Telangana: వెంబడించారు.. కళ్లలో కారం కొట్టారు.. నగదు బ్యాగ్ లాక్కున్నారు.. కట్ చేస్తే..
వరంగల్ బ్యాంక్ కాలనీలో దొంగలు రెచ్చిపోయారు. వ్యాపారి కళ్లల్లో కారం చల్లి 7 లక్షల నగదు ఎత్తికెళ్లారు.
Updated on: Apr 24, 2022 | 12:38 PM
వెంబడించారు.. కళ్లలో కారం కొట్టారు. క్యాష్ బ్యాగ్ లాక్కుని బైక్పై ముందుకు పారిపోడానికి ట్రై చేశారు. పబ్లిక్ అడ్డుపడేసరికి బైక్ వదిలేసి పారిపోయారు. అవును.. వరంగల్(Warangal)లో సినీ ఫక్కీలో దారి దోపిడీ జరిగింది. బ్యాంక్ కాలనీలో వాహనంపై వెళ్తున్న మహాలక్ష్మి ఐరన్ & హార్డ్వేర్ షాప్ యాజమాని కనకయ్యను వెంబడించిన ముగ్గురు గుర్తు తెలియని వ్యక్తులు.. వ్యాపారి బైక్ ఆపి కంట్లో కారం చల్లారు. అతని దగ్గర బ్యాగులో ఉన్న 7 లక్షల రూపాయల నగదును ఎత్తుకెళ్లారు. బైక్పై దోపిడీ దొంగలు పారిపోతుండగా.. ఓ వ్యక్తి వారిని అడ్డుకునే ప్రయత్నం చేశారు. దీంతో కింద పడిపోయారు దొంగలు. బైక్ను అక్కడే వదిలేసి.. నగదు బ్యాగ్తో పరారయ్యారు. ఆ విజువల్స్ సీసీ ఫుటేజీలో రికార్డ్ అయ్యాయి. ఆ దోపిడీ దొంగల కోసం పోలీస్ బృందాల గాలింపు కొనసాగుతోంది. నిందితులను త్వరలోనే పట్టుకుంటామని పోలీసులు చెబుతున్నారు.
Also Read: Kurnool: కర్నూలు జిల్లాలో కిలాడి దంపతులు.. చోర విద్యలో ప్రావీణ్యులు.. ఏమార్చి..
