AP – Telangana Rains Highlights: తెలుగు రాష్ట్రాల్లో వర్ష బీభత్సం.. పొంగుతున్న వాగులు, వంకలు

వికారాబాద్‌ జిల్లా వ్యాప్తంగా కురుస్తున్న భారీ వర్షాలతో అనంతగిరి ఘాట్‌ రోడ్డులో చెట్లు విరిగిపడ్డాయి.. తాండూరు వైపు వెళ్లే వాహనదారులకు తీవ్ర అంతరాయం కలిగింది. అక్కడికి చేరుకున్న అధికారులు జేసీబీ సాయంతో చెట్టును తొలగించారు. రూట్‌ క్లియర్‌ చేశారు.. మరోవైపు, పరిగి-వికారాబాద్‌ మధ్య చిట్టెంపల్లి, నస్కల్‌ వాగులు రోడ్డును ముంచెత్తడంతో రాకపోకలు నిలిచిపోయాయి.. జిల్లా వ్యాప్తంగా స్కూళ్లకు సెలవులు ప్రకటించారు.

హైదరాబాద్‌ అల్లకల్లోలంగా మారింది. ఎక్కడ చూసినా, ఎటుచూసినా జల విలయమే. కాలనీలకు కాలనీలే నీటముగిగాయ్‌. డ్రైనేజీలు పొంగి పొర్లుతున్నాయ్‌. రోడ్లపై ఓ రేంజ్‌లో నీరు పారుతుంది. శ్రీనగర్‌ కాలనీలో వరదలో చిక్కుకుని ఆగిపోయిన బస్సును GHMC డీఆర్‌ఎఫ్‌ టీమ్‌ కష్టపడి బయటకు తోశారు.. ఇక ఆరాంఘర్‌లోనూ వరద ఉధృతిలో బస్సు ఆగిపోయింది.అటు ఫతేనగర్‌-బేగంపేట దగ్గర కూడా వరదకు రోడ్లు చెరువులు అయ్యాయి..అంబులెన్స్‌ మధ్యలోనే ఆగిపోయింది. ఎక్కడికక్కడ మ్యాన్‌హోల్స్‌ బ్లాక్ అవుతున్నాయి.. మలక్‌పేట, మాదాపూర్‌, కష్ణానగర్‌ ఇలా ఎక్కడ చూసినా ఇదే పరిస్థితి,. DRF టీమ్‌లు ఎప్పటికప్పుడు బ్లాకేజ్‌లు క్లియర్‌ చేసేందుకు ప్రయత్నిస్తున్నారు.హైదరాబాద్‌ ప్రజలకు హైఅలర్ట్‌ ప్రకటించింది వాతావరణశాఖ.

నగరంలో ఎడతెరిపి లేకుండా వర్షం కురుస్తోంది. రేపటి వరకు భారీ వర్షాలు ఉన్నట్లు వాతావరణ విభాగం హెచ్చరిక నేపథ్యంలో నగరవాసులు అప్రమత్తంగా ఉండాలని కోరారు మేయర్. హిమాయత్ సాగర్, ఉస్మాన్ సాగర్ జంట జలయాలు గేట్లు ఎత్తిన నేపథ్యంలో మూసీ నది లోతట్టు ప్రాంతాల ప్రజలను అప్రమత్తం చేయాలని జోనల్ కమిషనర్‌లకు ఆదేశించారు. హెల్ప్ లైన్‌కు వచ్చిన ఫిర్యాదులపై వెంటనే స్పందించాలని సూచించారు.

ఆ ప్రాంతం, ఈ ప్రాంతం అనిలేదు!, ఏ ఏరియా చూసినా జలదిగ్బంధమే!. వర్ష బీభత్సానికి అనేక చోట్ల వాహనాలు సైతం కొట్టుకుపోయాయ్‌!. ప్రధాన రహదారులపై మోకాల్లోతు నీరు చేరడంతో వాహనదారులు విలవిల్లాడుతున్నారు. బైక్లు, కార్లు ఆగిపోవడంతో తిప్పులు పడుతున్నారు హైదరాబాదీలు.

