Telangana: ఆటో కింద పడి పిల్ల కోతి మృతి.. వందలాదిగా వచ్చిన కోతులు ఏం చేశాయో తెలుసా.?
వివరాల్లోకి వెళితే.. ఇటీవల వరంగల్‌, కరీమాబాద్‌లోని సరస్వతి స్కూల్ ప్రాంతంలో ఆటో ఢీకొని ఓ కోతి పిల్ల మరణించింది. దీంతో అక్కడే ఉన్న తల్లి కోతి బిడ్డను రోడ్డుపై నుంచి పక్కకు లాక్కేళ్లేందుకు ప్రయత్నించింది. అయితే అదే సమయంలో ఎక్కడి నుంచి వచ్చాయో తెలియదు కానీ కోతుల గుంపు ఒక్కసారిగా దూసుకొచ్చింది. వందలాది కోతులు గుంపులు గుంపులుగా ఆ ప్రాంతాకి వచ్చాయి. అటుగా వెళ్తున్న వారిపై దండయాత్ర చేశాయి. తమ జాతికి చెందిన జీవి ప్రాణాలు తీశారన్న పగో, మరెంటో కానీ..
Updated on: Aug 12, 2023 | 8:23 AM
నవ్వు, ఏడుపు, కోపం, పగా ఇవన్నీ కేవలం మనుషులకే పరిమితం అనుకుంటాం. అయితే ఈ భావోద్వేగాలకు జంతువులు కూడా మినహాయింపు కాదు. కొన్ని సంఘటనలు చూస్తుంటే ఇది నిజమే అనిపిస్తుంది. తాజాగా వరంగల్‌లో జరిగిన ఓ ఘటన చూస్తే జంతువులు కూడా పగా తీర్చుకుంటాయా.? అన్న ప్రశ్న తలెత్తక మానదు. ఈ విషయం తెలుసుకున్న తర్వాత కోతులు పగబడతాయా.? అంటే అవుననే అనుకుంటారు.
వివరాల్లోకి వెళితే.. ఇటీవల వరంగల్‌, కరీమాబాద్‌లోని సరస్వతి స్కూల్ ప్రాంతంలో ఆటో ఢీకొని ఓ కోతి పిల్ల మరణించింది. దీంతో అక్కడే ఉన్న తల్లి కోతి బిడ్డను రోడ్డుపై నుంచి పక్కకు లాక్కేళ్లేందుకు ప్రయత్నించింది. అయితే అదే సమయంలో ఎక్కడి నుంచి వచ్చాయో తెలియదు కానీ కోతుల గుంపు ఒక్కసారిగా దూసుకొచ్చింది. వందలాది కోతులు గుంపులు గుంపులుగా ఆ ప్రాంతాకి వచ్చాయి. అటుగా వెళ్తున్న వారిపై దండయాత్ర చేశాయి. తమ జాతికి చెందిన జీవి ప్రాణాలు తీశారన్న పగో, మరెంటో కానీ ప్రజలపైకి ఎగబడ్డాయి.
ఈ క్రమంలో కొందరు వాహనదారులకు గాయాలు కూడా అయ్యాయి. కోతుల బీభత్సం చూసి అటుగా వెళ్తున్న ప్రజలు, వాహనాలను రోడ్డుపైనే వదిలేసి పరుగులు పెట్టారు. అనంతరం చనిపోయిన ఆ పిల్ల కోతిని అక్కడి నుంచి తీసుకెళ్లాయి. సుమారు గంటసేపు కోతులు బీభత్సాన్ని సృష్టించాయి. ఎవరైనా మనిషి చనిపోతే ఫోన్లలో సమాచారం ఇస్తేనే సకాలంలో బంధుమిత్రులు చేరుకోరు.. అలాంటిది ఏ సమాచారం లేకపోయినా ఈ మూగ జీవులకు ఎలా తెలిసింది..? ఇన్ని వందలాది కోతులు అంత తక్కువ సమయంలో ఎలా చేరుకున్నాయి.? అని స్థానికులు చర్చించుకున్నారు.
పిల్ల కోతిని లాక్కెళ్లడానికి తల్లి కోతి ప్రయత్నిస్తున్న వీడియో..
ప్రతీకారం తీర్చుకోవడం కోసమే ఆ కోతలు దాడి చేశాయా అని చర్చించుకున్నారు. గంటసేపు ప్రజలపై దాడి చేసిన కోతులు అనంతరం చనిపోయిన పిల్ల కోతిని తీసుకెళ్లిపోయాయి. దీంతో స్థానికులు ఊపిరి పీల్చుకున్నారు. ఇక ఈ సంఘటనను స్థానికులు తమ స్మార్ట్ ఫోన్స్ లో రికార్డ్ చేశారు. దీంతో ఈ వీడియో ప్రస్తుతం నెట్టింట తెగ వైరల్ అవుతోంది. వీడియోను వాట్సాప్ లో షేర్ చేస్తూ తెగ ట్రెండ్ చేస్తున్నారు. ఈ వార్త ఊరంగా ప్రచారం జరిగింది. ఈ ఘటనతో.. కోతులు ఇలా పగ తీర్చుకుంటాయా.? వానరాలు రివెంజ్‌ తీర్చుకుంటే ఇంత దారుణంగా ఉంటుందా అన్న ప్రశ్నలు తలెత్తుతున్నాయి.
మరిన్ని తెలంగాణ వార్తల కోసం క్లిక్ చేయండి..
