
- ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు – 5 సంవత్సరాలు
- దివ్యాంగులకు – 10 సంవత్సరాలు
- రాష్ట్ర ప్రభుత్వ ఉద్యోగులకు – 5 సంవత్సరాలు
- మాజీ సైనికులు, ఎన్సీసీ అభ్యర్థులకు – 3 సంవత్సరాలు
వేతనం
ఎంపికైన అభ్యర్థులకు నెలకు రూ.54,220 నుంచి రూ.1,33,630 వరకు జీతం అందుతుంది.
ఎంపిక విధానం
ఆబ్జెక్టివ్ విధానంలో నిర్వహించే రాత పరీక్ష ఆధారంగా అభ్యర్థులను ఎంపిక చేస్తారు. పరీక్ష ఆన్లైన్ లేదా ఓఎంఆర్ పద్ధతిలో నిర్వహించవచ్చు.
కనీస అర్హత మార్కులు
- ఓసీ అభ్యర్థులు – 40%
- బీసీ అభ్యర్థులు – 35%
- ఎస్సీ, ఎస్టీ, పీహెచ్ అభ్యర్థులు – 30%
రాత పరీక్షలో సాధించిన మెరిట్ ఆధారంగా డాక్యుమెంట్ వెరిఫికేషన్, వైద్య పరీక్షల అనంతరం తుది ఎంపిక జరుగుతుంది.
పరీక్ష విధానం
- పేపర్ – 1
- జనరల్ స్టడీస్ & జనరల్ ఎబిలిటీస్
- 150 ప్రశ్నలు
- 150 మార్కులు
- పేపర్ – 2
- ఇంజినీరింగ్ సబ్జెక్ట్
- 150 ప్రశ్నలు
- 300 మార్కులు
- మొత్తం పరీక్ష 450 మార్కులకు నిర్వహిస్తారు. ప్రతి పేపర్కు రెండున్నర గంటల సమయం కేటాయిస్తారు.
దరఖాస్తు ఫీజు
- ఓసీ, బీసీ అభ్యర్థులు
- అప్లికేషన్ ప్రాసెసింగ్ ఫీజు: రూ.1,000
- పరీక్ష ఫీజు: రూ.120
- ఎస్సీ, ఎస్టీ, పీడబ్ల్యూబీడీ అభ్యర్థులు
- అప్లికేషన్ ప్రాసెసింగ్ ఫీజు: రూ.500
- పరీక్ష ఫీజు: రూ.120
- నిరుద్యోగ అభ్యర్థులకు పరీక్ష ఫీజులో మినహాయింపు ఉంటుంది.
పరీక్ష కేంద్రాలు
హైదరాబాద్, కరీంనగర్, ఖమ్మం, వరంగల్, నిజామాబాద్ నగరాల్లో పరీక్ష నిర్వహించనున్నారు.
ఎలా దరఖాస్తు చేయాలి?
- టీజీపీఎస్సీ అధికారిక వెబ్సైట్ను సందర్శించాలి.
- మొదటిసారి దరఖాస్తు చేసేవారు వన్ టైమ్ రిజిస్ట్రేషన్ (OTR) పూర్తి చేయాలి.
- అనంతరం టీజీపీఎస్సీ ఐడీ, పుట్టిన తేదీతో లాగిన్ కావాలి.
- వివరాలను ధృవీకరించి ఫీజు చెల్లించాలి.
- దరఖాస్తును సమర్పించిన తర్వాత ప్రింట్ లేదా పీడీఎఫ్ కాపీ సేవ్ చేసుకోవాలి.
ముఖ్యమైన తేదీలు
- దరఖాస్తుల ప్రారంభం: 10 జూన్ 2026
- దరఖాస్తుల చివరి తేదీ: 17 జులై 2026 సాయంత్రం 5 గంటల వరకు
పరీక్ష నిర్వహణ: సెప్టెంబర్ 2026
అభ్యర్థులు పూర్తి నోటిఫికేషన్ను పరిశీలించి అర్హతలు, రిజర్వేషన్లు, పరీక్షా విధానం వంటి వివరాలను ధృవీకరించుకుని దరఖాస్తు చేసుకోవడం మంచిది.
