Hyderabad: బిగ్ అలర్ట్.. సన్‌రైజర్స్ మ్యాచ్‌కు వెళ్తున్నారా..? ట్రాఫిక్ పోలీసుల కీలక సూచనలు..

ఇండియన్ ప్రీమియర్ లీగ్ (IPL) – 2026 ఉత్కంఠభరితంగా కొనసాగుతోంది. హైదరాబాద్‌ నగరంలో కూడా క్రికెట్ మేనియా కొనసాగుతోంది.. సన్‌రైజర్స్ హైదరాబాద్ మ్యాచ్ లు కొన్ని ఉప్పల్‌లోని రాజీవ్ గాంధీ ఇంటర్నేషనల్ క్రికెట్ స్టేడియంలో నిర్వహిస్తున్నారు. క్రికెట్ మ్యాచ్‌లు మొత్తం 7 కాగా.. ఒక మ్యాచ్ ముగిసింది.. ఇంకా 6 మ్యాచ్‌లు.. ఏప్రిల్ 13, 18, 21, మే 3, 6, 22 2026 తేదీలలో మేడ్చల్–మల్కాజ్గిరి జిల్లా, ఉప్పల్ లోని రాజీవ్ గాంధీ ఇంటర్నేషనల్ క్రికెట్ స్టేడియంలో జరగున్నాయి. సోమవారం హైదరాబాద్ – రాజస్థాన్ రాయల్స్ మధ్య మ్యాచ్ తోపాటు.. మిగతా మ్యాచ్ లు జరగనున్నాయి.. ఈ సందర్భంలో ట్రాఫిక్ రద్దీ ఏర్పడే అవకాశం ఉన్నందున, ఉప్పల్ ట్రాఫిక్ పోలీస్ స్టేషన్ పరిధిలో ట్రాఫిక్ మార్పులు (డైవర్షన్లు) అమలు చేస్తున్నారు.. ఈ మేరకు వాహనదారులకు అలర్ట్ జారీ చేస్తూ ట్రాఫిక్ పోలీసు విభాగం ప్రకటన విడుదల చేసింది.

డైవర్షన్‌కు లోబడే హెవీ వాహనాలు:

లారీలు, రాకెట్ లారీలు, డంపర్లు, ఎర్త్ మూవర్స్, ట్రక్కులు, టిప్పర్లు, వాటర్ ట్యాంకర్లు, RMC వాహనాలు, JCBలు, ఐచర్ వాన్లు, ప్రైవేట్ బస్సులు, ట్రాక్టర్లు.

ప్రత్యేకంగా 13-04-2026 (సోమవారం) తేదీన:

IPL మ్యాచ్ (SRH Vs Rajasthan Royals) సందర్భంగా ప్రేక్షకుల రద్దీ కారణంగా ట్రాఫిక్ డైవర్షన్లు అమలు చేయబడతాయి.

ట్రాఫిక్ రద్దీ సమయం:

13-04-2026 తేదీన మధ్యాహ్నం 12:00 గంటల నుండి రాత్రి 12:00 గంటల వరకు నాగోల్ నుండి హబ్సిగూడ (ఉప్పల్ జంక్షన్ మార్గం), బోడుప్పల్ నుండి అంబర్‌పేట్ (ఉప్పల్ జంక్షన్, రామంతాపూర్ మార్గం) వరకు మోస్తరు ట్రాఫిక్ రద్దీ ఉండే అవకాశం ఉంది. కాబట్టి ప్రజలు వీలైనంతవరకు ఈ మార్గాలను నివారించి ప్రత్యామ్నాయ మార్గాలను ఉపయోగించాలి.

ప్రజలకు విజ్ఞప్తి:

ప్రజలు తమ గమ్యస్థానాలకు చేరుకోవడానికి RTC బస్సులు మరియు మెట్రో రైలు వంటి పబ్లిక్ ట్రాన్స్‌పోర్ట్‌ను వినియోగించగలరు.

ట్రాఫిక్ డైవర్షన్ మార్గాలు:

ఘట్‌కేసర్ నుండి ఉప్పల్ వైపు వచ్చే హెవీ వాహనాలను మెహఫిల్ హోటల్ వద్ద HMDA ఉప్పల్ భగ్యాత్ ప్రవేశద్వారం వద్ద నాగోల్ – ఎల్.బి.నగర్ వైపు మళ్లించబడతాయి. ఎల్.బి.నగర్ నుండి ఉప్పల్ వైపు వచ్చే హెవీ వాహనాలను నాగోల్ మెట్రో స్టేషన్ వద్ద U-టర్న్ తీసుకుని నాగోల్ U-టర్న్ – HMDA భగ్యాత్ – టయోటా U-టర్న్ – బోడుప్పల్ – చెంగిచెర్ల – IOCL చెర్లపల్లి / ఘట్‌కేసర్ వైపు మళ్లించబడతాయి.

