Metro Trains: ప్రయాణికులకు బిగ్‌ అలర్ట్‌.. మెట్రో సేవలు పొడిగింపు.. 24 గంటల పాటు ప్రత్యేక బస్సులు..!

Metro Trains: భాగ్యనగరంలో వినాయక నిమజ్జన మహోత్సవానికి సర్వం సిద్ధమైంది. భక్తుల రద్దీ, సౌకర్యాలను దృష్టిలో ఉంచుకుని నగరంలో రవాణా, భద్రతా వ్యవస్థలను అధికారులు భారీగా పెంచారు. నిమజ్జనానికి వచ్చే భక్తులకు ఎలాంటి అసౌకర్యం కలగకుండా ప్రభుత్వం, పోలీసు శాఖ, రవాణా సంస్థలు సమన్వయంతో ఏర్పాట్లు పూర్తి చేశాయి.

ఇది కూడా చదవండి: SBI కస్టమర్లకు షాక్.. అక్టోబర్ 1 నుంచి కొత్త విత్‌డ్రా రూల్స్!

మెట్రో, ఆర్టీసీ ప్రత్యేక సేవలు:

1. మెట్రో రైళ్లు: నిమజ్జనం సందర్భంగా ప్రయాణికుల సౌకర్యార్థం మెట్రో వేళలను పొడిగించారు. నేడు అర్ధరాత్రి 1:00 గంట వరకు మెట్రో రైలు సేవలు అందుబాటులో ఉంటాయని అధికారులు ప్రకటించారు.
2. TGSRTC ప్రత్యేక బస్సులు: తెలంగాణ ఆర్టీసీ 24 గంటల పాటు నిరంతరాయంగా 700 ప్రత్యేక బస్సులను నడుపుతోంది. హుస్సేన్‌సాగర్ పరిసర ప్రాంతాల నుంచి వివిధ రూట్లకు ఈ బస్సులు అందుబాటులో ఉంటాయి.
3. ఆర్టీసీ క్షేత్రస్థాయి ఏర్పాట్లు: 44 కీలక ప్రాంతాల్లో ఆర్టీసీ కంట్రోలర్లను నియమించారు. అత్యవసర మరమ్మతుల కోసం 87 మంది మెకానిక్‌లతో పాటు 113 మంది డ్రైవర్లను, 3 ప్రాంతాల్లో ప్రత్యేక రిలీఫ్ వాహనాలను సిద్ధం చేశారు.
4. ట్రాఫిక్ మార్పులు: ఇతర రాష్ట్రాల (APSRTC, KSRTC) బస్సుల రూట్లలో మార్పులు చేశారు.ప్రజలు, భక్తులు ఈ రవాణా సౌకర్యాలను వినియోగించుకుంటూ, నిమజ్జన వేడుకలను ప్రశాంతంగా జరుపుకోవాలని అధికారులు విజ్ఞప్తి చేశారు.

ఇది కూడా చదవండి: Ganesh Nimajjanam: నిఘా నీడలో ట్యాంక్‌బండ్‌.. చుట్టూ 100 హైరైజ్‌ కెమెరాలు

మరిన్ని తెలంగాణ వార్తల కోసం ఇక్కడ క్లిక్ చేయండి