AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Hyderabad: ఇదేం వ్యాపారం రా బాబు.. రియలెస్టేట్‌లో కొత్త విధానం.. వారికి మాత్రమే ప్రత్యేక ప్లాట్‌లు

సాధారణంగా అద్దె ఇళ్ల కోసం వెతికేటప్పుడు ‘ఓన్లీ ఫర్ వెజిటేరియన్స్‌’ అనే బోర్డులు కనిపిస్తుంటాయి. కానీ ఇప్పుడు ట్రెండ్ మారింది.. ఈ వెజిటేరియన్ కల్చర్ అద్దె ఇళ్లకే పరిమితం కాకుండా రియల్ ఎస్టేట్ రంగంలోని ప్లాట్ల విక్రయాలకూ విస్తరిస్తోంది. అవును.. హైదరాబాద్‌లో శాఖాహారులకు మాత్రమే ప్రాధాన్యం ఇచ్చేలా కొన్ని రియల్ ఎస్టేట్ ప్రాజెక్టులు తెరపైకి వస్తున్నాయి. అసలు ప్లాట్ల అమ్మకాల్లోకి ఈ కొత్త ట్రెండ్ ఎలా వచ్చింది? దీని వెనుక ఉన్న కారణాలేంటి? కొనుగోలుదారులపై దీని ప్రభావం ఎలా ఉండబోతోంది? పూర్తి వివరాలు తెలుసుకుందాం.

Hyderabad: ఇదేం వ్యాపారం రా బాబు.. రియలెస్టేట్‌లో కొత్త విధానం.. వారికి మాత్రమే ప్రత్యేక ప్లాట్‌లు
Hyderabad Real Estate
Prabhakar M
| Edited By: |

Updated on: Oct 28, 2026 | 2:24 PM

Share

హైదరాబాద్ రియల్ ఎస్టేట్ మార్కెట్‌లో కొత్త ధోరణి చర్చకు దారితీస్తోంది. గతంలో అద్దె ఇళ్ల విషయంలో ఎక్కువగా కనిపించిన ‘శాకాహారులకు మాత్రమే’ అనే నిబంధన.. ఇప్పుడు ఫ్లాట్ల విక్రయాలకూ విస్తరిస్తున్నట్లు సమాచారం. కొన్ని నివాస సముదాయాల్లో శాకాహారులకే ఇళ్లు విక్రయిస్తామనే షరతులు తెరపైకి రావడం ఆసక్తికరంగా మారింది.

పశ్చిమ హైదరాబాద్‌లో కొత్త ట్రెండ్‌?

కోకాపేట, నార్సింగి, నల్లగండ్ల, పుప్పాలగూడ, గచ్చిబౌలి, కొండాపూర్‌, హైటెక్ సిటీ, ఫైనాన్షియల్ డిస్ట్రిక్ట్‌ వంటి ప్రాంతాల్లో ఈ తరహా ధోరణి కనిపిస్తున్నట్లు నివేదికలు పేర్కొంటున్నాయి. కొన్ని చోట్ల బహిరంగ ప్రకటనల ద్వారా కొనుగోలుదారుల ఆహార అలవాట్లకు ప్రాధాన్యం ఇస్తుండగా.. మరికొన్ని చోట్ల బ్రోకర్ల ద్వారా ముందుగానే వివరాలు తెలుసుకుంటున్నట్లు సమాచారం.

నాన్‌వెజ్ వంటకాలే కారణమా?

నాన్‌వెజ్ వంటకాల వాసనలు, వ్యర్థాల నిర్వహణ వంటి అంశాలను కొన్ని హౌసింగ్ కమ్యూనిటీల్లో ఈ నిబంధనలకు కారణాలుగా చూపుతున్నట్లు తెలుస్తోంది. అయితే, వ్యక్తుల ఆహారపు అలవాట్ల ఆధారంగా ఫ్లాట్లు విక్రయించడంపై ప్రశ్నలు తలెత్తుతున్నాయి. వ్యక్తిగత అభిరుచులకు, ఇతరుల జీవనశైలికి మధ్య సమతుల్యత ఎలా ఉండాలనే చర్చ మొదలైంది.

అపార్ట్‌మెంట్ నిబంధనలపై చర్చ

కొన్ని నివాస సముదాయాల్లో యజమానుల సంఘాలు ఏర్పడిన తర్వాత శాకాహారానికి సంబంధించిన షరతులు విధిస్తున్నట్లు నివేదికలు వెల్లడిస్తున్నాయి. వ్యక్తిగత ఫ్లాట్లలో ఆహారం వండుకునే స్వేచ్ఛకు, ఉమ్మడి ప్రదేశాల్లో పాటించాల్సిన నిబంధనలకు మధ్య ఉన్న తేడాపైనా చర్చ సాగుతోంది.

సామాజిక వైవిధ్యంపై ప్రభావం ఉంటుందా?

వివిధ రాష్ట్రాలు, భాషలు, సంస్కృతులకు చెందిన ప్రజలు హైదరాబాద్‌లో కలిసి నివసిస్తున్నారు. ఇలాంటి పరిస్థితుల్లో ఆహార అలవాట్ల ఆధారంగా నివాస సముదాయాలను వేరు చేయడం సామాజిక వైవిధ్యంపై ప్రభావం చూపవచ్చనే అభిప్రాయాలు వ్యక్తమవుతున్నాయి. బాచుపల్లికి చెందిన ఓ ప్రముఖ రియల్ ఎస్టేట్ డెవలపర్ కూడా ఈ అంశంపై అభిప్రాయం వ్యక్తం చేసినట్లు నివేదిక పేర్కొంది.

ఇతర నగరాల్లోనూ ఇదే ధోరణి?

ముంబై, అహ్మదాబాద్‌, పుణె వంటి నగరాల్లోనూ ఇలాంటి ధోరణులు ఉన్నట్లు నివేదిక ప్రస్తావించింది. హైదరాబాద్‌లో ఈ విధానం మరింత విస్తరిస్తే.. ఫ్లాట్ల కొనుగోలులో ఎంపిక స్వేచ్ఛ, నివాసితుల హక్కులు, అపార్ట్‌మెంట్ సంఘాల నిబంధనలపై చర్చ మరింత పెరిగే అవకాశం ఉంది.

కొనుగోలులో ఆహార అలవాట్లకూ ప్రాధాన్యమా?

సొంతింటి కొనుగోలు అనేది ఆర్థిక నిర్ణయమే కాకుండా వ్యక్తిగత జీవనశైలితోనూ ముడిపడి ఉంటుంది. అలాంటి సందర్భంలో ఆహార అలవాట్లు కూడా ఫ్లాట్ల విక్రయాలకు ప్రమాణంగా మారుతున్నాయా? వ్యక్తిగత అభిరుచులకు ప్రాధాన్యమివ్వాలా? లేక భిన్నత్వాన్ని గౌరవించే సహజీవనానికి పెద్దపీట వేయాలా? హైదరాబాద్ రియల్ ఎస్టేట్‌లో తెరపైకి వచ్చిన ఈ ధోరణి ఇప్పుడు చర్చనీయాంశంగా మారింది.

మరిన్ని తెలంగాణ వార్తల కోసం ఇక్కడ క్లిక్ చేయండి.

Follow Us