Beggars: భిక్షగాళ్ల మధ్య పంపకాలలో తేడాలు రావడంతో.. ఊహించని పరిణామం

భిక్షగాళ్ల మధ్య పంపకాలలో తేడాలు రావడంతో పోగొట్టుకున్న నాలుగుతులాల బంగారు పుస్తెలతాడు సురక్షితంగా పోలీసుల చెంతకు చేరింది. ఈ ఘటన భాగ్యనగరం..

Beggars:  భిక్షగాళ్ల మధ్య పంపకాలలో తేడాలు రావడంతో.. ఊహించని పరిణామం
Gold Recovery From Beggers

Beggars – Charminar – Hyderabad: భిక్షగాళ్ల మధ్య పంపకాలలో తేడాలు రావడంతో పోగొట్టుకున్న నాలుగుతులాల బంగారు పుస్తెలతాడు సురక్షితంగా పోలీసుల చెంతకు చేరింది. ఈ ఘటన భాగ్యనగరం చార్మినార్ సాక్షిగా సంచలనం రేపింది. వివరాలలోకి వెళితే.. హైదరాబాద్ ఉప్పుగూడ తానాజీ నగర్‌కు చెందిన ప్రయివేట్ టీచర్ స్వాతి జూలై 25వ తేదీన తన యాక్టివా వాహనంపై పాతబస్తీలోని పలు అమ్మవారి ఆలయాలతో పాటు చార్మినార్​భాగ్యలక్ష్మి దేవాలయాన్ని సందర్శించారు. తిరిగి ఇంటికి వస్తున్న తరుణంలో మెడలో ఉన్న నాలుగుతులాల పుస్తల తాడు కనిపించకపోవడంతో ఆందోళనకు గురైన స్వాతి వెంటనే స్థానిక ఛత్రినాక పోలీసులకు ఫిర్యాదు చేశారు.

ఈ ఉదంతంపై కేసును నమోదు చేసిన పోలీసులు స్థానికంగా ఉన్న ఆలయాల దగ్గరున్న సిసి కెమెరాలు పరిశీలించగా ఆమె చైన్​మెడలో ఉన్నట్లు గుర్తించారు. చివరగా చేరుకున్న చార్మినార్​భాగ్యలక్ష్మి దేవాలయం దగ్గర మిస్ అయిండొచ్చని పోలీసులు అనుమానాలు వ్యక్తం చేశారు. ఇది ఉలా ఉండగా చార్మినార్ భాగ్యలక్ష్మి దేవాలయం వద్ద పలువురు భిక్షాటన చేస్తుంటారు. అందులో ఒకరికి నాలుగు తులాల పుస్తలతాడు దొరకడాన్ని మిగతా భిక్షగాళ్లు చూశారు. అయితే ష్​… గప్​ చుప్​ ఏదయినా ఉంటే మనం అందరం కలిసి పంచుకుందామని భిక్షగాళ్ల మధ్య ఒప్పందం కుదిరింది.

అయితే, వాళ్ల మధ్య పంపకాలలో విబేధాలు తలెత్తడంతో చైన్​ పంపకం పెండిగ్​ పడుతూ వచ్చింది. చివరికి వాళ్ల మధ్య గొడవలు తలెత్తడంతో ఒక భిక్షగాడు నాకు దొరకకున్నా సరే .. ఎవ్వరికి దక్కొద్దు అని చార్మినార్​ పోలీసులకు సమాచారం ఇవ్వగా అసలు విషయం వెలుగు లోకి వచ్చింది. వెంటనే భిక్షగాళ్లను అదుపులోకి తీసుకున్న పోలీసులు వారి వద్ద నుంచి నాలుగు తులాల పుస్తల తాడును స్వాధీనం చేసుకుని సదరు వస్తువు పోగొట్టుకున్న స్వాతి దంపతులకు అందజేశారు.

Read also : TIDCO Houses: 300 SFT కలిగిన టిడ్కో ఇళ్లను రూపాయికే లబ్ధిదారులకు అందించనున్నాం : బొత్స

Click on your DTH Provider to Add TV9 Telugu