GHMC: మూడు కార్పొరేషన్లుగా జీహెచ్‌ఎంసీ.. సింగపూర్ కంటే ట్రిపుల్ సైజు.. పాపులేషన్‌లోనూ బిగ్గెస్ట్!

గ్రేటర్ హైదరాబాద్ కాదిక.. గ్రేటెస్ట్ హైదరాబాద్. ఇదో బృహత్ హైదరాబాద్. దేశంలోనే అతిపెద్ద నగరం.. హైదరాబాద్. ఔటర్ రింగ్ రోడ్ లోపల, దానికి ఆనుకుని ఉన్న 27 మున్సిపాలిటీలు, కార్పొరేషన్లను జీహెచ్ఎంసీలో విలీనం చేస్తూ తెలంగాణ క్యాబినెట్ కొన్ని వారాల క్రితం నిర్ణయం తీసుకుంది. ఈ డెసిషన్ వల్లే.. దేశంలో అతిపెద్ద నగరంగా ఆవిర్భవించింది. జనాభా ఎంతో తెలుసా. కోటి 45 లక్షలు ఉండొచ్చని రఫ్ ఎస్టిమేషన్. ఇప్పుడు ఔటర్ రింగ్ రోడ్ లోపల ఉన్నదంతా గ్రేటర్ హైదరాబాదే కదా. ఆ లెక్కన జనాభా ఒక కోటి 70 లక్షలు. బట్.. అధికారికంగా జనాభా లెక్కలు తీస్తే.. ఆల్‌మోస్ట్ 2 కోట్లు దాటుతుంది. 2 కోట్ల మంది జనాభా ఉంటే సిటీ అనరు. ‘దేశం’ కింద లెక్కిస్తారు. బెల్జియం, చిలీ, కజకిస్తాన్, జాంబియా, బొలీవియా, రొమేనియా.. ఈ దేశాల జనాభా కంటే హైదరాబాద్‌లోనే ఎక్కువ మంది ఉంటారు జనగణన చేశాక. హర్యానా జనాభా 2 కోట్ల 90 లక్షలు. పంజాబ్‌లో ఉండేది 3 కోట్లు. కేరళ రాష్ట్రం మొత్తం కలిపితే మూడున్నర కోట్లు. అంత పెద్ద ఢిల్లీలో ఉన్నది 2 కోట్ల 10 లక్షల మంది. హైదరాబాద్‌లో 2 కోట్ల జనాభా. సో, మన హైదరాబాద్ ఎంత పెద్దదో చెప్పడానికి ఇంతకంటే ఎగ్జాంపుల్స్ అక్కర్లేదు. 1869లో ఏర్పాటైంది హైదరాబాద్ మున్సిపాలిటీ. అప్పుడున్న జనాభా జస్ట్ మూడున్నర లక్షలు. విస్తీర్ణం.. జస్ట్ 55 కిలోమీటర్లు. 1933...