తార్నాక నుండి ఉప్పల్ వైపు వచ్చే హెవీ వాహనాలను హబ్సిగూడ X రోడ్ వద్ద నాచారం – NFC రోటరీ – IOCL చెర్లపల్లి – ఘట్‌కేసర్ వైపు మళ్లించబడతాయి. రామంతాపూర్ నుండి ఉప్పల్ వైపు వచ్చే హెవీ వాహనాలను స్ట్రీట్ నం. 8 వద్ద హబ్సిగూడ X రోడ్ – నాచారం – NFC రోటరీ – IOCL చెర్లపల్లి – ఘట్‌కేసర్ వైపు మళ్లించబడతాయి.

వరంగల్ నుండి హైదరాబాద్‌కు ఉప్పల్ మార్గం ద్వారా వచ్చే హెవీ వాహనాలు ఘట్‌కేసర్ వద్ద ORR ఎక్కి అబ్దుల్లాపూర్‌మెట్ – ఎల్.బి.నగర్ – దిల్‌సుఖ్‌నగర్ మార్గంలో ప్రయాణించాలి.

హైదరాబాద్ నుండి వరంగల్ వైపు ఉప్పల్ మార్గం ద్వారా వెళ్లే వాహనాలు ఎల్.బి.నగర్ – హయత్‌నగర్ ద్వారా అబ్దుల్లాపూర్‌మెట్ వద్ద ORR ఎక్కి వరంగల్ చేరుకోవాలి.

ప్రేక్షకులకు సూచనలు:

13-04-2026 తేదీన IPL మ్యాచ్ సందర్భంగా మొత్తం (05) ప్రధాన పార్కింగ్ ప్రదేశాలు గుర్తించారు.. వీటిలో (04) స్టేడియం బయట 500 మీటర్ల పరిధిలో సాధారణ ప్రజల కోసం ఉండగా, ఒకటి స్టేడియం లోపల (VVIP/VIP పాస్ హోల్డర్లకు మాత్రమే) కేటాయించబడింది.

స్టేడియం బయట పార్కింగ్ (సాధారణ ప్రజలకు):

ఉప్పల్ X రోడ్స్ నుండి హబ్సిగూడ వైపు:

పెంగ్విన్

TGIALA

ఉప్పల్ X రోడ్స్ నుండి రామంతాపూర్ వైపు:

DSL ఓపెన్ ప్రదేశం (NSL భవనం ఎదురుగా)

మోడర్న్ బేకరీ

స్టేడియం లోపల పార్కింగ్ (పాస్ హోల్డర్లకు మాత్రమే):

* VVIP/VIP –  అనుమతిపత్రం కలిగినవారు మాత్రమే A గ్రౌండ్ పార్కింగ్ ఉపయోగించాలి. ప్రవేశం గేట్ 1A ద్వారానే ఉంటుంది.

* చెల్లుబాటు అయ్యే పాస్ లేని వాహనాలను EK మినార్, LG గోదాం చెక్‌పోస్టుల దాటి అనుమతించరు.

పార్కింగ్ మార్గదర్శకాలు:

ఎల్.బి.నగర్ నుండి ఉప్పల్ స్టేడియం: DSL ఓపెన్ ప్రదేశం, మోడర్న్ బేకరీ, LG గోదాం జంక్షన్ నుండి కెమ్‌వేదా జంక్షన్ వరకు ఇండస్ట్రియల్ లేన్ రోడ్డు పక్కన పార్కింగ్ చేయాలి.

హబ్సిగూడ నుండి ఉప్పల్ స్టేడియం: సర్వే ఆఫ్ ఇండియా వద్ద U-టర్న్ తీసుకుని EK మినార్ వద్ద పెంగ్విన్ పార్కింగ్, TG IALA పార్కింగ్‌లో వాహనాలు నిలిపివేయాలి.

రామంతాపూర్ నుండి ఉప్పల్ స్టేడియం: DSL మాల్ వద్ద U-టర్న్ తీసుకుని DSL ఓపెన్ ప్రదేశం, మోడర్న్ బేకరీ, LG గోదాం జంక్షన్ నుండి కెమ్‌వేదా జంక్షన్ వరకు పార్కింగ్ చేయాలి.

పై మార్గాలు, తేదీలు, సమయాలను గమనించి ప్రజలు తమ ప్రయాణాలను ముందుగానే ప్రణాళిక చేసుకొని మల్కాజ్గిరి ట్రాఫిక్ పోలీసులకు సహకరించవలసిందిగా అధికారులు విజ్ఞప్తి చేశారు.. అలాగే, ప్రజలు RTC బస్సులు, మెట్రో రైలు వంటి పబ్లిక్ ట్రాన్స్‌పోర్ట్ వినియోగించగలరని సూచిస్తూ.. డిప్యూటీ కమిషనర్ ఆఫ్ పోలీస్ ప్రకటన విడుదల చేశారు.

మరిన్ని తెలంగాణ వార్తల కోసం ఇక్కడ క్లిక్ చేయండి..