Sangareddy: కాలనీలో ఆడుకుంటున్న చిన్నారులు.. ఇంతలో దూసుకొచ్చిన కొత్త కారు.. షాకింగ్ దృశ్యాలు..

Sangareddy: సరిగ్గా సాయంత్రం 7 గంటలు అవుతోంది. కాలనీలోని పిల్లలందరూ గుమిగూడారు. అందరూ ఒక్కచోటకు చేరి సరదాగా ఆడుకుంటున్నారు. ఓ పిల్లాడు సైకిల్ తొక్కుతుండగా.. మరికొందరు పిల్లలు సరదాగా ముచ్చటిస్తూ ఆడుకుంటున్నారు. అంతలోనే వారి ఆనందం ఆవిరైంది. ఊహించని రీతిలో ప్రమాదం వారిని వెంటాడింది. భీతిగొలిపే విధంగా ఓ కొత్త కారు పిల్లలపై దూసుకువచ్చింది. భారీ శబ్దాలతో కారు దూసుకురావడంతో అలర్ట్ అయిన పిల్లలు.. భయంతో అక్కడి నుంచి తలోదిక్కు పారిపోయారు. చిన్నారులు ప్రమాదాన్ని ముందే పసిగట్టడంతో పెను ప్రమాదం తప్పింది. ఈ భయానక ఘటన సంగారెడ్డి జిల్లా రామచంద్రాపురం పోలీస్ స్టేషన్ పరిధిలోని సాయి నగర్‌ కాలనీలో చోటు చేసుకుంది.

ఈ ఘటన తాలూకు వివరాలు ఇలా ఉన్నాయి. సాయినగర్ కాలనీలో నిన్న రాత్రి ఓ కారు బీభత్సం సృష్టించింది. నూతనంగా కొనుగోలు చేసిన కారును డ్రైవర్ అతి వేగంగా నడిపాడు. దాంతో అదికాస్తా అదుపు తప్పి కాలనీలో గోడలను గుద్దుకుంటూ అక్కడే ఆడుకుంటున్న చిన్నారులపైకి దూసుకువచ్చింది. చిన్నారులు పక్కకు జరగడంతో పెద్ద ప్రమాదం తప్పింది. అయితే, ఈ ఘటనలో ఎవరికి కూడా ఎలాంటి ప్రమాదం జరుగలేదు. ఒక బైక్ మాత్రం ధ్వంసమైంది. కాగా, ఈ ప్రమాద దృశ్యాలు స్థానికంగా ఉన్న సీసీకెమెరాలో రికార్డ్ అయ్యాయి. ఈ వీడియోను సోషల్ మీడియాలో పోస్ట్ చేయడంలో అదికాస్తా వైరల్‌గా మారింది.

Also read:

Toothbrush: నిద్ర మత్తులో టూత్ బ్రష్‌ను మింగేశాడు.. ఆ తరువాత ఏం జరిగిందంటే..

South Central Railway: రైల్వే ప్రయాణికులకు ముఖ్య గమనిక.. కీలక ప్రకటన చేసిన దక్షిణ మధ్య రైల్వే..

Kerala High Court: ఆ హక్కు భర్తకు లేదు.. వైవాహిక అత్యాచారంపై కీలక వ్యాఖ్యలు చేసిన కేరళ హైకోర్టు..