ఎడారిలా మారిన చారిత్రత్మక చెరువు.. ఎన్ని రకాల చేపలు దొరికాయో తెలుసా..?

వరంగల్ – హనుమకొండ జంట నగరాల మధ్య అతి పెద్ద జలాశయం భద్రకాళి చెరువు ఖాళీ అయింది.. నిత్యం నిండుకుండలా తునికిసలాడే చెరువు నీరంతా దిగువకు వదిలేయడంతో ఎడారిలా మారింది. ఆ చెరువులో లభ్యమైన రకరకాల చేపలతో మత్స్యకారులు, చేపల ప్రియులు పండుగ చేసుకుంటున్నారు. చెరువు ఖాళీ అయింది.. మరి నెక్స్ట్ ఏంటి..? ఏం చేయబోతున్నారు..? తెలుసుకోవాలంటే ఈ స్టోరీ చదవాల్సిందే..!

వరంగల్ నగర ప్రజల దాహార్తిని తీర్చిన భద్రకాళి చెరువు ప్రస్తుతం సమ్మర్ వాటర్ స్టోరేజీ జలాశయంగా ఉపయోగపడుతుంది.. ఈ చెరువు క్రమక్రమంగా కబ్జాకు గురైపోవడంతో ప్రస్తుతం 382 ఎకరాల విస్తీర్ణంలోని మిగిలింది. మిగిలిన ఉన్న చెరువును పరిరక్షించేందుకు ప్రభుత్వం రంగంలోకి దిగింది. స్థానిక ఎమ్మెల్యే నాయిని రాజేందర్ రెడ్డి చొరవతో చెరువు ప్రక్షాళనకు వేగంగా అడుగులు పడ్డాయి. చెరువులో పూడిక తీసి, శుద్ధి చేయాలని, బౌండరీస్ ఫిక్స్ చేయాలని భావించారు. కొత్త అందాలతో అందులో బోటింగ్ ఏర్పాటు చేయాలని ప్రణాళికలు రూపొందించారు. ఇందులో భాగంగా నవంబర్‌ 9వ తేది నుండి చెరువు నీటిని దిగువకు వదిలేస్తున్నారు.

దాదాపు 8 రోజులు వ్యవధిలోనే చెరువు నీరంతా ఖాళీ అయింది. కాపువాడ ప్రాంతంలోని మత్తడికి గండి కొట్టిన అధికారులు ఆ నీటిని నాగారం చెరువులోకి మళ్లించారు. భద్రకాళి చెరువులోని 150 mcft ల నీరంతా దిగువకు వదిలేశారు. చెరువు నీరంతా దిగువకు వదిలేయడంతో ఈ భారీ చెరువు ఎడారిని తలపిస్తుంది. చెరువు నీరంతా ఖాళీ అవడంతో మత్స్యకారులు, చేపల ప్రియులు పండుగ చేసుకుంటున్నారు. రకరకాల చేపలు జాలర్లకు చిక్కడంతో వాటిని వివిధ ప్రాంతాలకు ఎగుమతి చేస్తున్నారు.

వీడియో చూడండి..

మరిన్ని తెలంగాణ వార్తల కోసం ఇక్కడ క్లిక్ చేయండి..