Watch Video: వామ్మో ఏంటిది.. రోడ్డా, చెరువా.. నగరాన్ని ముంచెత్తిన వర్షం..
హైదరాబాద్ మహానగరం అని చెప్పుకోవడానికే గొప్పగా ఉంటుంది కానీ ఇక్కడ అనేక ఇబ్బందులు ఎదుర్కొంటున్నామంటున్నారు స్థానికులు. ఒక్కసారి ఈ వీడియోలు చూస్తే.. అది రోడ్డా.. లేక చెరువా అనేలా మారిపోయింది. ప్రజలు నిత్యం రాకపోకలు సాగించే ప్రధాన రోడ్లు, గల్లీలు ఇలా చాలా చోట్ల ఇదే పరిస్థితి నెలకొంది. బోరబండ రోడ్లపై డ్రైనేజ్ వాటర్ ఉప్పొంగుతోంది.
Updated on: Jun 03, 2024 | 9:28 PM
హైదరాబాద్ మహానగరం అని చెప్పుకోవడానికే గొప్పగా ఉంటుంది కానీ ఇక్కడ అనేక ఇబ్బందులు ఎదుర్కొంటున్నామంటున్నారు స్థానికులు. ఒక్కసారి ఈ వీడియోలు చూస్తే.. అది రోడ్డా.. లేక చెరువా అనేలా మారిపోయింది. ప్రజలు నిత్యం రాకపోకలు సాగించే ప్రధాన రోడ్లు, గల్లీలు ఇలా చాలా చోట్ల ఇదే పరిస్థితి నెలకొంది. బోరబండ రోడ్లపై డ్రైనేజ్ వాటర్ ఉప్పొంగుతోంది. వర్షాకాలం వస్తే ప్రతి ఏడాది పరిస్థితి అంటున్నారు అక్కడి వాసులు. సరైన రోడ్లు లేక చిన్నపాటి వర్షానికే రోడ్లన్నీ జలమయం అవుతున్నాయంటున్నారు స్థానికులు. అధికారులకు ఎన్నిసార్లు వెళ్లి మొరపెట్టుకున్నా పట్టించుకోవడం లేదని వాపోతున్నారు.
డ్రైనేజీ వ్యవస్థ కూడా అంతంత మాత్రమే అంటున్నారు. దీంతో మురుగు నీరు రోడ్ల మీద నిలిచి అటుగా వెళ్తున్న వాహనదారులకు, పాదచారులకు తీవ్ర ఇబ్బందులు కలిగిస్తోంది. చాలా ఈ ఒక్క ప్రాంతంలోనే కాకుండా చాలా చోట్ల మ్యాన్ హోల్స్ తెరిచి ఉండటంతో నగరవాసులు బిక్కుబిక్కుమని జీవనం సాగిస్తున్నారు. ప్రతి ఏడాది సమస్యలు ఏర్పడుతూనే ఉన్నా స్పందించే నాథుడే లేడని ఈ ప్రాంత ప్రజలు ఆవేదన వ్యక్తం చేస్తున్నారు.మా సమస్యలపై ఇకనైనా ప్రత్యేక దృష్టి పెట్టండి మహాప్రభూ అంటూ ఇలా వీడియోలు తీసి మరీ సోషల్ మీడియాలో పెడుతున్నారు.
మరిన్ని తెలంగాణ వార్తల కోసం ఇక్కడ క్లిక్ చేయండి..
