Munugodu Bettings: తెలుగు రాష్ట్రాల్లో మునుగోడు ఫీవర్.. ఫలితంపై కోట్లల్లో బెట్టింగ్స్..
మునుగోడుపై కాయ్ రాజా కాయ్ జోరుగా నడుస్తోంది. రెండు తెలుగు రాష్ట్రాల్లో కోట్ల రూపాయలు చేతులు మారుతున్నాయ్. మనుగోడులో గెలిచేదెవరైనా..
Updated on: Nov 06, 2022 | 6:26 AM
మునుగోడుపై కాయ్ రాజా కాయ్ జోరుగా నడుస్తోంది. రెండు తెలుగు రాష్ట్రాల్లో కోట్ల రూపాయలు చేతులు మారుతున్నాయ్. మనుగోడులో గెలిచేదెవరైనా.. ఆ ఎఫెక్ట్ మాత్రం వేలాదిమంది పందెంరాయుళ్లపైనా పడబోతోంది. అవును మరి, దేశవ్యాప్తంగా తీవ్ర ఉత్కంఠ రేపిన మునుగోడు ఫలితంపై కోట్ల రూపాయల బెట్టింగ్స్ జరిగాయి. జరుగుతూనే ఉన్నాయి. మునుగోడులో గెలిచేదెవరు? టీఆర్ఎస్సా? బీజేపీనా? లేక కాంగ్రెస్సా?. అసలు ఏ పార్టీకి ఎన్ని ఓట్లు వస్తాయ్?. అసలా పార్టీకి డిపాజిట్ దక్కుతుందా?. బీఎస్పీ, పాల్ పార్టీలు… ఎవరిని దెబ్బకొట్టబోతున్నాయ్?. సైలెంట్ ఓటింగ్ ఎవరికి ప్లస్ కాబోతోంది? ఎవరికి మైనస్ కాబోతోంది?.
ఇలా.. ప్రతి పాయింట్ మీద పందేలు సాగుతున్నాయ్. ఏజెంట్లతో సహా రంగంలోకి దిగిన బుకీలు… వందల కోట్ల మేర ట్రాంజాక్షన్స్ చేస్తున్నారు. మెయిన్గా తెలంగాణలోపాటు ఆంధ్రప్రదేశ్లో జోరుగా బెట్టింగ్స్ సాగాయ్. ఏపీలోని విశాఖ, విజయవాడ, గుంటూరులో ఒక రేంజ్లో బెట్టింగ్స్ జరిగినట్లు టాక్ వస్తోంది. ఇక తెలంగాణలో ప్రధానంగా హైదరాబాద్ కేంద్రంగా బెట్టింగ్స్ నడిచాయ్. బెట్టింగ్స్ మొత్తం టీఆర్ఎస్ అండ్ బీజేపీ మధ్యే సాగుతున్నాయ్. ఈ రెండు పార్టీల్లో ఏది గెలుస్తుందనేదానిపైనే కోట్ల రూపాయల మేర పందేలు కాశారు బెట్టింగ్రాయుళ్లు. బుకీస్ అయితే ఏ పాయింట్నీ వదిలిపెట్టడం లేదు.
గెలిచే పార్టీ ఏది?. ఎంత మెజారిటీ వస్తుంది?. మంత్రులు ప్రచారం చేసిన గ్రామాల్లో ఎవరికి లీడ్ వస్తుంది? అంటూ పందెంరాయుళ్లను ఊరించారు బుకీలు. నిజం చెప్పాలంటే, రాజగోపాల్రెడ్డి రిజైన్ చేసిన దగ్గర్నుంచే ఈ బెట్టింగ్స్ సాగుతున్నాయ్. సర్వేలు, ప్రీపోల్ అండ్ ఎగ్జిట్ పోల్ పేరుతో బెట్టింగ్స్ నిర్వహించారు బుకీలు. కొందరు వేలల్లో బెట్టింగ్స్ కాస్తే, మరికొందరు లక్షల్లో పందేలు కాశారు. మరి, మునుగోడులో గెలిచే మొనగాడెవరు?. మునుగోడు ఫలితం ఎవరిని గెలిపించబోతోంది? ఎవరిని ముంచేయబోతోంది?.
మరిన్ని తెలంగాణ వార్తల కోసం ఈ లింక్ క్లిక్ చేయండి..
