Bandi Sanjay: మరో ఆరు నెలల్లో ఎప్పుడైనా ఎన్నికలు.. బండి సంజయ్ షాకింగ్ కామెంట్స్..
తెలంగాణ రాజకీయాలు రోజ రోజుకు రసవత్తరంగా మారుతున్నాయి. తాజాగా బీజేపీ రాష్ట్ర అధ్యక్షుడు బండి సంజయ్ చేసిన కామెంట్స్ ఇప్పుడు రాష్ట్ర రాజకీయాల్లో చర్చనీయాంశంగా మారింది. మరో 6....
తెలంగాణ రాజకీయాలు రోజ రోజుకు రసవత్తరంగా మారుతున్నాయి. తాజాగా బీజేపీ రాష్ట్ర అధ్యక్షుడు బండి సంజయ్ చేసిన కామెంట్స్ ఇప్పుడు రాష్ట్ర రాజకీయాల్లో చర్చనీయాంశంగా మారింది. మరో 6 నెలల్లో ఎప్పుడైనా ఎన్నికలు వచ్చే అవకాశం ఉందన్న ఆయన కామెంట్లు హాట్ టాపిక్ గా మారాయి. పోలింగ్ బూత్‌ కమిటీ సమ్మేళనంతో బీజేపీ బలమెంతో అర్థమైందని చెప్పారు. రాష్ట్రంలోని 119 నియోజకవర్గాల పోలింగ్ బూత్‌ కమిటీ సభ్యుల సమ్మేళనంలో బండి సంజయ్ ఈ వ్యాఖ్యలు చేశారు. అంతే కాకుండా ‘సరల్‌ యాప్’ను బండి సంజయ్ ప్రారంభించారు. ఈ యాప్ లో కేంద్ర ప్రభుత్వ సంక్షేమ పథకాలు, పార్టీ కార్యక్రమాలు, తెలంగాణకు కేంద్రం ఇచ్చిన నిధుల వివరాలు యాడ్ చేశారు.
మరో 6 నెలల్లో ఎప్పుడైనా ఎన్నికలు వచ్చే అవకాశం ఉంది. పోలింగ్ బూత్‌ కమిటీల ద్వారానే రాష్ట్రంలో బీజేపీ అధికారంలోకి వస్తుంది. పార్టీకి పోలింగ్ బూత్‌ స్థాయి కమిటీలే మూలం. కేంద్రం ఇచ్చిన నిధులను కేసీఆర్ సర్కారు దారి మళ్లిస్తోంది. బీఆర్ఎస్ సర్కారు.. సంక్షేమ పథకాలకు ఎన్ని నిధులు కేటాయించిందో స్పష్టం చేయాలి. రాజకీయాల గురించి కాదు.. అభివృద్ధి గురించి మాట్లాడండి.
– బండి సంజయ్, తెలంగాణ బీజేపీ అధ్యక్షుడు
మరోవైపు.. బండి సంజయ్‌పై పోలీస్ కేసు నమోదు అయింది. కామారెడ్డి కలెక్టరేట్ వద్ద ఉద్రిక్త ఘటనలకు కారణమైనందుకు బండి సంజయ్‌తో పాటు మరో నలుగురిపై నాన్ బెయిలబుల్ కేసులు నమోదు చేశారు. శుక్రవారం సాయంత్రం కామారెడ్డి కలెక్టరేట్‌ను బండి సంజయ్‌తో పాటు బీజేపీ నేతలు ముట్టిడించారు. ఈ సందర్భంగా ఉద్రిక్త పరిస్థితులు ఏర్పడ్డాయి. బండి సంజయ్ అరెస్ట్‌ను అడ్డుకున్న బీజేపీ కార్యకర్తలు.. పోలీస్ వాహనం ముందుకెళ్లకుండా అడ్డుతకున్నారు. ఇది ఉద్రిక్త పరిస్థితులకు కారణమైంది.
మరిన్ని తెలంగాణ వార్తల కోసం క్లిక్ చేయండి..