హైదరాబాద్‌ అల్లకల్లోలంగా మారింది!. ఎక్కడ చూసినా, ఎటుచూసినా జల విలయమే!. తెల్లవారుజాము నుంచి కురుస్తోన్న వర్షంతో నగరం మొత్తం అతలాకుతలమైంది. జనజీవనం స్తంభించిపోయింది. కాలనీలకు కాలనీలే నీటముగిగాయ్‌!. డ్రైనేజీలు పొంగి పొర్లుతున్నాయ్‌!. రోడ్లన్నీ కాలువల్లా మారాయ్‌!. మోకాల్లోతు నీరు చేరడంతో హైదరాబాద్‌ ప్రజలు విలవిల్లాడుతున్నారు.

తెలంగాణ వ్యాప్తంగా వర్షాలు కురుస్తున్నాయి. కామారెడ్డి, నిజామాబాద్‌, వరంగల్‌, మెదక్‌, ఆదిలాబాద్‌, నిర్మల్‌, కరీంనగర్‌ జిల్లాల్లో వర్షం పడుతోంది.ఏకధాటిగా పడుతుండడంతో రోడ్లన్నీ జలమయమయ్యాయి. దీంతో వాహనదారులు తీవ్ర ఇబ్బందులు పడ్డారు. అదేవిధంగా భారీవర్షంతో చెట్లు విరిగి పడడంతో గంటపాటు విద్యుత్‌ అంతరాయం ఏర్పడడంతో పట్టణ ప్రజలు ఇబ్బందులు పడ్డారు..జిల్లాలో భారీ వర్షం కురిసి రోడ్లన్నీ జలమయం కావడంతో పాటు ఎక్కడ చూసినా నీరు నుంచి జనజీవనం స్తంభించింది.

భారీ వర్షంతో హైదరాబాద్‌ అల్లాడింది. వాన హోరుతో విలవిల్లాడింది. కుండపోతతో నగరం నిలువెల్లా వణికింది. మార్నింగ్ 4 గంటల 15 నిమిషాలకు మొదలైన వాన ఆగకుండా పడుతూనే ఉంది.భారీ వానతో నగరంలోని రోడ్లన్నీ జలమయం అయ్యాయి. ప్రధాన రహదారులు చెరువుల్ని తలపిస్తున్నాయి. మార్నింగ్‌ షిఫ్ట్‌ ఆఫీసులకు వెళ్లే ఉద్యోగులు, కార్యాలయం నుంచి తిరిగి వచ్చే వారు ముప్పుతిప్పలు పడ్డారు.

అల్పపీడనంతో తెలుగు రాష్ట్రాల్లో విస్తారంగా వర్షాలు కురుస్తున్నాయి. కొన్ని చోట్ల రాత్రి ప్రారంభమైన వర్షం ఇప్పటికీ తగ్గలేదు. పడుతూనే ఉంది. పలు జిల్లాల్లో కుండపోతగా వర్షాలు కురిశాయి. తెలంగాణలోనే అత్యధికంగా నిజామాబాద్‌ జిల్లా మోపాల్‌ మండలం మంచిప్పలో 15.7 సెం.మీ. వర్షం కురిసింది. రాజన్న సిరిసిల్ల జిల్లా ఇల్లంతకుంట మండలంలో 15 సెంటీమీటర్ల వర్షం నమోదైంది.

హైదరాబాద్‌ను  కుండపోత వర్షం ముంచెత్తింది. హిమాయత్‌సాగర్‌, ఉస్మాన్‌సాగర్‌ 2 గేట్లు ఎత్తివేశారు.  మూసీ పరివాహక ప్రాంతాలకు అలెర్ట్ ప్రకటించారు అధికారులు.  వరద తీవ్రతపై  బల్దియా అప్రమత్తమైంది. వరద పెరిగితే బస్తీ వాసులను ఖాళీ చేయించే యోచన చేస్తుంది.