Telangana TET Results: తెలంగాణ టెట్ ఫలితాలు విడుదల.. ఫలితాల లింక్ ఇదే..

Telangana Tet Exam (1)

తెలంగాణ టెట్ అభ్యర్థులకు అలర్ట్. టీచర్ ఎలిజిబిలిటీ టెస్ట్(TET-2026) ఫలితాలు విడుదల అయ్యాయి. ఈ మేరకు మంగళవారం రాష్ట్ర ప్రభుత్వం విడుదల చేసింది. పాఠశాల విద్యాశాఖ వెబ్‌సైట్లో ప్రభుత్వం ఫలితాలను అందుబాటులో ఉంచింది. టెట్ పరీక్ష రాసిన అభ్యర్థులు తమ ఫలితాలను పాఠశాల విద్యశాఖ పోర్టల్‌లోకి వెళ్లి చెక్ చేసుకోవచ్చు. https://schooledu.telangana.gov.in/SCHOOLEDUCATION/ వెబ్‌సైట్లోకి వెళ్లి హాల్ టికెట్ వివరాలు నమోదు చేసి చూసుకోవచ్చు.

1.95 లక్షల మంది హాజరు

తెలంగాణలో టెట్ ఎగ్జామ్ కోసం 2,37,754 మంది దరఖాస్తు చేసుకోగా.. ఇందులో 1,95,181 మంది ఎగ్జామ్ రాశారు. 82 శాతం మంది అభ్యర్థులు పరీక్షకు హాజరయ్యారు. ఇక 42,573 మంది గైర్హాజరయ్యారు. ఇన్ సర్వీస్ టీచర్లు 90.27 మంది హాజరయ్వగా.. జనవరి 3 నుంచి 20 వరకు పరీక్షలు నిర్వహించారు. షెడ్యూల్ ప్రకారం ఫిబ్రవరి 10 నుంచి 16వ తేదీన మధ్య ఫలితాలు విడుదల చేసే అవకాశముందనే వార్తలు వినిపించాయి. కానీ రాష్ట్రంలో మున్సిపల్ ఎన్నికల తరుణంలో టెట్ ఫలితాలు ఆలస్యంగా విడుదల అవుతాయనే వార్తలు కనిపించాయి. మున్సిపల్ ఎన్నికల వేళ అధికారులు బిజీగా ఉండటంతో.. ఎన్నికల ప్రక్రియ మొత్తం ముగిశాక విడుదల అవుతాయని అభ్యర్థులు భావించారు. కానీ ప్రభుత్వం మున్సిపల్ ఎన్నికల పోలింగ్‌కు ముందు రోజు టెట్ ఫలితాలు రిలీజ్ చేసింది. దీంతో అభ్యర్థులు ఊరట చెందుతున్నారు.