Hyderabad: మహిళను వివస్త్రను చేసిన ఘటన పై జాతీయ మహిళ కమిషన్ సీరియస్
రెండు రోజుల క్రితం మ‌ద్యం మ‌త్తులో ఓ యువ‌కుడు దుశ్శాసనడులా ప్రవర్తించాడు. ఓ యువతి పట్ల అసభ్యంగా ప్రవ‌ర్తించి, నడిరోడ్డుపై ఆమె దుస్తులను తీసేశాడు. బాలాజీ నగర్‌కు చెందిన యువతి సండే నైట్ షాపింగ్‌కి వెళ్లి రిటన్ వస్తోంది. అయితే అక్కడే కాపుకాసిన పెద్ద మారయ్య అనే కీచకుడు యువతిపై అత్యంత దారుణానికి ఒడిగట్టాడు. ఆమెను లైంగికంగా వేధించాడు. అందరూ చూస్తుండగానే.. అమానుషంగా కొట్టి ఒంటిపై ఉన్న బట్టలను చింపేసి వివస్త్రను చేశాడు.
Peddaprolu Jyothi | Edited By: Ram Naramaneni
Updated on: Aug 09, 2023 | 9:29 AM
ఈనెల 6న జవహర్ నగర్ పోలీస్ స్టేషన్ పరిధిలో నీ బాలాజీ నగర్ ప్రాంతంలో మహిళని వివస్త్రను చేసిన ఘటనపై జాతీయ మహిళా కమిషన్ స్పందించింది. ఘటనను తీవ్రంగా ఖండించింది. ఈ ఘటన హైదరాబాద్ నగరంలో శాంతి భద్రతలపై ఆందోళన కలిగిస్తుందిని తెలిపింది. ఘటనపై వెంటనే దర్యాప్తు చేసి బాధితురాలికి వైద్య సహాయం అందించాలని కోరింది. ఘటనపై వారం రోజుల్లోగా డిజిపి అంజనీ కుమార్ నుంచి నివేదిక వస్తుందని ఆశిస్తున్నట్లు కమిషన్ పేర్కొంది. కాగా ఈనెల 5 న రాత్రి 10గంటల ప్రాంతంలో షాపింగ్ నుంచి ఇంటికి వెళ్ళే సమయంలో బస్ స్టాప్ లో నిలుచున్న బాధితురాలి పట్ల మారయ్య అనే నిందితుడు ఆమె పట్ల అసభ్యంగా ప్రవర్తించాడు. ఆమెను వివస్త్రను చేసి వేధించాడు. పక్కనే ఉన్న మహిళ అడ్డుకునే ప్రయత్నం చేయగా ఆమెపై కూడా దాడికి పాల్పడ్డాడు. డయల్ 100కి ఫోన్ చేయడంతో అక్కడికి చేరుకున్న పోలీసులు అతడిని అదుపులోకి తీసుకున్నారు. కేసులో నిందితుడు మారయ్యను పోలీసులు ఇప్పటికే అరెస్ట్ చేసి రిమాండ్ కి తరలించారు. నిందితుడు చేసిన పనికి సహకరించిన తల్లి నాగమ్మను సైతం పోలీసులు అరెస్ట్ చేసి రిమాండ్ కు తరలించారు.. ఇలాంటి ఘటనలపై కఠిన చర్యలు తీసుకోవాలి అని మహిళలు ఆవేదన వ్యక్తంచేస్తున్నారు… మహిళల పట్ల జరిగే అన్యాయాలు రోజు రోజుకి పెరుగిపోతున్నాయి అని మహిళలకు భద్రతను కలిపించాలని కోరుతున్నారు.
అసలేం జరిగింది
రెండు రోజుల క్రితం మ‌ద్యం మ‌త్తులో ఓ యువ‌కుడు దుశ్శాసనడులా ప్రవర్తించాడు. ఓ యువతి పట్ల అసభ్యంగా ప్రవ‌ర్తించి, నడిరోడ్డుపై ఆమె దుస్తులను తీసేశాడు. బాలాజీ నగర్‌కు చెందిన యువతి సండే నైట్ షాపింగ్‌కి వెళ్లి రిటన్ వస్తోంది. అయితే అక్కడే కాపుకాసిన పెద్ద మారయ్య అనే కీచకుడు యువతిపై అత్యంత దారుణానికి ఒడిగట్టాడు. ఆమెను లైంగికంగా వేధించాడు. అందరూ చూస్తుండగానే.. అమానుషంగా కొట్టి ఒంటిపై ఉన్న బట్టలను చింపేసి వివస్త్రను చేశాడు. బాధిత యువతి ఎంత వేడుకున్నా..వినకుండా ఇష్టం వచ్చినట్లు కొట్టాడు. ఒంటిపై బట్టలు చించేసి..దాదాపు 15 నిమిషాలపాటు ఆమెను నగ్నంగా నడిరోడ్డుపై నిలబెట్టాడు..కాసేపటికి స్థానికులు ధైర్యం చేసి అతడి బారి నుంచి యువతిని రక్షించారు. పక్కనే ఉన్న ఫ్లెక్సీ కవర్లను ఆమెకు చుట్టి రక్షించారు.
స్థానికుల సమాచారం మేరకు పోలీసులు సంఘటనా స్థలానికి చేరుకున్న పోలీసులు నిందితుడు మారయ్య, తల్లి నాగమ్మను అరెస్ట్ చేసి రిమాండ్‌కు తరలించారు..మరోవైపు ఈ ఘటనపై జాతీయ మహిళా కమిషన్ ఆగ్రహం వ్యక్తం చేసింది. యువతిని వివస్త్రను చేసిన ఘటనపై సీరియస్ అయిన మహిళా కమిషన్..వారంలోగా ఘటనపై నివేదిక ఇవ్వాలని డీజీపికి ఆదేశాలు జారీ చేసింది.
మరిన్ని తెలంగాణ వార్తల కోసం ఇక్కడ క్లిక్ చేయండి..
